Башланув 2:2 - Мукъаддес Китап

² Единджи кунюне Алла Озюнинъ япкъан ишлерини битирген эди. Единджи куню О, Озюнинъ япкъан эписи ишлеринден раатланды.

Башланув 2:2 Referans Kwoze

Еудийлерге 4:4

Язынынъ бир еринде единджи кунь акъкъында айтылгъан ки, Алла единджи куню Озюнинъ бутюн ишлеринден раатланды.

Чыкъыш 31:17

Бу Меннен Исраиль огъулларынынъ арасында олгъан эбедий аляметтир. Алты кунь ичинде РАББИ коклерни ве ер юзюни яратты, единджи куню исе чалышмайып раатланды.

Къануннынъ текрары 5:14

Единджи куню исе – Алланъ олгъан РАББИге ибадет этмек ичюн раатлыкъ куню. Бу куню бир тюрлю иш этменъиз: не сен, не огълунъ, не къызынъ, не къулунъ, не хызметчи къызынъ, не огюзинъ, не эшегинъ, не де бир тюрлю туварынъ, не сизде ят халкълардан олгъан адам. Сен киби къулунъ да, хызметчи апайынъ да раатлансынлар.

Чыкъыш 23:12

Алты кунь ишлеринъизни этинъиз, единджи куню исе раатлыкъ куню олсун. Бугъанъызнен эшегинъиз раатлансынлар, къулунъызнынъ огълу ве кельмешек нефес алсынлар.

Юхан 5:17

Амма Иса оларгъа шойле деди: – Меним Бабам шимдигедже чалыша, Мен де чалышам.

Ешая 58:13

– Раатлыкъ кунюни тутсанъыз, азиз кунюмде истеклеринъизден вазгечсенъиз, раатлыкъ кунюни къувачнен беклесенъиз, РАББИнинъ азиз кунюне сайгъы этсенъиз, эр вакъыттаки ишлеринъизнен огърашмасанъыз, истеклеринъизни ерине кетирмесенъиз ве бош лаф этмесенъиз,

Башланув 1:31

Сонъ Алла Озю яраткъан эр бир шейге бакъты, ве о, керчектен де пек яхшы эди. Акъшам тюшти, саба ачылды – бу, алтынджы кунь эди.

Еудийлерге 4:10

Онынъ раатлыкъ ерине кирген адам, Алла Озь ишлеринден насыл раатлангъан олса, озь ишлеринден бойле де раатланаджакъ.

Башланув 2:3

Бу куню Алла Озю яраткъан ве япкъан эписи ишлеринден раатлангъаны ичюн, О, единджи кунни багъышлады ве мукъаддес этип айырды.

Чыкъыш 31:15

Алты кунь ишлеринъизни япынъыз, единджи куню исе – РАББИге багъышлангъан, мукъаддес раатлыкъ кунюдир. Раатлыкъ куню иш эткен эр ким ольдюрильсин.