4 Падишалар 8:6 - Мукъаддес Китап

⁶ Падиша къадындан сорады, ве о, эр шейни айтып берди. Падиша шу къадыннен берабер бир везирини йиберип, къадыннынъ бутюн шейлерини къайтармагъа ве тарласынынъ, топракъны къалдыргъан вакъыттан башлап шу вакъыткъа къадар келирини де тёлемеге эмир берди.

4 Падишалар 8:6 Referans Kwoze

Икметли сёзлер 21:1

Падишанынъ юреги РАББИнинъ элиндедир, акъымдаки сув киби, оны истегени киби чевирир.

Икметли сёзлер 16:7

Адам туткъан ёлундан РАББИ разы олса, душманларыны биле онен барыштыра.

2 Падишалар 9:7

– Къоркъма! Ёнатан бабанънынъ хатири ичюн мен санъа бирде-бир яхшылыкъ япарым, Шаул къартбабанънынъ бутюн тарлаларыны санъа къайтарып берерим. Сен меним софрамда эр вакъыт отьмек ашарсынъ, – деди онъа Давут.

1 Тарих вакъиалары 28:1

Давут Ерусалимге бутюн Исраиль ёлбашчыларыны, къабилелер башлыкъларыны, падишагъа хызмет эткен болюк башлыкъларыны, бинъбашыларыны, юзбашыларыны, падишанынъ ве падиша огъулларынынъ мал-мулькю ве сюрюлерине джевапкяр олгъанларны, везирлерини, орду башлыкъларыны ве эписи джесюр аскерлерни топлады.

4 Падишалар 9:32

Еху пенджереге башыны котерип: – Ким меним тарафымда? Ким? – деп сорады. Пенджереден онъа эки-учь везир бакъты.

Къануннынъ текрары 22:2

Эгер семетдешинъ узакъ яшаса, я да сен айваннынъ саиби ким олгъаныны бильмесенъ, айванны эвинъе ал да, о адам оны къыдырып башламагъандже, айван сенде турып турсун. Сонъ айванны къайтар.

Башланув 37:36

Мидьянлылар исе Юсуфны Мысырда фыравуннынъ везири ве сакъчыларнынъ башлыгъы олгъан Потифаргъа саттылар.

Къадылар 11:13

Аммонлыларнынъ падишасы Йифтахкъа джевап берип: – Исраиллилер Мысырдан кетеяткъанда, Арнондан Яббокъкъа ве Иордангъа къадар меним топракъларымны тутып алдылар. Шу топракъларны яхшылыкънен къайтарып бер! – деди.

4 Падишалар 8:5

Гехазий падишагъа Эль-Ясанынъ ольген адамны тирильткени акъкъында айтаяткъанда, тамам огълу тирильген къадын келип, озь эви ве тарласыны сорады. Гехазий: – Падиша-эфендим, мына айны шу къадын. Эль-Яса айны шу къадыннынъ огълуны тирильткен эди, – деди.

4 Падишалар 8:7

Эль-Яса Дамасккъа кельгенде, Арамнынъ падишасы Бен-Хадад хаста ята эди. Падишагъа: «Алланынъ адамы мында кельди», – деп хабер эттилер.