4 Падишалар 1:10 - Мукъаддес Китап

¹⁰ Ильяс эллибашына джевап берип: – Эгер мен Алланынъ адамы олсам, коктен атеш энсин де, сени де, аскерлеринъни де якъсын, – деди. Шу дакъкъасы коктен атеш энип, эллибашыны ве онынъ аскерлерини якъты.

4 Падишалар 1:10 Referans Kwoze

Лука 9:54

Онынъ шегиртлери Якъуп ве Юхан буны корип: – Рабби, буларны ёкъ этмек ичюн коктен атеш тюшсюн деп, айткъанымызны истейсинъми? – дедилер.

Даниял 3:25

Бунъа о: – Иште, мен дёрт багълы олмагъан, атешнинъ ортасында юрген акъайны корем. Оларгъа да бир тюрлю зарар ёкъ. Дёртюнджисининъ къыяфети исе аллаларнынъ огълуна ошай, – деди.

Еудийлерге 12:29

чюнки бизим Алламыз – эписини якъып ёкъ эткен бир атештир.

Даниял 3:22

Падишанынъ эмири серт олып, соба пек зияде къыздырылгъан эди, ве онынъ ичюн атешнинъ алеви Шадракъ, Мешакъ ве Авед-Негоны ташлагъан адамларны ольдюрди.

Сырларнынъ ачылувы 11:5

Эгер ким оларгъа яманлыкъ япмагъа истесе, агъызларындан атеш чыкъаджакъ ве душманларыны ашап ёкъ этеджек. Оларгъа яманлыкъ кетирмеге истеген ольдюрильмек керек.

Зебур 106:18

Джанлары эр бир ашны ред этти, олюм араба къапусына якъынлаша эдилер.

Эюп акъкъында китап 1:16

О сёзюни битирмезден, башкъа бир хаберджи келип: – Алланынъ атеши коктен тюшип, къой-эчкилернен берабер хызметчилеринъни якъып ташлады. Янъгъыз мен къуртулдым ве санъа бу хаберни кетирдим, – деди.

Фаалиет 12:19

Ирод исе оны къыдырып тапмагъанындан сонъ, къаравулларны соравгъа чекип, олюм джезасына укюм этти. Бундан сонъ Ирод Еудиеден кетип, Кайсарея шеэрине барды ве о ерде къалды.

Матта 21:41

Динълегенлер Исагъа: – Бу яман адамларны къоркъунчлы ольдюреджек, багъыны исе башкъа, онъа махсулларны озь вакътында берген юзюмджилерге берер, – дедилер.

Даниял 6:24

Сонъ падиша эмир этти ве Даниялны къабаатлагъан адамлар кетирилип, арсланлар толу къуюгъа ташландылар. Оларнынъ озьлерини, эм балаларыны, эм апайларыны къуюгъа ташладылар. Олар къую тюбюне етмезден, арсланлар оларгъа атылып, кемиклерини парчаладылар.

Зебур 105:15

О, оларгъа истегенлерини берди, амма джанларына ольдюриджи хасталыкъны ёллады.

2 Тарих вакъиалары 36:16

Лякин олар Алланынъ хаберджилерини мыскъыллай, Онынъ сёзлерини динълемей, Онынъ пейгъамберлерини масхара эттилер. Бундан сонъ РАББИнинъ гъазабы Озь халкъына ойле алевленди ки, тюзельмеге чаре къалмады.

3 Падишалар 22:28

Микъая исе: – Эгер аман-эсен къайтып кельсенъ, демек, РАББИ менден айтмады! Бутюн халкъ, буны эшитинъиз! – деди.

Сайылар 16:35

О вакъыт РАББИден атеш чыкъты ве комюр табакъларыны кетирген 250 адамны якъып ёкъ этти.

Сайылар 11:1

Сонъ халкъ Аллагъа къаршы сес котерип, шикяет эткен халкъкъа чевирильди. РАББИ буны эшиткенинен, пек ачувланды, ве оларда РАББИнинъ атеши туташып, ордунынъ кенарларыны якъып ёкъ этти.

4 Падишалар 1:11

Падиша башкъа эллибашы ве элли аскерини ёллады. О да: – Эй, Алланынъ адамы! Падиша санъа айта: «Тез тюш мында!» – деди.

Левийлилер 10:2

Сонъ РАББИден атеш чыкъты ве оларны якъып ёкъ этти. Олар РАББИнинъ огюнде ольдилер.