3 Падишалар 10:5 - Мукъаддес Китап

⁵ софрасындаки емеклерини, къулларынынъ отургъан ерлерини, хызметкярларынынъ яхшы ишини, оларнынъ урбаларыны, ички дагъыткъан адамларыны, онынъ РАББИнинъ Сарайында бутюнлей янгъан къурбанларыны корьгенде, пек шашты ве:

3 Падишалар 10:5 Referans Kwoze

1 Тарих вакъиалары 26:16

Шуппим ве Хосагъа гъарп къапусы ве Шаллекет къапусы чыкъты. Шу ерде ёл юкъарыгъа котерилип кете, ве къаравулларнынъ бир болюги экинджи болюкнинъ янында тура эди.

Ехезкель 46:2

Ёлбашчы тышкъы азбардан къапу янындаки аяткъа кирсин ве къапунынъ первазлары янында турсун. Руханийлер онынъ адындан бутюнлей якъыладжакъ къурбаныны ве аманлыкъ къурбаныны кетирсинлер. Ёлбашчы исе къапунынъ босагъасында РАББИге бель букип ибадет этсин, сонъ чыкъып кетсин. Къапу исе акъшамгъа къадар ачыкъ къалсын.

Ехезкель 44:3

Ялынъыз ёлбашчы къапунынъ янында отурмакъ ве РАББИнинъ огюнде отьмек ашамакъ мумкюн. О, къапу янындаки аяттан кирсин, шу ёлнен де чыкъып кетсин.

2 Тарих вакъиалары 23:13

Бакъса, не корьсюн: падиша дирек янында кириш алдында турмакъта, онынъ янында башлыкълар ве боразан чалгъанлар да бар. Бутюн халкъ шенълене, боразан чалалар, макътавларгъа уста йырджылар чалгъы алетлеринде чалалар. Аталья урбаларыны йыртып: «Хаинлик! Хаинлик!» – деп къычырды.

2 Тарих вакъиалары 9:4

софрасындаки ашыны, къулларынынъ отургъан эвлерини, хызметкярларынынъ яхшы ишини ве оларнынъ урбаларыны, ички дагъыткъан адамларыны ве оларнынъ урбаларыны, Сулейман РАББИнинъ Сарайына алып баргъан ёлны да корьгенде, пек шашты

1 Тарих вакъиалары 9:18

Олар бугуньге къадар падиша сарайынынъ шаркъ къапусыны къаравуллайлар. Олар Левий огъулларынынъ ордусынынъ къапуджылары эдилер.

4 Падишалар 16:18

Сонъ Ашшур падишасы ичюн Ахаз Сарайда къурулгъан раатлыкъ куню якъынлашма ёлуны къапатты, РАББИнинъ Сарайына кеткен падишанынъ ёлуны да ёкъ этти.

Нун огълу Ехошуа 5:1

РАББИ Иорданнынъ сувларыны, Исраиль огъуллары кечсинлер деп, къуруткъаныны денъизге тараф Иорданнынъ гъарп тарафында яшагъан эписи аморлы падишалар ве денъиз янындаки эписи ханаанлы падишалар эшиттилер. Къоркъудан оларнынъ отьлери патлады, ве Исраиль огъулларына къаршы турмакъ ичюн джесюрликлери къалмады.

Лука 18:10

– Бириси ферисе, башкъасы салым топлайыджы олгъан эки адам, дува окъумакъ ичюн, Алланынъ Сарайына киргенлер.

3 Падишалар 10:4

Шева къыраличеси Сулейманнынъ акъылыны ве къургъан сарайыны,

3 Падишалар 10:6

– Мен яшагъан мемлекетимде сенинъ ишлеринъ ве икметинъ акъкъында эшиткенлерим догъру экен.