Башланув 16:6 - Мукъаддес Китап

⁶ – Мына, хызметчинъ сенинъ къолунъда, – деди Ибрам Сарейге. – Онен не истесенъ, оны яп. Сарей Хагъарны ойле азарлап башлады ки, тап Хагъар ондан къачып кетти.

Башланув 16:6 Referans Kwoze

Йирмея 38:5

Цидкия падиша исе: – Мына, о сизинъ къолунъыздадыр, – деди. – Падиша сизге къаршы бир шей япып оламаз.

1 Пётр 3:7

Акъайлар, апайларынъызнен, олар зайыфча олгъаныны анълап, яшанъыз. Оларны урьмет этинъиз, чюнки олар да сизнен берабер эйи эбедий аятны мирас киби аладжакълар. О вакъытта дуваларынъызгъа ич бир шей кедер этмез.

Джемаат башы 10:4

Башлыгъынъ санъа къаршы гъазапланса, еринъден кетме, чюнки сувукъкъанлыкъ буюк янълышларны бастырыр.

Икметли сёзлер 29:19

Къул сёзнен тербие этильмез, айткъан лафынъны анъласа да, къулакъ асмаз.

Икметли сёзлер 27:8

Тувгъан ерини къалдыргъан адам ювасындан узакъ учкъан къуш кибидир.

Икметли сёзлер 15:1

Йымшакъ джевап гъазапны ятыштырыр, акъаретли сёз исе ачув къозгъар.

Икметли сёзлер 14:29

Чокъ сабырлы адам чокъ анълагъандыр, тез ачувлангъан исе ахмакълыгъыны косьтере.

Эюп акъкъында китап 2:6

РАББИ Шейтангъа: – Яхшы, онъа не япмагъа истесенъ, яп, янъгъыз джаныны алма, – деди.

Чыкъыш 2:15

Бу иш акъкъында фыравун эшитти ве Мусаны ольдюрмеге истеди. Амма Муса, фыравундан къачып, Мидьян топрагъына яшамакъ ичюн кетти. Анда келип, бир къую янында отурды.

Башланув 24:10

эфендисининъ девелеринден он деве алып кетти. Янында эфендисининъ тюрлю яхшы бахшышлары да бар эди. Хызметчи Арам-Нахараим топрагъына, Нахор шеэрине кетти.

Башланув 16:9

РАББИнинъ Мелеги онъа: – Саибенъе къайт да, онынъ япкъанларына сабыр эт, – деди.

Нун огълу Ехошуа 9:25

Энди исе сенинъ къолунъдамыз. Бизлернен насыл догъру ве адалетли сайсанъ, ойле де яп.