Амос 2:9 - Мукъаддес Китап

⁹ Мен оларнынъ огюнде аморлыларны ёкъ эттим. Олар кедр тереги къадар бойлу, эмен къадар кучьлю олсалар да, Мен тёпесинден махсулыны, тюбюнден тамырларыны къуруттым.

Амос 2:9 Referans Kwoze

Малакий 4:1

– Мына, фурун киби янгъан кунь келе. О вакъыт эписи къопайлар ве яманлыкъ япкъанлар тобан киби оладжакълар, ве келеяткъан кунь оларны якъаджакъ, – дей Ордуларнынъ РАББИси. – Оларда не тамыр, не пытакъ къалдырылмайджакъ.

Эюп акъкъында китап 18:16

Тамырлары ашагъыдан къуруйджакъ, пытакълары устьтен соладжакъ.

Къануннынъ текрары 3:11

Башаннынъ падишасы Ог сонъки рефалы эди. Онынъ демирден япылгъан тёшегининъ узунлыгъы дёрт бучукъ метр, кенълиги эки метр эди. О, шимди де аммонлыларнынъ къолунда, Рабба шеэриндедир.

Чыкъыш 34:11

Санъа шимди эмир эткенлеримни тут! Мына, Мен сенден аморлыларны, ханаанлыларны, хитлилерни, перизлилерни, хивлилерни ве евуслыларны къувам.

Башланув 15:16

Аморлыларнынъ яманлыгъы озь къарарына даа етмегени ичюн, мында тек дёртюнджи неслинъ къайтаджакъ.

Ехезкель 17:9

Оларгъа айт: РАББИ-ТААЛЯ шойле дей: Юзюм пытагъы буюк осип олурмы? Оны тамырларынен чыкъарып атарлар, мейвасыны узип ташларлар, ве о озю къуруп къалыр. Мытлакъа, онынъ эписи тазе филислери къуру оладжакъ. Оны тамырынен чыкъарып атмакъ ичюн, буюк кучь ве чокъ адамлар керек олмаз.

Нун огълу Ехошуа 10:12

РАББИ аморлыларны Исраильнинъ огъулларына берген куню Ехошуа РАББИни чагъырып, исраиллилернинъ огюнде: – Кунеш! Гивоннынъ устюнде токъта! Ай! Аялон вадийи устюнде токъта! – деди.

Нун огълу Ехошуа 3:10

Сонъ Ехошуа къошты: – Тири Алла сизинъ огюнъизден ханаанлыларны, хитлилерни, хивлилерни, перизлилерни, гиргашлыларны, аморлыларны ве евуслыларны къуваджакъ. Сонъ сиз Алла аранъызда олгъаныны анълайджакъсынъыз:

Къануннынъ текрары 1:28

Биз энди къайда кетейик? Агъа-къардашларымыз: “О халкъ бизден чокъ, бойлары да юксекче. Шеэрлери балабан, пекитильген диварлары кокке тие. Биз анда анакълыларны биле корьдик”, – айтып, бизни рухтан тюшюрдилер».

Чыкъыш 3:8

Оны мысырлылар къолундан къуртарып ве оны бу ерден чыкъарып, сютнен бал акъкъан бол ве яхшы бир ерге алып кетмеге келем. Ханаанлыларнынъ, хитлилернинъ, аморлыларнынъ, перизлилернинъ, хивлилернинъ ве евуслыларнынъ топрагъына оны алып кетмек ичюн келем.

Ешая 5:24

Атеш тобанны, алев де пиченни якъып ёкъ эте; оларнынъ тамырлары да чюрюп, ёкъ олур, чечеклери куль киби авагъа савурылыр. Олар Ордулар РАББИсининъ Къануныны ред эттилер, Исраиль Азизининъ Сёзюнден вазгечтилер.

Ешая 10:33

Мына, Рабби, Ордуларнынъ РАББИси дешетли кучюнен терек пытакъларыны къопараджакъ, узун бойлу тереклерни балталайджакъ, юкъары котерильгенлерни ерге йыкътыраджакъ,

Сайылар 32:13

РАББИнинъ гъазабы Исраильге къаршы къайнады, ве РАББИнинъ козю огюнде яманлыкъ япкъан несиль кесильмегендже, О оларны сахра бою къыркъ йыл долаштырды.

1 Тарих вакъиалары 1:14

евуслыларнынъ, аморлыларнынъ, гиргашлыларнынъ,