Башланув 10:32 - Мукъаддес Китап

³² Нух огъулларындан башта эвлятлар, эвлятлардан исе миллетлер айырылдылар. Бу, Нух огъулларындан пейда олгъан къабилелердир. Булардан, сув ташкъынындан сонъ, ер юзюндеки миллетлер чыкътылар.

Башланув 10:32 Referans Kwoze

Башланув 9:19

Бу учеви Нухнынъ огъуллары эдилер, ве олардан бутюн ер юзю толдурылды.

Фаалиет 17:26

Бир адамдан эписи халкъларны яратып, оларгъа бутюн ер юзюнде даркъалып яшамагъа ёл берди, оларнынъ эвельден бельгиленген девирлерини, сынъырларынен яшайджакъ ерлерини тайин этти,

Башланув 10:1

Мына Нух огъуллары олгъан Шем, Хам ве Яфетнинъ эвлятлары акъкъында ривает. Сув ташкъынындан сонъ оларнынъ балалары олдылар.

Башланув 10:25

Эвернинъ эки огълу олды: бирисининъ ады Пелег эди, чюнки тамам о, олгъан заманда ер айырылгъан эди. Къардашынынъ ады исе Ёкътан эди.

Башланув 10:20

Бу, къабилелерине ве тиллерине коре, топракъларында ве миллетлеринде олгъан Хамнынъ эвлятлары.

Башланув 9:7

Сизлер догъып артынъыз ве ер юзюнде ерлешип чокълашынъыз.

Башланув 9:1

Алла Нухны ве огъулларыны бойле деп багъышлады: – Догъып чокълашынъыз ве ер юзюни толдурынъыз.

Башланув 10:31

Бу, къабилелерине ве тиллерине коре, топракъларында ве миллетлерине коре олгъан Шемнинъ эвлятлары.

Башланув 11:1

О заманда бутюн ер юзюнде бир тиль эди, сёзлер де бир эдилер.

Башланув 10:5

Булардан ялы боюнда ве адаларда яшагъан миллетлер пейда олдылар; эр кеснинъ озь ери, озь тили ве озь миллетнинъ къабилелери бар эдилер.

Эюп акъкъында китап 15:19

Топракъ янъгъыз оларгъа берильген эди, араларында ябанджы юрмей эди.