2 Юхан 1:1 - Мукъаддес Китап

¹ Акъсакъал – Сайлангъан ханымгъа ве онынъ балаларына (мен оларны акъикъатта севем, эм ялынъыз мен дегиль де, акъикъатны бильгенлернинъ эписи оларны севелер,

2 Юхан 1:1 Referans Kwoze

1 Юхан 3:18

Балалар, севгимизни сёзлернен я да тильнен дегиль, акъикъат ве ишлеримизнен косьтерейик.

1 Тимотейге 2:4

О, эписи адамларнынъ къуртуладжагъыны ве акъикъатны биледжегини истей.

Юхан 8:32

Акъикъатны биледжексиз, ве акъикъат сизни азат этеджек.

2 Юхан 1:5

Энди санъа риджа этем, ханым, бири-биримизни севейик. Мен санъа янъы бир эмир язмайым, бизде башындан олгъан эмирни язам.

1 Пётр 5:1

Сизинъ ортанъыздаки акъсакъалларгъа мен ялварам, – мен де акъсакъалым ве Месих чеккен азапларнынъ шаатым; мен де тезден пейда оладжакъ шуретке къошуладжагъым, –

2 Юхан 1:13

Сайлангъан къызкъардашынънынъ балалары санъа селям ёллайлар.

1 Юхан 2:21

Мен: «Сиз акъикъатны бильмейсиз», – деп язмадым. Аксине: «Сиз акъикъатны билесиз, ве акъикъатта ич бир ялан ёкътыр», – деп яздым.

1 Пётр 1:2

(Алла Баба эвельден бильгени киби, сиз сайлангъан эдинъиз, Мукъаддес Рух сизни азиз этти, ве сиз итаат эттинъиз, Иса Месихнинъ къанынен темизлендинъиз): Эйилик ве тынчлыкъ-аманлыкъ сизде чокълашсын!

Еудийлерге 10:26

Эгер биз акъикъатны билип, эп бир гуна япа берсек, энди гуналар ичюн башкъа къурбан олмаз.

Галатиядакилерге 5:7

Сизлер чапувны яхшы башладынъыз. Лякин акъикъаткъа итаат этмеге сизге ким ёл бермеди?

Галатиядакилерге 3:1

Эй, акъылсыз галатиядакилер! Акъикъаткъа бойсунмамакъ ичюн, сизлерни ким назарлады? Сизге Иса Месихнинъ хачкъа мыхланылувы, козюнъиз огюндеки ресим киби, ачыкъ анълатылгъандыр!

Галатиядакилерге 2:14

Мен, олар Къуванчлы Хаберни догъру япмагъанларыны корип, эписине эшиттирип, Кифагъа: «Эгер сен еудий олып, еудийлер киби дегиль, башкъа халкълардан олгъанлар киби яшасанъ, не ичюн оларны еудийлер киби яшамагъа меджбур этесинъ?» – дедим.

Галатиядакилерге 2:5

Биз исе, Къуванчлы Хабернинъ акъикъаты сизнен даа олсун деп, оларгъа бир ань биле ёл бермедик, боюн эгмедик.

Колоссайлыларгъа 1:5

Иманынъыз ве севгинъиз пейда олдылар, чюнки сиз коклерде сизге азырлангъан шейлерге умют эттинъиз. Бу умютни сизлер акъикъат сёзюнен, яни сизлерге кельген Къуванчлы Хабернен эшиттинъиз.

Лука 1:3

мен де, эписини гъайретнен огренген сонъ, бу вакъиаларны санъа, урьметли Теофил, бирер-бирер язып бермек къарарына кельдим.

Фаалиет 11:30

Буны япып, топлагъан бахшышларны Барнаба ве Саулнен акъсакъалларгъа ёлладылар.

Римлилерге 16:13

Раббининъ сайлангъан къулу Руфускъа ве онынъ анасына селям этинъиз. О, манъа да ана киби олды.

1 Пётр 5:13

Сизнен берабер сайлангъан Вавилондаки иманлылар джемиети ве огълум Марк сизлерге селям ёллайлар.

3 Юхан 1:1

Акъсакъал – Акъикъатен меним севимли достум Гайгъа: