1 Юхан 4:2 - Мукъаддес Китап

² Алланынъ Рухуны бойле танырсыз: адамнынъ беденинде кельген Иса Месихни къабул эткен эр бир рух Алладандыр.

1 Юхан 4:2 Referans Kwoze

1 Коринтлилерге 12:3

Шунынъ ичюн сизлерге бильдирмеге истейим: Алланынъ Рухунен айткъан ич кимсе Исаны къаргъамаз. Ве Исаны Рабби деп адландырмакъ адам тек Мукъаддес Рухнен мумкюн.

Юхан 1:14

Сёз джан-тен олды ве бизим арамызда яшап башлады. Биз Онынъ шерефли ишлерини корьдик, Бабасынынъ бирден-бир Олгъанынынъ шерефли ишлерини. О, яхшылыкъкъа ве акъикъаткъа толу эди.

1 Тимотейге 3:16

Шубесиз, акъикъий диннинъ сыры буюктир: Алла инсан беденинде корюнди, Онынъ догърулыгъы Рухта ачылды. О, мелеклерге корюнди, халкъларгъа бильдирильген эди. Дюньяда Онъа инандылар; шурет ичинде О, коклерге котерильди.

1 Юхан 5:1

Исанынъ Месих олгъанына инангъан эр бир адам Алладан догъулгъандыр. Бабаны севген эр бир адам Онынъ Баласыны да севе.

1 Юхан 4:3

Исаны къабул этмеген эр бир рух Алладан дегиль. Бу – Месих душманынынъ рухудыр. Онынъ келеджегини сиз эшиткен эдинъиз. Мына, о энди дюньядадыр.

1 Юхан 2:23

Ким Огъулны инкяр этсе, онда Баба да ёкъ. Ким Огъулны къабул этсе, онда Баба да бар.

1 Юхан 1:2

Бу Аят косьтерильген эди, ве биз оны корьдик. Бунъа шаатлыкъ этемиз, сизге бу эбедий омюрни беян этемиз. О, Бабасынен эди, эм бизге косьтерильген эди.

1 Юхан 4:15

Иса Алланынъ Огълу олгъаныны къабул эткен адамда Алла булуна, о да Аллада булуна.

2 Юхан 1:7

Дюньяда чокъ алдатыджылар пейда олдылар. Олар инсан беденинде кельген Иса Месихни танымайлар. Булар – алдатыджы ве Месихнинъ душманларыдыр.