Башланув 1:14 - Мукъаддес Китап

¹⁴ Сонъ Алла: – Кок къуббесинде ярыкъ менбалары пейда олсунлар. Олар куньдюзни геджеден айырсынлар ве заманларны, куньлерни ве йылларны бельгилесинлер.

Башланув 1:14 Referans Kwoze

Къануннынъ текрары 4:19

Шунынъ ичюн де, кокке бакъып, кунеш, ай ве йылдызларны, – бутюн кок ордусыны корьгенинен, ёлдан урулып, оларгъа бель букип, хызмет этменъиз. Алланъыз олгъан РАББИ оларны кок тюбюнде яшагъан эписи халкълар ичюн тайинледи.

Йирмея 31:35

Куньдюз парылдамагъа кунешни берген, геджеде парылдамакъ ичюн айнен йылдызларгъа низамнамелерни буюргъан, далгъалары окюрсин деп, денъизни котерген РАББИ бойле дей. Онынъ Ады – Ордуларнынъ РАББИсидир!

Зебур 148:3

Эй, кунеш ве ай, Оны макътанъыз! Эй, бутюн нурлу йылдызлар, Оны макътанъыз!

Зебур 148:6

О, оларны эбедий ерлештирди, оларгъа бозулмайджакъ бир низамнаме берди.

Амос 5:8

Алла Улькер ве Орион йылдыз такъымларыны яраткъан. О, зифт къаранлыкъны саба ярыгъына чевире, куньдюзни геджеге айландыра, денъиз сувларыны чагъырып, оларны ер юзюне тёке. Онынъ Ады – РАББИдир!

Ёэль 3:15

Кунеш ве ай къарараджакъ, йылдызларнынъ парылдысы гъайып оладжакъ.

Йирмея 10:2

РАББИ бойле дей: – Башкъа халкъларнынъ ёлуны огренменъиз, миллетлер къоркъкъан кок аляметлеринден къоркъманъыз.

Зебур 81:3

Фукъаре ве оксюзнинъ тарафыны алынъыз, заваллы ве факъыргъа адалет косьтеринъиз!

Башланув 8:22

Энди дюнья тургъандже, сачкъан ве оргъан вакъытлары, сувукъ ве сыджакъ, яз ве къыш, кунь ве гедже битмейджеклер, – деди.

Ешая 40:26

– Козьлеринъизни котерип, коклер юксеклигине бакъынъыз! Оларны ким яратты? Коклердеки ордуларны сыранен алып келе, эр бирини адынен чагъыра. Улу къудрети, буюк кучю ичюн, Онынъ эр шейи озь ериндедир.

Матта 24:29

‌Бирден шу куньлернинъ буюк мусибетинден сонъ «Кунеш къара оладжакъ, ай да ярыкъ бермейджек. Йылдызлар коктен тюшеджеклер ве коклердеки кучьлер сарсыладжакълар».

Амос 8:9

– О куню, – дей РАББИ-ТААЛЯ, – уйледе кунешни батыраджагъым, купе-куньдюз ер юзюни къарартаджагъым.

Ёэль 2:10

Оларнынъ огюнде ер юзю къыбырдай, коклер титрей, кунеш ве ай сёне, йылдызлар ярыгъыны джоя.

Йирмея 33:20

– РАББИ бойле дей: Меним къарарыма коре куньдюз ве гедже озь вакъты-саатинде келелер, ве сизге бу низамнамени бозмагъа мумкюн дегиль.

Сырларнынъ ачылувы 6:12

Къозу алтынджы печатны бозгъанда, бакъсам, буюк зельзеле олды. Кунеш къара гедже киби къарарды, ай исе бутюнлей къан тюсте олды.

Матта 2:2

Тылсымджы алимлер: – Янъы догъгъан еудийлернинъ Падишасы къаерде? Биз шаркъта Онынъ йылдызыны корьдик, шунынъ ичюн Онъа бель букмеге кельдик, – дедилер.

Ехезкель 46:1

РАББИ-ТААЛЯ шойле дей: – Ички азбаргъа алып баргъан шаркъ къапусы алты иш куню девамында къапалы турсун. Раатлыкъ куню исе оны ачсынлар. Янъы ай куню де о ачыкъ олсун.

Йирмея 33:25

РАББИ бойле дей: Мен куньдюзге ве геджеге къарар бердим, коклерге ве ер юзюне берген низамнамени къавий эттим.

Эюп акъкъында китап 25:5

Онынъ козюнде ай нур сачмаз, ве йылдызлар айдын олмаз!

Сырларнынъ ачылувы 8:12

Дёртюнджи мелек боразан чалды. Кунешнинъ учьте бири, айнынъ учьте бири ве йылдызларнынъ учьте бири зарарланды. Оларнынъ учьте бири къарарды. Шунынъ ичюн куньдюзнинъ де, гедженинъ де учьте бири ярыкъсыз къалды.

Лука 23:45

ве кунеш къарарды. Алла Сарайынынъ Энъ Мукъаддес Одасында перде тёпеден ашагъадже экиге болюнип йыртылды.

Марк 13:24

‌Шу куньлерде, шу буюк мусибеттен сонъ «Кунеш къара оладжакъ, ай да ярыкъ бермейджек.

Ехезкель 46:6

Янъы ай куню ёлбашчы къурбан оларакъ бир къусурсыз яш бузавны, алты къусурсыз къозуны ве бир къусурсыз къочкъарны кетирсин.

Эюп акъкъында китап 25:3

Онынъ ордуларыны саймакъ мумкюнми? Ярыгъы кимнинъ устюне догъмаз?

Эюп акъкъында китап 3:9

Танъ йылдызлары къара къалгъайды. Шу гедже ярыкъны беклеп отургъайды, лякин догъгъан кунешнинъ шавлелерини корьмегейди.

Сырларнынъ ачылувы 9:2

О, тюпсюзлик къуюсыны ачты. Тюпсюзлик къуюсындан буюк оджакътан чыкъкъан тютюнге ошагъан тютюн чыкъты. Тюпсюзликтен чыкъкъан тютюнден кунеш ве ава къарардылар.

Башланув 1:13

Акъшам тюшти, саба ачылды – бу, учюнджи кунь эди.

Башланув 1:15

Олар ер юзюни ярыкълатмакъ ичюн, кок къуббесинде ярыкъ менбалары олсунлар, – деди. Ойле де олды.

Зебур 150:1

Эльхамдюлилля! Мукъаддес мескенинде олгъан Алланы макътанъыз! Къуббесинде къудретинде олгъан Оны макътанъыз!