Амос 9:13 - Мукъаддес Китап

¹³ – Мына, бойле куньлер келир ки, – дей РАББИ, – сабанджылар топракъ сюрмеге кельгенде, берекетни джыйып етиштирмеген оракъчыларгъа расткеледжек, урлукъ сачмагъа кельген адамлар исе юзюмни басып етиштирмегенлерни расткетиреджеклер. Юзюм шырасы дагълардан тамлайджакъ, бутюн байырлардан акъаджакъ.

Амос 9:13 Referans Kwoze

Ёэль 3:18

О куню дагълардан юзюм шырасы тамлайджакъ, байырлардан сют акъаджакъ, Ехуданынъ эписи озенлери сувгъа толаджакъ. РАББИнинъ Эвинден бир чокъракъ чыкъаджакъ ве Шиттим вадийине сув береджек.

Юхан 4:35

Сиз: «Ормакъ вакътына даа дёрт ай бар», – демейсизми? Энди сизге айтам: козьлеринъизни котерип, тарлаларгъа бакъынъыз. Ашлыкъ чокътан агъарып, ормакъ ичюн азыр тура!

Ешая 55:13

Тикенлер ерине кипарис оседжек, къыджыткъан ерине мирт тереги котериледжек. Булар эписи РАББИге нам къазанаджакъ, эбедий, сонъсуз бир алямет оладжакъ.

Левийлилер 26:5

Арман вакътынъыз юзюм джыйыладжакъ заманына къадар узанаджакъ, юзюм джыйыладжакъ заманы сачув заманына къадар узанаджакъ. Сиз озь ашынъызны тойгъандже ашайджакъсынъыз ве топрагъынъызда раат яшайджакъсынъыз.

Ехезкель 36:35

Сонъ шойле дейджеклер: «Бакъымсыз къалгъан бу топракъ Эдем багъчасы киби олды; харабеге чевирильген, йыкъылгъан бакъымсыз шеэрлер янъыдан къурулды, къавийлештирильди, адамгъа толды».

Ёэль 3:20

Ехудалылар эбедий яшайджакъ, Ерусалим шеэри несильден несильге къаладжакъ.

Зебур 97:5

РАББИ ичюн сантыр чалынъыз, сантыр чалып, йырлар айтынъыз!

Къадылар 5:5

РАББИнинъ огюнде дагълар титреди, Исраиль Алласы олгъан РАББИнинъ огюнде Синай титреди!

Амос 9:5

Ордуларнынъ РАББИ-Таалясы ерге тийгенинен, ер ирер, устюнде яшагъан эр кес агълар. Бутюн ер, Нил дерьясы киби, котериледжек, Мысыр дерьясы киби къабарып, ашагъы тюшеджек.

Башланув 49:11

О, эшегини юзюм чубугъына багълай, эшек баласыны энъ яхшы юзюм чубугъына багълай. Урбаларыны шарап ичинде юва, кийимлерини – салкъымларнынъ къанында.

Ешая 16:10

Багъчалардан шенълик ве къуванч гъайып олды, юзюм багъларында къуванчнен къычырмай ве йырламайлар, юзюм сыкъылгъан чукъурларында юзюм таптамайлар. Мен къуванчны токътаттым.

Ехезкель 28:26

Олар анда раат яшайджакъ, эв къураджакъ, юзюмликлерини сачаджакълар. Оларны кореджек козю олмагъан къомшуларыны Мен джезалайджагъым, ве олар къоркъмайып яшайджакълар. О заман Мен – РАББИ, оларнынъ Алласы олгъанымны биледжеклер.

Ёэль 2:24

Арманлар ашлыкъкъа толаджакъ, юзюм ве зейтюн басылгъан ерлерден янъы шарап ве зейтюн ягъы тёкюлип ташаджакъ.