Амос 5:13 - Мукъаддес Китап

¹³ Шунынъ ичюн акъыллы адам бойле вакъыт агъзыны ачмаз, чюнки заман ямандыр.

Амос 5:13 Referans Kwoze

2 Тимотейге 3:1

Даа шуны биль: сонъки куньлерде агъыр вакъытлар келеджек.

Микъа 2:3

Шунынъ ичюн РАББИ шойле дей: – Мына, Мен шу халкъкъа ойле беля ёлларым ки, озь боюнларынъызны къуртарып оламазсынъыз, башынъызны котерип юрип оламазсынъыз, ве заманлар пек фена оладжакъ.

Хошеа 4:4

Амма ич кимсе давалашмасын, ич бир адам башкъасыны къабаатламасын! Сенинъ халкъынъ – руханийни къабаатлагъан халкъ кибидир.

Джемаат башы 3:7

йыртмакъ вакъты ве тикмек вакъты; сусып отурмакъ вакъты ве айтмакъ вакъты;

Эфеслилерге 6:13

Шу себептен, Алланынъ бутюн силяларыны алынъыз. О вакъыт сиз яман куньде къаршылыкъ косьтерип оладжакъсынъыз ве къолунъыздан кельгенини япып, къатты тураджакъсынъыз.

Хавакъкъукъ 3:16

Сени эшитип, юрегим титреди, дудагъым къалтырап, кемиклерим агъырды. Аягъым тюбюнде ер саллангъандай олды. Амма меним халкъыма уджюм эткен душманнынъ башына тюшеджек беля кунюни сабырнен беклейджегим.

Амос 6:10

Олюлернинъ эмджеси я да дженазе ичюн джевапкяр адам кемиклерни эвден алып чыкъмагъа кельгенде, эвнинъ янындаки адамдан: «Эвде даа бирев сагъ къалдымы?» – деп сорайджакъ, о да: «Ёкъ», – деп джевап къайтараджакъ. Кельген исе: «Тынч ол! Шимди РАББИнинъ Адыны анъмагъа олмаз», – дейджек.

Ешая 37:3

Олар келип, бойле дедилер: – Хизкия шойле дей: «Бу кунь – сыкъынты, джеза ве масхаралыкъ куню. Балаларнынъ догъаджакъ вакъты кельди, амма догъурмагъа кучь ёкъ.

Ешая 36:21

Эр кес индемеди, кимсе онъа бир сёз биле джевап бермеди, чюнки падиша джевап бермемеге буюргъан эди.

Джемаат башы 9:12

Адам озь вакъты-саатини бильмез. Балыкъ ольдюриджи авгъа, къуш да тузакъкъа тюшкени дайын, инсан огъуллары да, фелякет вакъты апансыздан башларына тюшкенде, онынъ къолуна тюшелер.

4 Падишалар 18:36

Халкъ сусып къалды, онъа бир сёз биле къайтармады, чюнки падиша: «Онъа сёз къайтарманъыз», – деп буюргъан эди.

Эюп акъкъында китап 32:16

Не къадар беклесем де, олар лаф этмейлер, токътадылар, джевап бермейлер!

Зебур 38:14

Манъа бакъма. О бир дюньягъа кетип, ёкъ олмаздан эвель, мен кене теселли тапарым!