Башланув 14:7 - Мукъаддес Китап

⁷ Андан къайтып, Эн-Мишпат, я да Къадеш янына кельдилер ве амалеклилернинъ бутюн мемлекетини ве Хацецон-Тамарда яшагъан аморлыларны урып йыкътылар.

Башланув 14:7 Referans Kwoze

2 Тарих вакъиалары 20:2

Ехошафаткъа адамлар келип, бойле хабер эттилер: – Денъизнинъ о бир тарафындан, Арамдан санъа къаршы буюк орду келе. Олар шимди Хацецон-Тамарда, яни Эн-Геди шеэринде.

Башланув 20:1

Ибраим андан чыкъып, Негев деген ерге ёл алды ве Къадешнен Шур арасында яшап башлады. Сонъ вакътынджа Герар шеэринде ерлешти.

Башланув 16:14

Онынъ ичюн бу чокъракъ Беэр-Лахай-Рои деп адлана. О, Къадеш ве Беред арасында ерлешкендир.

Нун огълу Ехошуа 15:62

Нившан, Туз Шеэри ве Эн-Геди – койлеринен берабер алты шеэр.

Къануннынъ текрары 1:46

Сиз чокъ куньлер девамында Къадеш шеэринде яшадынъыз, бутюн бу узакъ вакъыт ичинде анда эдинъиз.

Къануннынъ текрары 1:19

Биз Хорев еринден ёлгъа чыкътыкъ, сиз корьген бутюн бу буюк ве къоркъунчлы сахрадан кечип, РАББИ эмир эткени киби, аморлыларнынъ дагълы топракъларына кеттик ве Къадеш-Барнеа шеэрине кельдик.

Сайылар 24:20

Сонъ о, Амалекке тараф бакъты ве кинаели икяесини айтып берди: – Амалек халкълар арасында биринджидир, амма сонъу – ёкъ этилювидир.

Сайылар 20:1

Исраиль огъулларынынъ бутюн джемааты биринджи айда Цин сахрасына кельди. Халкъ Къадеште ерлешти. Анда Мерьем ольди ве дефн этильди.

Сайылар 14:45

Шу дагълыкъта яшагъан амалеклилернен ханаанлылар келип, оларны урып енъдилер ве тап Хорма шеэрине къадар къуваладылар.

Сайылар 14:43

Анда амалеклилернен ханаанлылар сизлерге къаршы чыкъаджакълар да, сизни къылычларынен ольдюреджеклер. Сиз РАББИден вазгечкенинъиз ичюн, РАББИ сизнен олмайджакъ!

Сайылар 13:26

Къыркъ куньден сонъ, топракъны бакъып чыкъкъан сонъ, артларына къайттылар.

Башланув 36:16

Къорах къабилеси, Гъатам къабилеси ве Амалек къабилеси. Бу Эдом топрагъында олгъан Элифазнынъ къабилелери. Мына Аданынъ огъуллары.

Башланув 36:12

Тимна Исавнынъ огълу Элифазнынъ джариеси эди, онъа Амалекни догъды. Бу – Исавнынъ апайы Аданынъ огъуллары.

Ехезкель 47:10

Ялыда балыкъчылар пейда оладжакъ. Эн-Гедиден башлап Эн-Эгълаимге къадар балыкъ тутып, агъларны къурутмагъа къояджакълар. Анда Акъ денъиздеки олгъаны киби, пек чокъ чешит тюрлю балыкъ оладжакъ.

Ехезкель 48:28

Гъаднынъ пайы мемлекетнинъ дженюбий топрагъы оладжакъ. Онынъ сынъыры Тамардан Мериват-Къадешнинъ сувларына къадар, сонъра озен бою Акъ денъизге къадар узанаджакъ.