Башланув 12:4 - Мукъаддес Китап

⁴ Ибрам, РАББИ айткъаны киби, ёлгъа чыкъты. Ибрамнен берабер Лут да кетти. Харан шеэринден чыкъкъанда, Ибрам 75 яшында эди.

Башланув 12:4 Referans Kwoze

Еудийлерге 11:8

Ибраим Алланы иман ярдымынен динъледи. Алла оны чагъыргъанда, Ибраим къайда бараджагъыны бильмейип, онъа бериледжек мемлекетке ёлгъа чыкъты.

Башланув 11:31

Терах, къасдийлилернинъ Ур шеэринден чыкъып, Ханаан топрагъына кетмек ичюн ёл алды. О, огълу Ибрамны, Хараннынъ огълу олгъан Лут торуныны ве огълу Ибрамнынъ апайы олгъан Сарей келинини янына алды. Лякин Харан шеэрине келип, анда ерлештилер.

Башланув 11:27

Мына Терах ве онынъ эвлятлары акъкъында ривает. Терахнынъ Ибрам, Нахор ве Харан адлы огъуллары бар эди. Хараннынъ Лут адлы огълу олды.

Фаалиет 7:4

О вакъыт Ибраим къасдийлилернинъ топрагъындан чыкъып, Харан шеэринде ерлешти. Бабасы ольген сонъ, Алла Ибраимни о ерден мында, сизлер яшагъан ерге кочюрди.

Еудийлерге 6:15

Ибраим чокъ сабыр этип, Алла берген сёзнинъ беджерильгенини корьди.

Башланув 16:3

Ибрамнынъ апайы Сарей озь хызметчи къызыны, мысырлы Хагъарны акъайы Ибрамгъа апай этип берди. Ибрам о заман Ханаан топрагъында энди он йылдан берли яшай эди.

Башланув 16:16

Хагъар Ибрамгъа Исмаилни тапкъанда, Ибрам 86 яшында эди.

Башланув 25:7

Эписи олып, Ибраим 175 йыл яшады.

Башланув 28:10

Якъуп Беэр-Шевадан чыкъып, Харангъа ёл алды.

Башланув 13:5

Ибрамнен берабер кочип юрген Лутнынъ да озь къой-эчкилери, туварлары ве чадырлары бар эди.