Башланув 15:3 - Мукъаддес Китап

³ – Бакъ, Сен манъа бала бермегенинъ ичюн, мирасчым эвимде яшап тургъан огълан оладжакътыр! – деп девам этти о.

Башланув 15:3 Referans Kwoze

Башланув 14:14

Ибрам, озюнинъ сою эсирге алынгъаныны эшитип, эвинде догъгъан 318 ишанчлы аскерини чагъырды ве душманларны Дангъадже къувалады.

Икметли сёзлер 29:21

Эгер къулны балалыгъындан эркелесенъ, хайырыны корьмезсинъ.

Джемаат башы 2:7

Озюме къулларны ве къыз къулларыны алдым, эвимде догъгъан къулларым да бар эди. Меним туварларымы ве къой-эчкилерим Ерусалимде менден эвель эписи яшагъанларнынъ айванларындан зияде эди.

Йирмея 12:1

– Я РАББИ, Сен адалетлисинъ, даваларымнен Санъа келеджегим. Сеннен къарарларынъ акъкъында лаф этмеге истейим: не ичюн яманларнынъ ишлери онъундан келелер? Не ичюн имансызлар боллукъ ичинде яшайлар?

Икметли сёзлер 30:23

акъайгъа чыкъкъан ороспу, эфенди-ханымнынъ ерине кечкен хызметчи къызы.

Икметли сёзлер 13:12

Бошуна чыкъкъан умют – юрек азабы, ерине кельген истек – омюр тереги.

Башланув 13:16

Сенинъ эвлятларынъны Мен тоз дайын чокъ сайылы этерим: ер юзюнде тоз данелерини саймагъа имкян олмагъаны дайын, эвлятларынъны да саймагъа чареси олмаз.

Башланув 12:2

Мен сенден буюк халкъ асыл этерим, сени багъышларым, адынъны намлы этерим. Сен озюнъ Алланынъ бахшышы ол!

Башланув 15:2

Ибрам: – РАББИ-ТААЛЯм! Мен бала-чагъасыз ольсем, Сенинъ мукяфатларынъ манъа не керек? Олюмимден сонъ бутюн мал-мулькюмни Мешек (Дамаск дегени) огълу Элиэзер аладжакъ, – деди.