Амос 5:8 - Мукъаддес Китап

⁸ Алла Улькер ве Орион йылдыз такъымларыны яраткъан. О, зифт къаранлыкъны саба ярыгъына чевире, куньдюзни геджеге айландыра, денъиз сувларыны чагъырып, оларны ер юзюне тёке. Онынъ Ады – РАББИдир!

Амос 5:8 Referans Kwoze

Амос 4:13

Бакъ! Алла дюньянынъ юксек ерлеринден келеята! О, дагъларны ясагъан ве ельни яраткъан. О, адамгъа Озь тюшюнджелерини анълата, танъ ярыгъыны къаранлыкъкъа чевире. Онынъ Ады – РАББИ, Ордуларнынъ Алласыдыр.

Эюп акъкъында китап 9:9

Джетемен йылдыз уюрини, Орионны, Улькерни, дженюп йылдызларыны О, яраткъан.

Амос 9:6

Рабби Озь эвини коклерде ерлештирген, къуббесини ернинъ устюнде къургъан. О, денъизнинъ сувларыны чагъыра ве оларны ер юзюне тёкип ёллай. Онынъ Ады – РАББИ!

Амос 8:9

– О куню, – дей РАББИ-ТААЛЯ, – уйледе кунешни батыраджагъым, купе-куньдюз ер юзюни къарартаджагъым.

Зебур 104:20

Падиша адам ёллап, оны къуртарды, халкъларнынъ укюмдары оны азат этти.

Зебур 105:28

Олар Баал-Пеор адлы путкъа япыштылар, олюлер ичюн берильген къурбанларны ашадылар.

Эюп акъкъында китап 12:22

къаранлыкънынъ теренликлерини ачар, олюм кольгесини ярыкъкъа чыкъарыр,

Лука 1:79

къаранлыкъ ве олюм кольгеси тюбюнде яшагъанларны ярыкълатаджакъ, бизге барышыкъ ёлуны косьтереджек.

Матта 4:16

Къаранлыкъта яшагъан халкъ буюк ярыкъ корьди! Олюм топрагъында, олюм саесинде яшагъан адамлар ичюн ярыкъ парылдады.

Ешая 59:10

Кёр адамлар киби, дивар тутып кетемиз, козьсюз киби, къармаланамыз, уйле ярыгъында акъшам къаранлыгъында киби абынамыз, сагъ адамларнынъ арасында олюлер кибимиз.

Ешая 42:16

Кёр адамларны белли олмагъан ёлларындан алып кетеджегим, таныш олмагъан ёлларда юрсетеджегим, оглериндеки къаранлыкъны ярыкъкъа чевиреджегим, къыйыш ёлларыны догъру этеджегим. Олар ичюн япаджакъларым будыр, оларны къалдырмайджагъым.

Эюп акъкъында китап 38:34

Башынъа номай ягъмур ягъсын деп, булутларгъа сесинъни эшиттирирсинъми?

Эюп акъкъында китап 37:13

Я инсанларны джезаламакъ, я топракъны сувармакъ, я мерамет косьтермек ичюн ягъмурны ягъдырыр.

Йирмея 16:21

Онынъ ичюн шимди оларгъа бильдиреджегим, къудретли кучюмни косьтереджегим. О заман Адым – РАББИ олгъаныны биледжеклер!

Йирмея 33:2

– Ер юзюни яраткъан РАББИ, оны ерлештирип къавийлештирген, Ады РАББИ олгъан, бойле дей: