2 Падишалар 11:1 - Мукъаддес Китап

¹ Падишалар дженк сеферлерине чыкъаджакъ заманы кене кельгенде, Давут Ёавны, озь хызметчилерини ве эписи исраилли аскерлерни дженкке ёллады. Олар аммонлыларны енъип, Рабба шеэрини эр тарафтан сардылар. Давут исе Ерусалимде къалды.

2 Падишалар 11:1 Referans Kwoze

1 Тарих вакъиалары 20:1

Падишалар дженк сеферлерине чыкъаджакъ заманы кене кельгенде, Ёав ордунен дженкке чыкъты, аммонлыларнынъ топрагъыны бозып, Рабба шеэрини эр тарафтан сарды. Давут исе Ерусалимде къалды. Ёав Рабба шеэрине уджюм этти ве оны йыкъты.

3 Падишалар 20:26

Бир йыл кечкен сонъ, Бен-Хадад эписи арамлыларны топлады ве исраиллилернен дженклешмек ичюн Афекнинъ янына кельди.

3 Падишалар 20:22

Пейгъамбер Исраиль падишасы янына келип, онъа: – Энди бар да, яхшы этип къуветинъни джый. Не япаджагъынъны яхшы тюшюн. Бир йылдан сонъ Арам падишасы кене санъа къаршы дженкке чыкъаджакъ, – деди.

Джемаат башы 3:8

севмек вакъты ве нефретленмек вакъты; дженк вакъты ве барышыкъ вакъты.

2 Тарих вакъиалары 36:10

Йылнынъ сонъунда Невукъаднеццар падиша озь адамларыны ёллады ве Ехоякинни ве РАББИнинъ Сарайындаки гузель савутларны Вавилонгъа алып бармагъа буюрды, Ехоякиннинъ эмджеси Цидкияны исе Ехуданынъ ве Ерусалимнинъ падишасы япты.

Къануннынъ текрары 3:11

Башаннынъ падишасы Ог сонъки рефалы эди. Онынъ демирден япылгъан тёшегининъ узунлыгъы дёрт бучукъ метр, кенълиги эки метр эди. О, шимди де аммонлыларнынъ къолунда, Рабба шеэриндедир.

Ехезкель 21:20

Къылыч аммонлыларнынъ Рабба шеэрине кетеджек ёлны бельгиле. Эм де экинджи ёлны – Ехудагъа, къавийлештирильген Ерусалимге кетеджек ёлны бельгиле.

Зекерья 14:3

О заман РАББИ дженк вакътында япкъаны киби, чыкъаджакъ ве бу халкъларгъа къаршы дженк этеджек.

1 Падишалар 18:30

Фелестинлилер дженкке чыкъкъанда, Давут дженк башлагъанындан берли бутюн Шаулнынъ хызметчилеринден акъыллы иш тутты ве шунынъ ичюн буюк нам къазанды.

2 Падишалар 10:14

Аммонлылар, арамлыларнынъ къачкъаныны корип, озьлери де Авишайдан къачып, шеэрге кирдилер. Сонъ Ёав, аммонлылардан къайтып, Ерусалимге кельди.

Йирмея 49:2

Онынъ ичюн, – дей РАББИ, – ойле куньлер келеяталар ки, Аммон огъулларынынъ Рабба шеэринде дженк давушлары эшитиледжек, Рабба бакъымсыз байыргъа чевириледжек янындаки шеэрлери якъыладжакъ, ве исраиллилер эвельки сабыларына башлыкъ этеджеклер, – дей РАББИ.

Йирмея 49:3

– Эй, Хешбон, агъла! Ай шеэри харап этильди! Рабба къызлары, ярдымгъа чагъырынъыз, чувал токъумаларына сарылып, агъланъыз, къораларны бойлап юрюнъиз. Милкъом алласы руханийлери ве башлыкъларынен берабер сюргюнликке кетеджек.

Амос 1:14

Рабба шеэрининъ диварларында атеш якъаджагъым, о, къавийлештирильген сарайларыны якъып ташлайджакъ. О уруш куню адамлар чокъ багъыраджакъ, уджюм куню боран къутураджакъ.

Зебур 60:9

Мен Сенинъ Адынъа эбедиен йырлайджагъым, эр кунь адакъларымны беджереджегим!