1 Пётр 1:22 - Мукъаддес Китап

²² Акъикъаткъа бойсунып, сиз джанларынъызны элялладынъыз ве экиюзьлю олмагъан агъа-къардашлыкъ севгисинен севмеге башладынъыз. Шунынъ ичюн бир-биринъизни гъайретнен темиз юректен севинъиз.

1 Пётр 1:22 Referans Kwoze

1 Тимотейге 1:5

Огретювимизнинъ ниети – саф юрек, яхшы видждан, акъикъий иман ве олардан кельген севгидир.

Еудийлерге 13:1

Бири-биринъизни агъа-къардашларынъызны киби севинъиз.

1 Юхан 4:12

Ич кимсе ич бир вакъыт Алланы корьмеген. Эгер бири-биримизни севсек, Алла бизим ичимизде булуныр ве Онынъ севгиси бизде тер-темиз олур.

1 Юхан 4:7

Севгили достларым, бир-биримизни севейик, чюнки севги Алладандыр. Эр бир севген адам Алладан догъулгъан ве Алланы биле.

1 Пётр 3:8

Сонъунда, сиз эпинъиз бир фикирде ве шефкъатлы олунъыз, бири-биринъизни агъа-къардаш киби севинъиз. Бири-биринъизге мераметлик ве алчакъгонъюллик косьтеринъиз.

Якъуп 4:8

Аллагъа якъынлашынъыз, ве О, сизлерге якъынлашыр. Эй, гуналылар, къолларынъызны ювунъыз! Эй, акъылы болюнген адамлар, юреклеринъизни темизленъиз!

1 Юхан 3:23

Онынъ эмири исе – Онынъ Огълу Иса Месихнинъ Адына инанмакъ ве, О бизге буюргъаны киби, бири-биримизни севмектир.

2 Тессалоникелилерге 1:3

Агъа-къардашлар, биз сизлер ичюн эр вакъыт Аллагъа шукюр этмек керекмиз. Бу догърудыр, чюнки иманынъыз къавийлеше, озьара агъа-къардашлыкъ севгинъиз эп арта.

1 Тессалоникелилерге 3:12

Биз сизлерни не къадар чокъ севсек, Рабби бири-биринъизге ве бутюн инсанларгъа олгъан севгинъизни о къадар арттырсын ве толу япсын.

1 Юхан 4:20

«Алланы севем», – деген, лякин озь агъа-къардашыны кореджек козю олмагъан адам – яланджыдыр. О, корьген озь агъа-къардашыны севмесе, корьмеген Алланы насыл севмек мумкюн?

1 Пётр 2:17

Эписи адамларны урьмет этинъиз, иманлы агъа-къардашларынъызны севинъиз, Алладан къоркъунъыз, падишагъа сайгъы косьтеринъиз.

Фаалиет 15:9

Оларнен бизим арамызда ич бир фаркъ корьмейип, имангъа кельгенлери ичюн юреклерини темизледи.

1 Юхан 3:11

Башындан сиз эшиткен хабер бойледир: бири-биримизни севейик!

2 Пётр 1:7

диндарлыкъкъа агъа-къардаш муаббетини, агъа-къардаш муаббетине севгини къошунъыз.

Филиплердекилерге 1:9

Сизлернинъ севгинъиз даа артсын ве сизге эр бир бильги ве анълав берсин деп, дува окъуйым.

Эфеслилерге 4:3

озьара тынчлыкъта яшагъанда, Рухнен берильген бирликни сакъламагъа тырышынъыз.

Галатиядакилерге 5:5

Биз Рухнынъ ярдымынен ве иманнен акъланаджагъымызны умют этип беклеймиз.

Сырларнынъ ачылувы 2:4

Амма санъа къаршы бойле айтам: сен Мени ве башкъаларны эвельден севгенинъ киби севмейсинъ.

1 Пётр 4:17

Алланынъ Озь эвиндекилерини суд этмек вакъты кельди. Эгер биз биринджи невбетте суд этиледжек олсакъ, Алланынъ Къуванчлы Хаберине къулакъ асмагъанларнынъ сонъу не оладжакъ?

1 Пётр 4:8

Эр шейден эвель бири-биринъизни джан-юректен севинъиз, чюнки севги чокъ гуналарны багъышлай.

Еудийлерге 11:8

Ибраим Алланы иман ярдымынен динъледи. Алла оны чагъыргъанда, Ибраим къайда бараджагъыны бильмейип, онъа бериледжек мемлекетке ёлгъа чыкъты.

Еудийлерге 9:14

эбедий Рухнынъ ярдымынен Озюни къабаатсыз алда Аллагъа багъышлагъан Месихнинъ къаны исе олюмге алып баргъан ишлерден виджданымызны темизлей ве бизге Тири Аллагъа хызмет этмеге имкян ярата.

Еудийлерге 6:10

Алла адалетсиз дегиль. О, сизинъ ишинъизни, Онынъ Адына косьтерген севгинъизни унутмаз, азизлерге насыл хызмет эткенинъизни ве шимди де япкъанынъызны акълында тутар.

2 Коринтлилерге 6:6

Биз анълавнен темиз яшайыш кечиремиз, чокъ сабыр этемиз, эйилик япамыз, Мукъаддес Рухкъа ишанамыз, саф юрекнен севемиз,

Юхан 15:17

Мен сизге буюрам: бир-биринъизни севинъиз!

1 Пётр 3:1

Бойлеликнен, къадынлар, озь акъайларынъызгъа бойсунынъыз. Эгер акъайларынъызнынъ базылары Алланынъ Сёзюне инанмасалар, олар сизинъ Алладан къоркъкъанынъызны ве азиз яшагъанынъызны кореджеклер ве сёзсюз озь къадынларынынъ арекетлеринен енъиледжеклер.

Еудийлерге 5:9

ве эр тарафтан къусурсыз олды. Алла Исаны, Мелкиседекни киби, баш руханий этип къойды ве Исагъа Оны динълеген эр кеске эбедий къуртулышны багъышламагъа имкян берди.

2 Тимотейге 1:14

Ичимизде яшагъан Мукъаддес Рухнынъ ярдымынен санъа берильген яхшы огретювни сакъла.

1 Тимотейге 5:2

къарт апайларгъа – ананъа киби, яш къызларгъа – къызкъардашынъа киби, бутюн темизликнен насиат бер.

1 Тимотейге 4:12

Сен яш олсанъ да, кимсе санъа юкъарыдан бакъмасын. Амма сёзде, яшайышта, севгиде, иманда, темизликте иманлыларгъа орьнек ол.

1 Тимотейге 1:3

Мен Македониягъа кеткенде, санъа айтып къандырдым: Эфес шеэринде къал да, базы адамларгъа ялан огретювлерини даркъатмамагъа буюр,

2 Тессалоникелилерге 2:13

Раббининъ севимли агъа-къардашлары, сизлер ичюн эр вакъыт Аллагъа шукюр этмек керекмиз, чюнки Алла эвельден сизлерни къуртулышкъа сайлады, ве сизлер Рух ярдымынен азиз олдынъыз ве акъикъаткъа инандынъыз.

Галатиядакилерге 3:1

Эй, акъылсыз галатиядакилер! Акъикъаткъа бойсунмамакъ ичюн, сизлерни ким назарлады? Сизге Иса Месихнинъ хачкъа мыхланылувы, козюнъиз огюндеки ресим киби, ачыкъ анълатылгъандыр!

Галатиядакилерге 5:7

Сизлер чапувны яхшы башладынъыз. Лякин акъикъаткъа итаат этмеге сизге ким ёл бермеди?

Римлилерге 8:13

Эгер беден истеклерине коре яшасанъыз, оледжексиз. Амма беден истеклерини Рухнынъ кучюнен ольдюрсенъиз, яшайджакъсыз.

Римлилерге 2:8

Амма тек озюни тюшюнген, акъикъаткъа инанмагъан, акъсызлыкъкъа берильген адамларнынъ башына ачув ве гъазап тюшеджек.

Римлилерге 1:5

Алла бизге Иса аркъалы эйилик япып, эльчилик багъышлады, эписи халкъларнынъ адамлары имангъа келип, Онынъ Адынен Аллагъа бойсунсынлар;

Юхан 17:17

Оларны акъикъат кучюнен азиз эт. Сенинъ Сёзюнъ – акъикъаттыр.

Юхан 15:3

Меним сизге айткъан сёзюм ичюн сиз энди темизсинъиз.

Фаалиет 6:7

Алланынъ Сёзю даркъатылгъан сайын, Ерусалимде Исанынъ шегиртлерининъ сайысы эп арта эди. Руханийлернинъ де чокълары имангъа бойсундылар.

Юхан 17:19

Олар акъикъатта азиз олсунлар деп, Мен Озюмни олар ичюн Санъа багъышлайым.

Якъуп 1:21

Шунынъ ичюн эр бир арамлыкътан ве дюньяда чокълашкъан яманлыкътан вазгечинъиз, Алла юрегинъизге къойгъан Сёзни алчакъгонъюлликнен къабул этинъиз. Бу Сёз джанларынъызны къуртара биле.

1 Пётр 1:2

(Алла Баба эвельден бильгени киби, сиз сайлангъан эдинъиз, Мукъаддес Рух сизни азиз этти, ве сиз итаат эттинъиз, Иса Месихнинъ къанынен темизлендинъиз): Эйилик ве тынчлыкъ-аманлыкъ сизде чокълашсын!

1 Пётр 3:20

Бир заманда, Нух сандыкъны къураяткъан куньлерде, Алла сабырнен беклеген вакъытта, олар боюн эгмегенлер. О сандыкъта аз адам, яни секиз джан сувдан къуртулгъанлар.