Башланув 2:4 - Мукъаддес Китап

⁴ Мына, кокнинъ ве ернинъ яратылгъан вакътында оларнынъ несили. РАББИ-Тааля ер юзю ве кокни яраткъанда,

Башланув 2:4 Referans Kwoze

Башланув 5:1

Мына, Адемнинъ эвлятлары акъкъында ривает. Алла адамны яраткъанда, оны Аллагъа ошатып ясады.

Сырларнынъ ачылувы 1:8

– Мен – Альфа ве Омега, Башланув ве Сонъ, – дей Рабби-Тааля. – Мен барым. Эвельде бар эдим, энди де келеятам. Мен – Къудретли Аллам.

Эюп акъкъында китап 38:28

Ягъмурнынъ бабасы бармы? Чыкъ тамчыларыны ким яратыр?

3 Падишалар 18:39

Бутюн халкъ буны корьгенде, ерге бети устюне йыкъылды ве: – Алла – РАББИдир, Алла – РАББИдир! – деди.

Чыкъыш 15:3

РАББИ – аскердир! Онынъ Ады – РАББИ!

Башланув 36:1

Мына Исав, я да Эдом, ве онынъ эвлятлары акъкъында ривает.

Башланув 1:31

Сонъ Алла Озю яраткъан эр бир шейге бакъты, ве о, керчектен де пек яхшы эди. Акъшам тюшти, саба ачылды – бу, алтынджы кунь эди.

Башланув 1:4

Алла ярыкънынъ насыл яхшы олгъаныны корьди ве оны къаранлыкътан айырды.

2 Тарих вакъиалары 20:6

шойле деди: – Я РАББИ, бабаларымызнынъ Алласы! Коклернинъ Алласы Сен дегильсинъми? Эр бир халкънынъ падишалыгъында Сен падишалыкъ этесинъ. Кучь ве къудрет Сенинъ элинъде. Санъа къаршы кимсе турып оламаз!

Чыкъыш 6:16

Мына, къоранталарына коре, Левий огъулларынынъ адлары: Гершон, Кехат ве Мерарий. Левий 137 йыл яшады.

Башланув 36:9

Мына эдомлыларнынъ бабасы-дедеси олгъан, Сеир деген дагълы топрагъында яшагъан Исав ве онынъ эвлятлары акъкъында ривает.

Башланув 25:19

Мына Ибраимнинъ огълу Исхакъ ве онынъ эвлятлары акъкъында ривает. Ибраимнинъ Исхакъ адлы огълу олды.

Башланув 25:12

Мына Ибраимнинъ огълу Исмаил (оны Ибраимге Саренинъ хызметчиси мысырлы Хагъар тапты) ве онынъ эвлятлары акъкъында ривает.

Башланув 11:10

Мына Шем ве онынъ эвлятлары акъкъында ривает. Сув ташкъынындан эки йыл кечкен сонъ, Шем 100 яшында олгъанында, онынъ Арпакъшад адлы огълу олды.

Башланув 10:1

Мына Нух огъуллары олгъан Шем, Хам ве Яфетнинъ эвлятлары акъкъында ривает. Сув ташкъынындан сонъ оларнынъ балалары олдылар.

Башланув 1:28

Алла оларны багъышлап: – Чокъ балалар догъып чокълашынъыз, ер юзюни толдурынъыз ве оны озюнъизге бойсундырынъыз. Денъиздеки балыкъларгъа, коклердеки къушларгъа ве ер юзюнде юрген эр бир махлюкъларгъа ве айванларгъа падишалыкъ этинъиз, – деди.

Башланув 1:1

Башта Алла коклерни ве ерни яратты.

Сырларнынъ ачылувы 16:5

Сувларгъа буюргъан мелекнинъ бойле дегенини эшиттим: – Я Рабби, Сен адалетлисинъ! Сен шимди барсынъ, эвельден олгъансынъ! Бойле джеза бергенинъде, Сен Мукъаддессинъ!

Сырларнынъ ачылувы 11:17

ве бойле дедилер: – Рабби-Тааля, Къудретли Алла! Санъа бинъ шукюрлер олсун! Сен эвельден олгъансынъ ве шимди де барсынъ. Сен буюк къудретинъден файдаланып, Падиша олдынъ.

Сырларнынъ ачылувы 1:4

Юхан – Кучюк Асиядаки еди иманлыларнынъ джемиетине: Шимди ве эвельде бар олгъан, энди де келеяткъан Алла ве Онынъ тахты алдында тургъан еди Рухлар сизге эйилик ве тынчлыкъ-аманлыкъ берсин!

Ешая 44:6

РАББИ, Исраильнинъ Падишасы, оны сатын алгъан Ордуларнынъ РАББИси бойле дей: – Мен биринджи, ве Мен сонъки! Менден гъайры алла ёкъ!

Башланув 1:3

Алла: – Ярыкъ олсун! – деди. Ве ярыкъ олды.

Башланув 2:3

Бу куню Алла Озю яраткъан ве япкъан эписи ишлеринден раатлангъаны ичюн, О, единджи кунни багъышлады ве мукъаддес этип айырды.

Эюп акъкъында китап 38:4

Мен дюньянынъ темелини къойгъанда, сен къайда эдинъ? Эгер бильсенъ, айт.