Амос 1:6 - Мукъаддес Китап

⁶ РАББИ бойле дей: – Гуна устюне гуна къазангъанлары ичюн, Гъазада яшагъанларны мытлакъа джезалайджагъым. Чюнки олар бутюн халкъны сюргюн этти ве эдомлыларнынъ къолларына берди.

Амос 1:6 Referans Kwoze

Амос 1:11

РАББИ бойле дей: – Гуна устюне гуна къазангъанлары ичюн, эдомлыларны мытлакъа джезалайджагъым. Чюнки олар къардашлары исраиллилернинъ артындан къылычнен къувалады, мераметсиз олды, ачувына чыкъмагъа ёл берди, ве гъазабы сонъсуз эди.

2 Тарих вакъиалары 28:18

Фелестинлилер де даркъалып, Ехуданынъ Шефеладаки шеэрлерини ве Негевни басып алдылар. Олар Бет-Шемеш ве Аялон, Гедерот ве Сокъо шеэрини ве этрафындаки койлерни, Тимна шеэрини ве этрафындаки койлерни, Гимзо шеэрини ве этрафындаки койлерни басып алдылар ве анда ерлештилер.

Овадья 1:11

О куню ябанджылар Якъупнынъ ордусыны эсирликке алып кетти, кельмешеклер шеэр къапуларындан ичери кирди ве Ерусалим акъкъында джереп чекти. Сен исе о куню якъын турып, ярдым этмединъ, оларнынъ бири киби олдынъ.

Амос 1:9

РАББИ бойле дей: – Гуна устюне гуна къазангъанлары ичюн, Тир шеэринде яшагъанларны мытлакъа джезалайджагъым. Чюнки олар эписи сюргюн этильгенлерни эдомлыларнынъ къолларына берди, достлукъ мунасебетлерини акъылгъа кетирмеди.

1 Падишалар 6:17

Фелестинлилер РАББИге олгъан къабаатлары ичюн кетирген алтын шишиклерден бирер шишикни Ашдод, Гъаза, Ашкелон, Гъат ве Экрон ичюн бердилер.

Ёэль 3:6

Ехудалыларны ве Ерусалим огъулларыны юнанларгъа саттынъыз, озь мемлекетинден оларны узакълаштырдынъыз.

Ехезкель 35:5

Сен исраиллилерге даима душманлыкъ яптынъ, олар белягъа огърагъан вакъытта, джезалангъан вакъытта оларны къылычкъа бердинъ.

Зекерья 9:5

Ашкелон шеэри буны корьгенде, пек къоркъаджакъ; Гъаза шеэри буны корьгенде, къоркъудан пек къалтырайджакъ, Экрон шеэри де буны корип, къоркъаджакъ; онынъ ишанчы масхара оладжакъ. Гъазанынъ падишасы гъайып оладжакъ, Ашкелонда адам яшамайджакъ.

Амос 1:3

РАББИ бойле дей: – Гуна устюне гуна къазангъанлары ичюн, Дамаскта яшагъанларны мытлакъа джезалайджагъым. Чюнки олар Гилад халкъына, ашлыкъны демир алетлернен бастыргъан дайын, шефкъатсыз янаштылар.

Йирмея 47:1

Фыравун Гъаза шеэрини урмаздан эвель, РАББИден Йирмея пейгъамберге фелестинлилер акъкъында бойле хабер кельди:

Фаалиет 8:26

Филипке Раббининъ Мелеги келип: – Еринъден тур! Дженюп тарафкъа, Ерусалимден Гъазагъа баргъан сахра ёлуна бар! – деди.

Ёэль 3:4

Эй, Тир ве Сидон шеэрлери, бутюн Фелестин виляетлери, Манъа япаджагъынъыз недир? Сиз Мени джезаламагъа истейсинъизми? Акъкъымны береджек оласынъызмы? Манъа япаджакъ олгъанларынъызны Мен тез ве къолайлыкънен башларынъызгъа тюшюреджегим.

Амос 1:7

Гъаза шеэрининъ диварларына атеш ёллайджагъым, о, къавийлештирильген сарайларыны якъып ташлайджакъ.