3 Падишалар 8:1 - Мукъаддес Китап

¹ Бундан сонъра Сулейман падиша Исраильнинъ акъсакъалларыны, къабилелернинъ эписи башлыкъларыны, Исраиль огъулларынынъ сой ёлбашчыларыны, РАББИнинъ Васиет Сандыгъыны Давут Шеэринден, яни Сиондан, алып кетмек ичюн, озюне Ерусалимге чагъыртты.

3 Падишалар 8:1 Referans Kwoze

1 Тарих вакъиалары 15:25

Бойле этип, Давут, Исраиль акъсакъаллары ве бинъбашылары РАББИнинъ Васиет Сандыгъыны Овед-Эдомнынъ эвинден къуванчнен кетирмеге кеттилер.

1 Пётр 2:6

Языда бойле айтылгъан: – Бакъынъыз! Мен Сионда темельташны къояйым. Мен Оны сайладым ве къыйметли яптым. Онъа инангъан адам ич утанмаз.

Ешая 46:13

Догърулыгъымны якъынлаштырдым, энди о узакъ дегиль, къуртарышым кечикмейджек. Сионгъа къуртулышны, Исраильге дюльбер шуретимни береджегим.

Ешая 28:16

Бунынъ ичюн РАББИ-ТААЛЯ бойле дей: – Бакъынъыз! Мен Сионда бир ташны – сыналгъан, къыйметли, коше башында темельташны къояйым. Онъа ишангъан адам къоркъмайджакъ.

Зебур 102:21

Эй, сизлер, Онынъ бутюн ордулары, ирадесини эда эткен хызметчилер, РАББИни алгъышланъыз!

Зебур 9:11

Адынъны бильгенлер Санъа ишаныр, чюнки Сени къыдыргъанларны къалдырмайсынъ, я РАББИ!

Узеир 3:1

Единджи ай кельгенде, Исраиль огъуллары озь шеэрлеринде ерлешкен сонъ, бутюн халкъ, бир адам киби, Ерусалимде топланды.

2 Тарих вакъиалары 30:1

Хизкия бутюн Исраиль ве Ехуда топракъларына хабер ёллады, Эфраим ве Менашше къабилелерине де мектюплер язды ве оларны Ерусалимдеки РАББИнинъ Сарайына кельмеге ве Исраильнинъ Алласы РАББИ ичюн Песах Байрамыны кечирмеге чагъырды.

1 Тарих вакъиалары 28:1

Давут Ерусалимге бутюн Исраиль ёлбашчыларыны, къабилелер башлыкъларыны, падишагъа хызмет эткен болюк башлыкъларыны, бинъбашыларыны, юзбашыларыны, падишанынъ ве падиша огъулларынынъ мал-мулькю ве сюрюлерине джевапкяр олгъанларны, везирлерини, орду башлыкъларыны ве эписи джесюр аскерлерни топлады.

1 Тарих вакъиалары 15:29

РАББИнинъ Васиет Сандыгъы Давут Шеэрине кирсетилеяткъанда, Шаулнынъ къызы Микъал пенджереден ашагъы бакъты ве РАББИнинъ огюнде секирген ве ойнагъан Давут падишаны корип, ичинден онъа сайгъысызлыкънен бакъты.

1 Тарих вакъиалары 15:3

Давут, РАББИнинъ Сандыгъыны озю азырлагъан ерге къоймакъ ичюн, бутюн исраиллилерни Ерусалимге топлады.

1 Тарих вакъиалары 11:7

Давут шу къаледе ерлешти, шунынъ ичюн онъа «Давут Шеэри» деген ад къоюлды.

3 Падишалар 3:15

Сонъ Сулейман уянды. Бу, онынъ тюшю эди. О, Ерусалимге келип, РАББИнинъ Васиет Сандыгъы огюнде турып, бутюнлей якъыладжакъ къурбанлар чалды, аманлыкъ къурбанларыны да кетирди. Сонъ хызметкярларына буюк той япты.

2 Падишалар 6:6

Накъон арманына кельгенде, бугъалар абындылар ве Алланынъ Сандыгъы авдарылды. Узза къолуны узатып, оны тутып къалды.

Нун огълу Ехошуа 24:1

Ехошуа эписи Исраиль къабилелерини Шекемде топлады. О, Исраиль акъсакъалларыны, башлыкъларыны, къадыларыны ве реберлерини чагъыртты, ве олар Алланынъ огюне турдылар.

Нун огълу Ехошуа 23:2

Эписи Исраиль огъулларыны, акъсакъалларыны, башлыкъларыны, къадыларыны ве реберлерини озюне чагъыртып, оларгъа бойле деди: – Мен энди къартайдым ве баягъы яшкъа кирдим.

Сайылар 1:4

Сизинъ янынъызда эр бир къабиледен бирер къоранта башлыгъы олмакъ керек.

3 Падишалар 2:10

Давут баба-деделерине къошулды ве Давут Шеэринде дефн этильди.