Амос 3:6 - Мукъаддес Китап

⁶ Шеэрде телюке сигналыны бору чалгъанда, халкъ къоркъмазмы? РАББИнинъ разылыгъы олмайып, бир шеэрнинъ башына беля тюшерми?

Амос 3:6 Referans Kwoze

Ешая 45:7

Мен ярыкъны ясайым, къаранлыкъны япам, аманлыкъ яратам ве беля ёллайым. Буны эписини япкъан – Мен, РАББИдирим!

Цефанья 1:16

О куню бору чалынаджакъ, къавийлештирильген шеэрлерге ве юксек къуллелерге къаршы къычырувларнен дженк этеджеклер.

2 Коринтлилерге 5:11

Раббиден къоркъмакъ не олгъаныны билип, биз Ондан къоркъмагъа башкъа адамларны да огретемиз. Алла бизим не олгъанымызны яхшы биле. Мен ишанам ки, сизинъ виджданынъызда сиз де бизни билесинъиз.

Башланув 50:20

Сиз манъа къаршы яманлыкъ япмагъа истединъиз, амма Алла, шимди олгъаныны япмакъ ичюн, чокъ адамларнынъ яшайышларыны сакъламакъ ичюн, бундан эйилик япмагъа истеди.

Фаалиет 2:23

Алла эвельден къарар чыкъаргъаны ве эвельден бильгени киби, Иса сатылгъан эди, ве сиз адалетсиз адамларнынъ къолунен Оны хачкъа мыхлап ольдюрдинъиз.

Йирмея 6:1

Эй, Биньяминнинъ балалары, Ерусалимден къачынъыз! Текъоада боразан чалынъыз! Бет-Хаккеремде атешнен бир сигнал беринъиз, шимальден яманлыкъ, буюк бир къырылув якъынлаша.

Йирмея 4:5

– Ехудада хабер этинъиз, Ерусалимде бильдиринъиз, мемлекет бою бору чалып, айтынъыз, бар сесинъизнен къычырынъыз: «Топланынъыз, айдынъыз, къавийлештирильген шеэрлерге кетейик!»

Фаалиет 4:28

Сен Озь къудретинънен ве ираденънен эвельден бельгилеген ишлернинъ эписини беджердилер.

Ехезкель 33:3

ве шу адам мемлекетке къаршы дженк якъынлашкъаныны корип, боразан чалса ве халкъкъа бильдирсе,

Йирмея 10:7

Халкъларнынъ Падишасы! Сенден ким къоркъмаз? Сенден къоркъмагъа – догъру арекеттир! Халкъларнынъ эписи акъыллы адамлары арасында, эписи падишалыкъларында Санъа ошагъан ёкъ!

Хошеа 5:8

Гива шеэринде бору чалынъыз, Рама шеэринде боразан чалынъыз, Бет-Авенде дженкке чагъырынъыз: «Огге, Биньямин! Биз артынъдан кетемиз!»

Йирмея 5:22

Менден къоркъмакъ керексинъиз, Меним огюме къалтырамакъ меджбурсынъыз. Денъизге эбедий сынъыр оларакъ, къумны къойдым, денъиз сынъырыны кечалмаз. Далгъалары огге ынтылсалар да, кечип оламаз, гудюрдеселер де, сынъырдан чыкъып оламаз.

Йирмея 4:19

Ах, ичим-багърым, ичим-багърым! Юрегим яна, юрегим сызлай, сусып оламайым! Джаным боразан сесини, дженк давушларыны эшите!

Амос 3:5

Тузакъта ем олмаса, къуш ердеки къапкъангъа тюшерми? Ичине бир шей тюшмеден, къапкъан ерден къыбырдармы?

Зекерья 8:10

Бу куньлерден эвель не адам, не де айван къазанчы ёкъ эди, кельген-кеткенге душмандан раатлыкъ ёкъ эди. Мен эр кимге башкъасына къаршы душманлыкъ этмеге ёл бердим.

4 Падишалар 6:33

Эль-Яса даа айтаяткъанда, хаберджи келип чыкъа ве: – Мына РАББИден насыл беля кельди! Энди РАББИден нелер беклемек керек? – дей.