3 Падишалар 1:6 - Мукъаддес Китап

⁶ Бабасы исе: «Сен нечюн бойле шейлер япасынъ»? – деп, ич бир вакъыт огълуна акъыл огретмеди. Адонья пек дюльбер ве Авишаломдан сонъ догъгъан эди.

3 Падишалар 1:6 Referans Kwoze

1 Падишалар 3:13

Онъа деген эдим ки, онынъ аилесини омюрбилля джезаларым, чюнки огъулларынынъ Аллагъа къаршы куфюр сёзлер айткъаныны билип-корип, оларны токътатмады.

Икметли сёзлер 29:15

Таякъ ве опьке икмет берер, озь алына къалдырылгъан бала исе анасынынъ масхаралыгъы олур.

Икметли сёзлер 22:15

Огъланнынъ юреги ахмакълыкъкъа толу, амма тербие таягъы оны узакъ къувар.

1 Тарих вакъиалары 3:2

Учюнджи огълу Авишалом. Анасы Талмай къызы Маакъа эди. Талмай Гешур падишасы эди. Дёртюнджи огълу Адонья. Онынъ анасы Хаггит эди.

2 Падишалар 14:25

Исраильде Авишалом киби дюльбер ве макъталгъан акъай ёкъ эди. Баштан-аякъ онынъ бир къусуры ёкъ эди.

1 Падишалар 10:23

Чапып, оны андан алдылар. О, халкънынъ арасында турды, онынъ бою эр кестен бир баш юксек эди.

1 Падишалар 9:2

Кишнинъ бир огълу бар эди, ады Шаул, о, яш ве дюльбер эди. Исраиллилер арасында ондан дюльбер кимсе ёкъ эди. Халкъкъа коре онынъ бою бир баш устюн эди.

3 Падишалар 2:22

Сулейман анасына джевап берип: – Нечюн сен Адонья ичюн тек шунамлы Авишагъны сорайсынъ? О ичюн падишалыкъны да сора! О, меним буюк агъам да! Онынъ ичюн, руханий Авиатар ичюн де, Церуя огълу Ёав ичюн де сора! – деди.