Амос 9:12 - Мукъаддес Китап

¹² Сонъ олар Эдомнынъ къалгъан топрагъыны енъеджек ве Меним Адымнен адландырылгъан бутюн халкъларны запт этеджек, – дей бунынъ эписини япаджакъ РАББИ.

Амос 9:12 Referans Kwoze

Ешая 43:7

– Менимки олгъан эр кесни, шуретиме яратылгъанларны, Мен япкъан ве ясагъанларны алып кель».

Фаалиет 15:17

Сонъ къалгъан адамлар, Меним Адымны чагъырып таныгъан халкълар Мени, Раббини, къыдырып тападжакълар, – дей Рабби. О, эвельден белли олгъан шейлерни беджере.

Ешая 65:1

Къыдырмагъанлар Мени таптылар, истемегенлерге Озюмни ачыкъ косьтердим. Адымны чагъырмагъан халкъкъа: «Мен Мындам! Мындам!» – дедим.

Йирмея 14:9

Не ичюн шашкъан бир адамгъа, къуртармагъа кучю олмагъан аскерге ошайсынъ? Лякин, я РАББИ, эписи бир Сен арамыздасынъ, Адынънен адланамыз. Бизни быракъма!

Йирмея 15:16

Сёзлеринъ огюме келип-кечмез, мен оларны юттым; олар манъа къуванч, юрегиме шенълик олды. РАББИ, Ордуларнынъ Алласы! Адынънен адлангъаным.

Ешая 63:19

Сен санки бир вакъыт башлыкъ этмеген, Адынънен адланмагъан бир халкъ олдыкъ.

Ешая 11:14

Олар экиси куньбатышта фелестинлилерге атыладжакъ, уджюм этип, куньдогъушта яшагъанларны талайджакълар, Эдом ве Моавны юмрукънен ураджакълар, Аммон балаларыны бойсундыраджакълар.

Зебур 60:8

О, Алланынъ огюнде эбедиен турсун, севгиге ве акъикъаткъа буюр, олар оны къорчаласын!

Башланув 27:37

– Мен оны сенинъ устюнъе акимдар этип къойдым, эписи агъа-къардашларыны да онъа къуллукъкъа бердим, – деп джевап берди Исхакъ Исавгъа. – Ашлыкънен шарапны да онъа бердим. Сен ичюн мен не япып олурым, огълум?

Башланув 27:29

Санъа халкълар хызмет этсинлер, миллетлер бель буксюнлер. Агъаларынъа акимдарлыкъ эт, ананънынъ огъуллары санъа бель буксюнлер. Сени къаргъагъан адамлар къаргъышлы олсун, сени багъышлагъан адамлар багъышлангъан олсунлар!

Малакий 1:4

Эдомлылар: «Душманлар шеэрлеримизни бозды, амма биз йыкътырмаларны гъайрыдан къураджакъмыз», – дейлер. Ордуларнынъ РАББИси исе бойле дей: – Олар къурарлар, Мен исе йыкъаджагъым. Оларнынъ топрагъыны «яман виляет» деп адландыраджакълар, халкъына «эр вакъыт РАББИнинъ къаргъышы астында яшагъан халкъ» дейджеклер.

Ёэль 3:8

Мен огъулларынъызны ве къызларынъызны ехудалыларгъа сатаджагъым, олар исе оларны узакъта яшагъан бир халкъкъа, шевалыларгъа сатаджакълар. Бу – РАББИнинъ айткъаныдыр.