1 Юхан 3:2 - Мукъаддес Китап

² Севгили достларым, шимди биз Алланынъ балаларымыз! Лякин келеджекте не оладжагъымыз шимди даа белли дегиль. Биз тек шуны билемиз ки, О, пейда олгъанда, биз Онъа ошайджакъмыз, чюнки Оны, О олгъаны киби, кореджекмиз.

1 Юхан 3:2 Referans Kwoze

Филиплердекилерге 3:21

Эр шейни Онъа бойсундыраджакъ къудретинен, О, бизим заваллы беденимизни Озюнинъ шуретли беденине ошатып денъиштиреджек.

Колоссайлыларгъа 3:4

Сизинъ омрюнъиз – Месих. О, пейда оладжакъ вакъытта сизлер Онен берабер шуретте пейда оладжакъсынъыз.

2 Коринтлилерге 3:18

Биз эпимиз ачыкъ бетнен Раббининъ шуретине бакъамыз, оны, кузьгю киби, косьтеремиз ве шуретимизни чокълаштырып, Раббининъ Рухунен Онъа ошап денъишемиз.

1 Коринтлилерге 13:12

Шимди биз эр шейни бунарлы кузьгюде киби коремиз, амма о вакъытта бет-бетке кореджекмиз. Шимди мен къысмен билем, амма о вакъытта Алла мени бильгени киби, озюм ойле де биледжегим.

Римлилерге 8:29

Эвельден белли олгъан адамларны Алла Огълунынъ къыяфетине ошатмагъа чокътан берли къарар чыкъарды. Бойлеликнен, Огълу биринджи олып, чокъ къардашларынынъ Агъасы олды.

Зебур 17:15

О, окълар атып, душманларыны дагъытты, йылдырымнен оларны шашмалатты.

1 Коринтлилерге 15:49

Шимди биз топракътан яратылгъан адамлармыз, келеджекте исе коклердеки адамлар олурмыз.

Сырларнынъ ачылувы 22:4

Адамлар Онынъ бетини кореджек, ве Онынъ Ады оларнынъ манълайларында языладжакъ.

2 Пётр 1:4

О, бизге къыйметли ве улу ваделерни багъышлады. Бойлеликнен, яман истеклер себептен дюньяда булунгъан бозукълыкътан къачкъан сонъ, сиз оларнынъ ярдымынен Алланынъ табиатына къошулмагъа имкян алдынъыз.

1 Коринтлилерге 2:9

Амма Языда язылгъаны киби олды: Алла Оны севгенлерге козь корьмеген, къулакъ эшитмеген, адамнынъ юреги тюшюнмеген шейлерни азырлады.

1 Юхан 3:1

Бакъынъыз, биз «Алланынъ балалары» адландырылайыкъ деп, Баба бизге не къадар буюк севги косьтерди! Керчектен де, биз Онынъ балаларымыз! Лякин дюнья бизни танымай, чюнки о, Бабаны танымагъан.

Галатиядакилерге 4:6

Сиз Алланынъ огъуллары олгъанынъыз себептен, Алла юреклеримизге Озь Огълунынъ Рухуны ёллады, ве бу Рух: «Баба, Бабачыгъым!» – деп чагъыра.

Римлилерге 8:18

Мен тюшюнем ки, бизим шимдики азапларымыз келеджек шуретимизнинъ янында ич бир шей дегильдир.

Галатиядакилерге 3:26

Шунынънен, Иса Месихке иманынъыз ичюн, сизлер эпинъиз – Алланынъ огъулларысынъыз.

Юхан 17:24

Эй, Баба! Сен Манъа берген адамлар Меннен берабер бир ерде оладжакъларыны истейим. Мени дюнья яратылмаздан эвель севгенинъ ичюн, Сен Манъа берген шерефимни олар корьсюнлер.

Матта 5:8

Не де бахтлыдыр саф юреклилер. Олар Алланы кореджеклер!

1 Юхан 2:28

Шимди, балалар, Онда къалынъыз, ве О, пейда олгъанда, джесюр олайыкъ, О, къайтып келеджек вакъытта утанып чекильмейик.

Еудийлерге 9:28

Месих де, чокъ адамларнынъ гуналарыны Озь бойнуна алмакъ ичюн, бир кере къурбан олды. Экинджи сефер кельгенде, кене гуналарны ёкъ этмек ичюн дегиль, Оны беклегенлерге къуртулыш кетирмек ичюн келеджек.

2 Коринтлилерге 4:17

Кечиджи ве уфакъ азапларымыз бизге бутюн боллукънен эбедий ве буюк шурет кетиреджек.

Эюп акъкъында китап 19:26

джаным беденимден чыкъкъанындан сонъ, мен Алланы кореджегим.

1 Юхан 5:1

Исанынъ Месих олгъанына инангъан эр бир адам Алладан догъулгъандыр. Бабаны севген эр бир адам Онынъ Баласыны да севе.

Ешая 56:5

Мен эвимде ве диварларымда онъа огъулларымдан ве къызларымдан яхшы ад ве ер береджегим. Ёкъ олмайджакъ, эбедий бир адны береджегим.

Зебур 16:11

Эр адымда мени сарып алып, мени ерге урмакъ ичюн, козьлерини манъа тиктилер.

Малакий 3:2

Онынъ келеджек кунюне ким даянып олур? О, пейда олгъанда, ким аякъ устюне турып олур? О, эр шейни ириткен ве арындырткъан атеш киби, эр шейни темизлеген сильте киби оладжакъ.

Лука 17:30

Инсан Огълу Озюни косьтереджек кунюнде де тамам ойле оладжакъ.

Лука 20:36

Олар энди олип оламайып, мелеклер киби оладжакълар. Олюлер арасындан тирильгенлер Алланынъ эвлятларыдыр.

Юхан 1:12

Оны къабул эткенлерге исе, – Адына иман эткенлернинъ эписине, – О, Алланынъ эвляды олмакъ чаресини берди.

Юхан 11:52

Исагъа тек шу миллет ичюн дегиль, дюньяда даркъалып кеткен, Алланынъ бутюн эвлятларыны да топлап бирлештирмек ичюн ольмек керек эди.

Римлилерге 8:16

Алланынъ Руху бизим рухумызнен берабер бизге Алланынъ балалары олгъанымыз акъкъында айта.

Римлилерге 8:19

Эр яратылгъан шей Алла Озь огъулларыны ачыкъ косьтереджегини умютнен беклей.

1 Юхан 2:7

Севгили достларым, сизге янъы бир эмир дегиль, лякин эски эмирни, сизде башындан олгъан эмирни язаятам. Эски эмир – сиз чокътан эшиткен хабердир.

1 Юхан 3:10

Алланынъ балалары да, Шейтаннынъ балалары да бундан билине: догъру япмагъан эр ким, эм де озь агъа-къардашыны севмеген эр ким Алладан дегиль.

1 Юхан 3:21

Севгили достларым, эгер виджданымыз бизни къабаатламаса, Алланынъ алдында джесюр олурмыз,

Сырларнынъ ачылувы 2:28

Енъеджек адамгъа танъ йылдызыны да береджегим.