Амос 1:11 - Мукъаддес Китап

¹¹ РАББИ бойле дей: – Гуна устюне гуна къазангъанлары ичюн, эдомлыларны мытлакъа джезалайджагъым. Чюнки олар къардашлары исраиллилернинъ артындан къылычнен къувалады, мераметсиз олды, ачувына чыкъмагъа ёл берди, ве гъазабы сонъсуз эди.

Амос 1:11 Referans Kwoze

2 Тарих вакъиалары 28:17

Эдомлылар кене келип, ехудалыларгъа уджюм эттилер ве чокъ адам эсир алдылар.

Малакий 1:4

Эдомлылар: «Душманлар шеэрлеримизни бозды, амма биз йыкътырмаларны гъайрыдан къураджакъмыз», – дейлер. Ордуларнынъ РАББИси исе бойле дей: – Олар къурарлар, Мен исе йыкъаджагъым. Оларнынъ топрагъыны «яман виляет» деп адландыраджакълар, халкъына «эр вакъыт РАББИнинъ къаргъышы астында яшагъан халкъ» дейджеклер.

Ёэль 3:19

Амма Мысыр мемлекети къуру сахра оладжакъ, Эдом топрагъы бош чёльге чевириледжек, чюнки олар Ехуда огъулларыны чекиштирди, топракъларында къабаатсыз адамларнынъ къаныны тёктилер.

Зебур 137:7

Белялар ичинде юрсем де, Сен меним рухумны котерирсинъ, душманларымнынъ гъазабына къаршы къол котерирсинъ, онъ къолунънен мени къуртарырсынъ.

Микъа 7:18

Сен киби башкъа Алла ёкъ. Сен адамларнынъ къабаатыны багъышлайсынъ, Сенинъ къысметинъни, халкънынъ къалгъанларыны къанунсыз ишлери ичюн джезаламайсынъ. Онынъ ачувынынъ сонъу бар, О, севгисини косьтермеге севе.

Джемаат башы 7:9

Рухунъ къызма табан олмасын, чюнки гъазап ахмакънынъ юрегинде яшай.

Къануннынъ текрары 23:7

Эдомлыларгъа нефрет беслеме, чюнки олар сенинъ сой-сопларынъдыр. Мысырлыларгъа да нефрет беслеме, чюнки сен оларнынъ топрагъында ят олып яшагъансынъ.

Эфеслилерге 5:1

Шунынъ ичюн, севимли балалар олып, Алладан орьнек алынъыз,

Малакий 1:2

– Мен сизни севем, – дей РАББИ. – Сиз исе: «Бизни насыл севесинъ?» – деп сорарсынъыз. Исав Якъупнынъ агъасы дегиль эдими? – дей РАББИ. – Мен Якъупны севдим.

Ешая 57:16

Дава этеджегим эбедий дегиль, ачувланаджагъым эр вакъыткъа дегильдир. Ойле олса, Мен яраткъан эр джан ве эр рух такъаттан кесилир эди.

Зебур 85:5

Сен, Рабби, хайырлы багъышлайыджысынъ, Сени чагъыргъанларнынъ эписине буюк севгинъни ачасынъ!

Зекерья 1:15

Тынч яшагъан халкъларгъа къаршы исе ачувым къайнай. Мен чокъ ачувланмагъанымда, олар яманлыкъкъа яманлыкъ къоштылар.

2 Тарих вакъиалары 20:10

Амма шимди мында аммонлылар, моавлылар ве Сеир дагъында яшагъан халкъ кельди. Исраиллилер Мысыр топрагъындан чыкъкъанда, оларнынъ топракъларындан кечмеге Сен ёл бермединъ, шунынъ ичюн олар ёлдан бурулып, оларны ёкъ этмеди.

2 Тарих вакъиалары 20:11

Амма коресинъми, олар бизге насыл къайтаралар? Олар Сен бизге мирас оларакъ берген топракътан бизни къуваламакъ ичюн кельдилер.

Хошеа 8:3

Лякин Исраиль яхшылыкъны ред этти, шунынъ ичюн душманлар оларны къувалайджакъ.