1 Пётр 3:3 - Мукъаддес Китап

³ Сизинъ дюльберлигинъиз орюльген сачлардан, такъылгъан алтынлардан, гузель урбалардан кельмесин,

1 Пётр 3:3 Referans Kwoze

Римлилерге 12:2

Бу дюньягъа уйманъыз, амма, акъылынъыз янъы олгъан сайын, денъишинъиз ве Алланынъ яхшы, гузель ве къусурсыз истегенини сынап анъланъыз.

Ешая 61:10

РАББИде буюк къуванч тападжагъым, Аллам ичюн джаным шенъленеджек. О манъа къуртулыш урбаларыны, инсафлыкъ урбасыны кийдирди. Киевге, руханийге киби, башыма сарыкъ къойды, бир келинни киби, ильванларнен безетти.

Йирмея 4:30

Эй, сен, йыкъылгъан шеэр, энди не япаджакъсынъ? Ал урба кийсенъ де, озюнъни алтын ильванларнен безетсенъ де, козьлеринъе сурьме къойсанъ да, бошуна озюнъни яраштырасынъ. Ойнашларынъ сенден вазгечти, джанынъны алмагъа истейлер.

Йирмея 2:32

Къыз озь ильванларыны, келин озь келин урбасыны унутып олурмы? Халкъым исе сайылмаз куньлерден берли Мени унутты.

Ешая 52:1

Котериль, эй, Сион, котериль! Къудретли ол! Эй, азиз шеэр Ерусалим! Дюльбер урбаларынъны кий! Эндиден сонъ сюннет этильмеген, арам олгъан ич кимсе къапуларынъдан кирмейджек!

Чыкъыш 33:4

Халкъ бу къоркъунчлы сёзлерни эшитип, окюр-окюр агълап башлады, ве кимсе устюне ильван такъмады,

Башланув 24:53

Сонъ кумюш ве алтын бахшышларнен берабер дюльбер урбаларны Рефикъагъа берди, онынъ агъасынен анасына да къыйметли бахшышлар берди.

Башланув 24:47

Мен ондан: «Сен кимнинъ къызы оласынъ?» – деп сорадым. О манъа: «Нахор ве Милкъанынъ огълу олгъан Бетуэлнинъ къызы олам», – деди. Сонъ мен бурнуна купе ве къолларына билезликлер бердим.

Башланув 24:22

Девелер сувгъа тойгъан сонъ, хызметчи, агъырлыгъы беш грамм олгъан, бурунгъа такъылгъан алтын купе ве къызнынъ къолларына эки дане, агъырлыгъы юз грамм олгъан алтын билезлик алып,

Зебур 45:9

Келинъиз, РАББИнинъ ишлерине бакъынъыз; О, ер юзюни бозып, оны бош къалдырды.

Чыкъыш 38:8

Абдест алмакъ ичюн савутны ве саджаягъыны Корюшюв Чадырынынъ янында хызмет эткен апайларнынъ кузьгюлерининъ тунчундан ясады.

Чыкъыш 32:2

О заман Харун оларгъа: – Апайларынъызнынъ, огъулларынъызнынъ, къызларынъызнынъ къулакъларындан алтын купелерни чыкъарып, манъа кетиринъиз, – деп джевап берди.

Ехезкель 23:40

Бундан гъайры, узакъта яшагъан адамларны чагъырттылар. Оларны эльчилернен чагъырттылар, ве олар кельгенде, сен ювунып, козьлеринъни сюрмелей, гузель ильванларынъны такъа эдинъ.

Эстер 5:1

Учюнджи куню Эстер, къыраличе урбаларыны кийип, падиша эвининъ ички азбарына кирди ве падишанынъ эви огюнде турды. Падиша о вакъыт озь эвинде, падишалыкъ тахты устюнде, тамам эвнинъ къапусы огюнде отурмакъта эди. Падиша азбарда тургъан Эстер къыраличени корьди, ве о, падишанынъ козюнде мерамет тапты.

Чыкъыш 35:22

Акъайларнен апайлар келип, юреклеринден къопкъан тюрлю алтын шейлерни: инелер, купелер, юзюклер ве боюнджакъларны кетирдилер. Эр кес РАББИге багъышлап алтын кетирди.

Чыкъыш 3:22

Эр бир къадын озь къомшусындан ве озюнинъ эвинде яшагъанындан кумюш ве алтын шейлерни, урбаларны да сорап алыр. Бу шейлернен сиз огъулларынъызны ве къызларынъызны кийиндирирсинъиз ве мысырлыларнынъ барлыгъыны алып кетерсинъиз.

4 Падишалар 9:30

Еху Йизреэлге якъынлашты. Изевель бундан хабер алып, козьлерини сурьмеледи, башыны яраштырды ве пенджереге бакъып отурды.