Башланув 1:9 - Мукъаддес Китап

⁹ Сонъ Алла: – Коклер тюбюндеки сувлар бир ерге топлансынлар, ве къуру топракъ пейда олсун, – деди. Ойле де олды.

Башланув 1:9 Referans Kwoze

2 Пётр 3:5

Амма олар шуны эсинден чыкъаргъанлар ки, Алланынъ Сёзюнен коклер чокътан пейда олдылар, ер сувдан чыкъты ве сувнынъ ярдымынен яратылды.

Юнус 1:9

– Мен еудийим, денъизни ве ерни яраткъан коклердеки РАББИ-Таалягъа ибадет этем, – деп джевап берди Юнус.

Йирмея 5:22

Менден къоркъмакъ керексинъиз, Меним огюме къалтырамакъ меджбурсынъыз. Денъизге эбедий сынъыр оларакъ, къумны къойдым, денъиз сынъырыны кечалмаз. Далгъалары огге ынтылсалар да, кечип оламаз, гудюрдеселер де, сынъырдан чыкъып оламаз.

Зебур 95:5

Халкъларнынъ бутюн аллалары – бош путлардыр, РАББИ исе коклерни яратты!

Джемаат башы 1:7

Эписи дерьялар денъизге акъар, денъиз исе толып-ташмаз. Сонъ дерьялар, акъмакъ ичюн, кене ирмакъларына къайтыр.

Зебур 33:7

Бу фукъаре чагъыргъанда, РАББИ эшитти, бутюн белялардан оны къуртарды.

Эюп акъкъында китап 26:10

Ярыкънен къаранлыкъны айыргъан ерде сувларнынъ устюнден сынъыр чызды.

Сырларнынъ ачылувы 10:6

О, асырлардан асырларгъа Яшагъаннынъ огюнде, кок ве коктеки барлыкъны, ер ве ер юзюндеки барлыкъны, денъиз ве денъиздеки барлыкъны Яраткъаннынъ алдында ант этип деди: – Энди вакъыт олмайджакъ.

Зебур 104:3

Мукъаддес Адынен макътанынъыз, РАББИни къыдыргъанларнынъ юреги къувансын!

Эюп акъкъында китап 26:7

О, бошлукънынъ устюне шимальни джайды, ич бир шейнинъ устюне дюньяны асты.

Башланув 1:8

Алла къуббени «кок» деп адландырды. Акъшам тюшти, саба ачылды – бу, экинджи кунь эди.

Нехемья 9:6

– РАББИ тек Сенсинъ! Сен коклерни ве коклернинъ коклерини яраттынъ. Бутюн ордуларны, ерни ве ерде яшагъанларнынъ эписини, денъизлерни ве денъиздеки эр шейни яраттынъ. Сен эписине джан бересинъ, ве коклернинъ ордулары Санъа ибадет этелер.