1 Юхан 5:10 - Мукъаддес Китап

¹⁰ Ким Алланынъ Огълуна инанса, онынъ юрегинде Алланынъ шаатлыгъы бар. Аллагъа инанмагъан исе Алланы яланджы этип косьтере, чюнки Онынъ Озь Огълу акъкъында берген шаатлыгъына инанмай.

1 Юхан 5:10 Referans Kwoze

Римлилерге 8:16

Алланынъ Руху бизим рухумызнен берабер бизге Алланынъ балалары олгъанымыз акъкъында айта.

Галатиядакилерге 4:6

Сиз Алланынъ огъуллары олгъанынъыз себептен, Алла юреклеримизге Озь Огълунынъ Рухуны ёллады, ве бу Рух: «Баба, Бабачыгъым!» – деп чагъыра.

Юхан 3:33

Онынъ шаатлыгъыны къабул эткен адам исе Алланынъ акълыгъыны тасдыкълай.

Юхан 5:38

Онынъ Сёзю юрегинъизде яшамай, чюнки О ёллагъан Инсангъа инанмайсыз.

Еудийлерге 3:12

Эй, дин къардашларым, мукъайт олунъыз, ич биринъизде яман ве имансыз бир юрек олмасын, Тири Алладан вазгечменъиз.

Сайылар 23:19

Алла адам дегиль, О, ялан сёйлемез. Алла инсан огълу дегиль. О, тюшюнджесини денъиштирмез. Айтып да, япмазмы? Сёз берип де, ерине кетирмезми?

1 Юхан 5:1

Исанынъ Месих олгъанына инангъан эр бир адам Алладан догъулгъандыр. Бабаны севген эр бир адам Онынъ Баласыны да севе.

1 Юхан 1:10

Эгер: «Биз гуна япмадыкъ», – десек, Оны яланджы этип косьтеремиз ве Онынъ Сёзю ичимизде булунмай.

Сырларнынъ ачылувы 2:17

Рухнынъ иманлылар джемиетлерине айткъан лафларыны къулагъы олгъан эр бири эшитсин. Енъеджек адамгъа сакълангъан маннаны ашамагъа ёл берерим, оларгъа бир беяз ташны да берерим. Бу ташнынъ устюне янъы бир ад языладжакъ, оны ташны алгъан адамдан башкъа ич кимсе бильмез».

Колоссайлыларгъа 3:3

Сизлер ольдинъиз, ве янъы омрюнъиз Месихнен бирликте Аллада сакълыдыр.

Икметли сёзлер 3:32

РАББИ къара юрекли адамдан нефретлене, догъру адамларгъа исе О, ишана.

Сырларнынъ ачылувы 12:17

Аждерха къадынгъа къаршы гъазапланды. О, къадыннынъ сагъ къалгъан башкъа балаларынен, Алланынъ эмирлерини беджерген ве Иса Месих акъкъында хаберни даркъаткъанларнен дженк этип башлады.

Сырларнынъ ачылувы 2:28

Енъеджек адамгъа танъ йылдызыны да береджегим.

2 Пётр 1:19

Бундан гъайры, бизде пейгъамберлернинъ ишанчлы сёзлери де бар. Олар – кунь догъмагъандже ве сизинъ юрегинъизде танъ йылдызы чыкъмагъандже, къаранлыкъ ерде нур сачкъан чыракътыр. Сизлер оларгъа къулакъ аскъанынъызда, яхшы иш япасынъыз.

Юхан 3:16

Алла дюньяны ойле севди ки, Озюнинъ бирден-бир Огълуны берди, Онъа инангъан эр бир адам гъайып олмасын, лякин эбедий омюрни алсын.

Ешая 53:1

Бизим хаберимизге ким инанды? РАББИнинъ къудрети кимге ачылды?

Эюп акъкъында китап 24:25

Бойле олмаса, ким мени яланда къабаатлар? Айткъанларымнынъ бош олгъаныны ким косьтерип олур?

Йирмея 15:18

Не ичюн хасталыгъым кечмей, не ичюн ярам яхшы олмайып, шифаны къабул этмей? Алдатыджы бир чокъракъ, ишанчсыз сувлар дайын, манъа оладжакъсынъмы, аджеба?

Юхан 3:18

Онъа иман эткен адам суд этильмейджек. Иман этмеген адам исе энди суд этильген эди, чюнки о, Алланынъ бирден-бир Огълунынъ Адына иман этмеген.

Галатиядакилерге 4:1

Шуны да айтам: мирасчы даа яш бала олгъанда, о, эписининъ эфендиси олса да, къулдан фаркъланмай,