3 Падишалар 8:9 - Мукъаддес Китап

⁹ Сандыкънынъ ичинде эки дане таш левадан гъайры бир шей ёкъ эди. Исраиль огъуллары Мысыр топрагъындан чыкъкъан сонъ, РАББИ оларгъа Хорев дагъында васиет бергенинен, Муса оларны анда къойгъан эди.

3 Падишалар 8:9 Referans Kwoze

Чыкъыш 25:21

Къапакъны – Мерамет Ерини – Сандыкънынъ устюне къой. Сандыкънынъ ичине исе Мен санъа береджек Шаатлыкъны къой.

Еудийлерге 9:4

Бу ерде къокъулы отлар якъыладжакъ алтын ер, эм де эр тарафы алтыннен къаплангъан Васиет Сандыгъы бар эди. Онынъ ичинде манна къоюлгъан алтын чанакъ, Харуннынъ чечек ачкъан таягъы ве Васиет сёзлеринен таш левалары бар эди.

Чыкъыш 40:20

Шаатлыкъны алып, Сандыкънынъ ичине къойды, Сандыкънынъ алкъаларындан сырыкъларны кечирди ве тёпесине къапакъ олгъан Мерамет Ерини къойды.

2 Тарих вакъиалары 5:10

Сандыкънынъ ичинде эки дане левадан гъайры бир шей ёкъ эди. Исраиль огъуллары Мысырдан чыкъкъан сонъ, РАББИ оларгъа Хорев дагъында васиет бергенинен, Муса оларны анда къойгъан эди.

Къануннынъ текрары 4:13

О сизлерге Озь васиетини – Он Эмирини – берди ве оны тутмагъа буюрды, эм де оны эки таш лева устюнде язды.

Сырларнынъ ачылувы 15:8

Алланынъ Шуретинден ве Онынъ Къудретинден Сарай тютюнге толды. Еди мелекнинъ еди белясы битмегендже, ич кимсе Сарайгъа кирип оламады.

Ехезкель 10:4

РАББИнинъ Шурети Керувларнынъ устюнден котерилип, Эвнинъ босагъасына кечти. Булут Эвни толдурды, ве азбарда РАББИнинъ Шурети парылдап башлады.

3 Падишалар 8:21

ве анда РАББИнинъ Васиетини сакълагъан Сандыкъ ичюн ер азырладым. РАББИ исраиллилерни Мысыр топрагъындан алып чыкъкъан сонъ, бу Васиетни баба-деделеримизге берген, – деди.

Къануннынъ текрары 31:26

– Бу Къанун Китабыны алып, оны Алланъыз олгъан РАББИнинъ Васиет Сандыгъынынъ янына къоюнъыз. О, анда сизге шаатлыкъ олур.

Сайылар 17:10

РАББИ Мусагъа: – Харуннынъ таягъыны кене Шаатлыкъ огюне къой. О, сакълансын ве Манъа къаршы чыкъкъанларгъа бельги олсун. Сонъ олар Манъа къаршы шикяет этмейджек ве шунынъ ичюн ольмейджеклер, – деди.

Сайылар 9:15

Мескен къурулгъан куню, Мескенни, Шаатлыкъ Чадырыны бир булут къаплап алды. Акъшамдан сабагъа къадар Мескен устюнде атешке ошагъан шей корюне эди.

Левийлилер 16:2

РАББИ Мусагъа бойле деди: – Харун агъанъа айт ки, онъа ольмемек ичюн, перденинъ артындаки Энъ Мукъаддес Ерге, Сандыкънынъ устюндеки Мерамет Ерининъ огюне истеген вакътында кирмесин. Мерамет Ерининъ устюнде Мен булут ичинде корюнирим.

Чыкъыш 16:33

Муса Харунгъа: – Бир савут ал да, ичине толу чанакъ маннаны къой. Оны несилинъизге къалдырмакъ ичюн, Алланынъ огюне кетир, – деди.

Чыкъыш 16:10

Харун Исраиль огъулларынынъ бутюн джемаатына айткъанда, олар сахрагъа айланып бакътылар, ве, иште, булутта РАББИнинъ Шурети пейда олгъаныны корьдилер.

Чыкъыш 14:24

Саба танъда РАББИ атеш ве булут дирегинден мысырлыларнынъ ордусына бакъты, ве оларнынъ сыраларыны къалабалыкъ этти.

Чыкъыш 13:21

Оларнынъ оглеринде РАББИ Озю кете эди. Куньдюз ёлны косьтерип, булут диреги киби, гедже ёлны ярыкълатып, атеш диреги киби кете эди. Бунынъ ичюн исраиллилер эм куньдюз, эм геджеси кетип ола эдилер.

Чыкъыш 25:16

Сандыкънынъ ичине Мен санъа береджек Шаатлыкъны къой.

2 Тарих вакъиалары 5:9

Таякълар огге ойле чекильген эдилер ки, Сандыкъ таякъларынынъ уджлары Энъ Азиз Оданынъ огюнде корюнелер, амма тышкъа чыкъмай эдилер. Олар аля бугунь андалар.