3 Падишалар 11:3 - Мукъаддес Китап

³ Онынъ 700 падишалар къызлары олгъан къадыны ве 300 джариеси бар эди. Олар Сулейманнынъ юрегини ёлдан урдылар.

3 Падишалар 11:3 Referans Kwoze

Джемаат башы 7:28

Джаным къыдырып тапалмагъан шейлер булардыр: бинъде бир инсафлы акъай таптым, бир инсафлы апай исе тапалмадым.

2 Тарих вакъиалары 11:21

Реховоам Авишаломнынъ къызы Маакъаны башкъа апайларындан ве джариелеринден зияде севе эди. Онынъ 18 апайы ве 60 джариеси бар эди. Онынъ 28 огълу ве 60 къызы олды.

Къадылар 9:5

Сонъ Авимелек бабасынынъ эвине, Офра шеэрине кельди ве озь етмиш агъа-къардашларыны, Еруббаалнынъ огъулларыны бир ташта ольдюрди. Тек Еруббаалнынъ кичик огълу Ётам сагъ къалды, чюнки о, сакъланып къуртулды.

Къануннынъ текрары 17:17

Чокъ апайларны да алмасын. Алса, юреги бозулыр. Кумюшнен алтынны да озюне пек чокъ топламасын.

Энъ яхшы йыр 6:8

Падишанынъ алтмыш апайы, сексен джариеси, эсабы олмагъан къызлары олса да,

Энъ яхшы йыр 6:9

амма бир данедир меним гузель гогерджиним, анасынынъ бирден-бир къызы, догъургъан анасынынъ козь бебегидир. Къызлар оны корип, онъа «бахтлы» дедилер, падишанынъ апайлары ве джариелери оны макътадылар.

Къадылар 3:6

оларнынъ къызларыны озьлерине апай оларакъ алып, озь къызларыны оларнынъ огъулларына бере эдилер ве оларнынъ аллаларына хызмет эте эдилер.

Эстер 1:18

Энди фарслы ве мадайлы ханымлар къыраличенинъ япкъаныны эшитеджеклер ве айны шу сёзлерни падишанынъ башлыкъларына айтаджакълар. Шунынъ ичюн ачувнынъ ве масхаралыкънынъ сонъу олмайджакъ.

Джемаат башы 2:8

Озюме кумюш, алтын ве виляетлердеки падишаларнынъ къыйметли шейлерини топладым. Озюме йырджыларны ве йырджы къызларны ве инсан огъулларына зевкъ берген гузель харем алдым.