Амос 8:14 - Мукъаддес Китап

¹⁴ Самариенинъ пис путларынен ант эткенлер, Даннынъ ве Беэр-Шеванынъ аллаларына ишангъанлар йыкъыладжакъ ве бир даа турып оламайджакъ.

Амос 8:14 Referans Kwoze

Амос 5:5

Бет-Эльге кетменъиз, Гилгалгъа кирменъиз, Беэр-Шева шеэрине кечменъиз. Гилгал шеэри сюргюн этиледжек, Бет-Эль шеэри гъайып оладжакъ.

Къануннынъ текрары 9:21

Сонъ сиз япкъан гуналы шейинъиз олгъан бузавны атеште якътым, урып парчаладым ве тоз киби уфакъ олгъандже эздим, сонъ бу тозны дагъдан акъкъан дерьягъа аттым.

Фаалиет 9:2

Дамаск шеэриндеки синагогалар ичюн мектюплерни сорады. «Ёл» адлангъан огретювнинъ изинден баргъан кимни тапса, акъай я да къадын олгъанына бакъмайып, оларны якъалап, Ерусалимге кетирмек ниетинде эди.

Фаалиет 24:14

Огюнъде шуны ачыкъ айтмагъа истейим: олар Ёлгъа ялан дейлер, мен исе онъа коре яшап, бабаларымызнынъ Алласына ибадет этем. Къанунгъа коре олгъан эр бир шейге ве Пейгъамберлернинъ Языларында язылгъанларнынъ эписине инанам.

Фаалиет 19:23

О вакъыт Раббининъ Ёлуна къаршы буюк бир исьян котерильди.

Фаалиет 19:9

Амма базылары инатланып, иманны ред эттилер ве халкънынъ огюнде Раббининъ Ёлуны яманладылар. Павел олардан кетип, янына шегиртлерни алды ве эр кунь Тираннус деген бир адамнынъ мектебинде субетлер кечире башлады.

Фаалиет 18:25

Бу адам Раббининъ Ёлунда тербие алгъан ве бу акъта атешли рухнен Иса акъкъында догъру огрете эди. Лякин сувгъа батырып чыкъармакъ акъкъында о тек Ягъянынъ адетини биле эди.

Цефанья 1:5

Эм эвлернинъ тёпелеринде коклернинъ ордусына ибадет эткенлерни, эм РАББИге садыкълыгъына ант этип, шу аньде Милкъомгъа садыкъ къалгъанларны,

Амос 5:2

– Исраиль къыз йыкъылды, бир даа турып оламаз. О, озь топрагъында къалдырылды, оны турсатаджакъ кимсе ёкъ.

Хошеа 13:2

Шимди де олар гунагъа гуна къошалар, кумюшини ирите ве озьлерине, акъыллары еткенине коре, путларны япалар. Усталар путларнынъ эписини ясайлар ве: «Къурбан кетирген адам бузав путуны опьсюн!» – дейлер.

Хошеа 10:5

Самариеде яшагъанлар Бет-Авендеки бузавнен олгъаныны корип къоркъаджакъ. Халкъ онынъ артындан зар чекеджек. Онъа къуванчнен ибадет эткен руханийлер шурети ондан айырылгъаны ичюн агълайджакъ.

Хошеа 4:15

Эй, Исраиль, сен ороспулыкъ этсенъ де, Ехуда гуна къазанмагъайды. Гилгал шеэрине барманъыз, Бет-Авен шеэрине чыкъманъыз, Тири РАББИнен ант этменъиз.

Йирмея 51:64

Сонъ айт: «Вавилон да бойле батып кетеджек, ве Мен онынъ башына тюшюрген белядан ич бир вакъыт котерип олмайджакъ, асыл такъаттан кесиледжек». Йирмеянынъ сёзлери мында бите.

Йирмея 25:27

Оларгъа бойле айт: – Ордуларнынъ РАББИси, Исраильнинъ Алласы бойле дей: «Ичинъиз, сархошланынъыз, къусунъыз ве ерге йыкъылынъыз. Мен сизге къаршы ёллайджакъ къылычнынъ огюнде ерден турманъыз».

Ешая 43:17

дженк арабаларыны, атларны, орду ве бутюн олгъан кучь-къуветини алып кетирди. Оларнынъ эписи берабер ерге тюшип, турмадылар, фитиль киби сёнди, гъайып олдылар.

Икметли сёзлер 29:1

Сыкъ опькени эшитип, юрегини инатландыргъан адам апансыздан эляк олур, – арткъа ёлу олмаз.

Зебур 140:10

Ярамайлар озь авларына тюшер, мен исе къуртулып кетерим.

Зебур 36:12

Ярамай адам инсафлыгъа яманлыкъ тилей, онъа къаршы тишлерини гъыджырдата.

2 Тарих вакъиалары 36:16

Лякин олар Алланынъ хаберджилерини мыскъыллай, Онынъ сёзлерини динълемей, Онынъ пейгъамберлерини масхара эттилер. Бундан сонъ РАББИнинъ гъазабы Озь халкъына ойле алевленди ки, тюзельмеге чаре къалмады.

4 Падишалар 10:29

Амма, Исраильни гуналаргъа батыргъан Неват огълу Еровоамнынъ гуналарындан вазгечмеди, Бет-Эльдеки ве Дандаки алтын бузавлардан вазгечмеди.

3 Падишалар 16:24

Омрий Шемерден Самарие байырыны эки чувал кумюшке сатын алды. Бу ерде шеэр къурды, шеэрнинъ адыны дагънынъ эвельки саибининъ адынен Самарие деп адландырды.

3 Падишалар 14:16

Еровоамнынъ гуналары ичюн ве Исраильни гуналаргъа батыргъаны ичюн, РАББИ Исраильни душманларынынъ къолларына береджек», – деди.

3 Падишалар 12:32

Еровоам даа сененинъ 8-инджи айынынъ 15-инджи кунюни байрам куню япты (бу байрам куню Ехудада олгъан байрам киби олды); къурбан еринде къурбанларны чалды. Бу шейни Бет-Эльде япты, озь яптыргъан таналаргъа къурбанларны кетирип башлады. Бет-Эльде де о, яптыргъан ибадет тёпелеринде руханийлерни къойды.

Къануннынъ текрары 33:11

РАББИ, онынъ къудрети огъурлы олсун, туткъан ишлеринден разы ол. Онъа къаршы тургъанларны ве оны кореджек козьлери олмагъанларны, аякъ устюнде турып оламасынлар деп, аякъларындан ур.

Ешая 24:20

Ер юзю, сархош киби, тентир-ментирдир, чалаш киби саллана. Онынъ къабаатлары пек агъыр, оларнынъ тюбюнде йыкъыладжакъ, бир даа турамайджакъ.

Микъа 1:5

Буларнынъ эписи Якъупнынъ яман ишлери ичюн, Исраиль эвининъ гуналары ичюн оладжакъ. Якъуп нечюн яман ишлер япты? Бунынъ себепчиси Самарие дегиль эдими? Ехудада ибадет тёпелерини ким къурды? Ерусалим дегильми?

Икметли сёзлер 24:16

Инсафлы адам еди кере йыкъылса, эписи бир аякъкъа турар, яман адам исе бир сюрюнгенде турамаз.

Амос 5:1

Эй, Исраиль эви, Меним сизлер ичюн агълав йырымны динъленъиз: