4 Падишалар 10:4 - Мукъаддес Китап

⁴ Мектюпни окъугъан сонъ, олар пек къоркътылар ве: – Ана, эки падиша онъа къаршы турып оламадылар, биз насыл этип къаршы турайыкъ? – дедилер.

4 Падишалар 10:4 Referans Kwoze

4 Падишалар 9:27

Ехуда падишасы Ахазья бутюн буларны корип, Бет-Хагъгъангъа догъру чапып кетти. Еху онынъ пешинден къувалап буюрды: – Оны да урунъыз! Ахазьяны, Ивлеам янындаки Гур тёпесине арабасында котерилеяткъанда яраладылар. О, Мегиддо ерине къачып кетти, анда да ольди.

4 Падишалар 9:24

Еху исе яйыны чекип, окъны Ёрамнынъ омузлары арасына саплады. Окъ онынъ юрегинден кечти, ве о арабасы ичине йыкъылды.

Лука 14:31

Бир падиша башкъа падишагъа къаршы дженк этмеге азырланса, он бинъ аскеримнен манъа къаршы кельген падишанынъ йигирми бинъ аскеринен дженклешмеге кучюм етер экенми, деп башта отурып тюшюнмек керек.

Нахум 1:6

Онынъ гъазабы огюнде ким турып олур? Гъазабынынъ алевине ким даянып олур? Онынъ гъазабы, атеш киби, джайрай, Онынъ огюнде къаялар йыкъыла.

Йирмея 49:19

Иорданнынъ чалылыгъындан ешиль отлакъларгъа арслан чыкъкъаны киби, Мен де апансыздан оларгъа атылып, эдомлыларны къувалайджагъым, ёлбашчыларыны джезаларым. Манъа ошагъан ким бар? Менден ким сорап олур? Манъа къаршы тураджакъ ёлбашчы бармы?

Ешая 27:4

Мен гъазаплы дегилим, лякин къаршыма тикенлер ве кийик отлар чыкъса, оларгъа къаршы дженк этерим, бутюнлей якъып ташларым.

4 Падишалар 10:3

эфендинъизнинъ огъулларындан энъ яхшысыны эм ляйыгъыны сечип алып, оны бабасынынъ тахтына отуртынъыз. Эфендинъизнинъ сою ичюн дженк этинъиз».

Эюп акъкъында китап 41:8

Бири-бирине ойле якъын ки, араларындан ава биле кечмез.