2 Падишалар 2:23 - Мукъаддес Китап

²³ Лякин Асаэл онынъ пешинден къалмагъа истемеди. Сонъ Авнер мызрагъынынъ сапыны Асаэлнинъ къурсагъына сокъты, мызракъ тап аркъасындан тюртип чыкъты. Асаэл йыкъылды да, шу ерде ольди. Асаэл йыкъылып ольген ерден кечкен-кеткен эписи адамлар токътай эдилер.

2 Падишалар 2:23 Referans Kwoze

2 Падишалар 3:27

Авнер Хевронгъа къайтып кельгенде, Ёав оны юзьме-юзь лаф этеджек киби къапудан кирсетти ве анда къурсагъына къылыч саплады. Бойлеликнен, Ёав озь къардашы Асаэл ичюн Авнерни ольдюрди.

2 Падишалар 4:6

Рекъав ве агъасы Баана богъдай аладжакъ киби эвге кирдилер, онынъ къурсагъына къылыч саплап, къачып кеттилер.

2 Падишалар 20:10

Амаса, Ёавнынъ къолундаки къылычтан сакъынмады, ве Ёав къылычыны онынъ къурсагъына саплады. Амасанынъ бутюн ичеклери тышкъа чыкъып, ерге тюшти. О шу ань ольди. Экинджи кере урмагъа кереги де олмады. Ёав ве къардашы Авишай исе Бикрий огълу Шеванынъ пешинден къуваладылар.

2 Падишалар 5:6

Бир кунь падиша Давут ве онынъ адамлары Ерусалимге ве анда яшагъан евуслыларгъа къаршы сеферге кетти. Евуслылар: «Давут шеэрге киралмаз», – деп тюшюнип, онъа: – Сен мында кирмезсинъ! Топал ве сокъурлар биле сени къувып олурлар! – дедилер.

2 Падишалар 2:24

Ёав ве Авишай Авнернинъ артындан къуваладылар, Аммах байырына якъынлаштылар. Бу байыр Гивон сахрасына кеткен ёлундаки Гиахнынъ янында эди. Байыргъа якъынлашкъанда, кунеш батмакъта эди.

2 Падишалар 3:30

Бойлеликнен, Ёав ве къардашы Авишай Авнерни ольдюрдилер, чюнки о, Гивон дженкинде къардашлары Асаэлни ольдюрген эди.