1 Пётр 1:2 - Мукъаддес Китап

² (Алла Баба эвельден бильгени киби, сиз сайлангъан эдинъиз, Мукъаддес Рух сизни азиз этти, ве сиз итаат эттинъиз, Иса Месихнинъ къанынен темизлендинъиз): Эйилик ве тынчлыкъ-аманлыкъ сизде чокълашсын!

1 Пётр 1:2 Referans Kwoze

2 Тессалоникелилерге 2:13

Раббининъ севимли агъа-къардашлары, сизлер ичюн эр вакъыт Аллагъа шукюр этмек керекмиз, чюнки Алла эвельден сизлерни къуртулышкъа сайлады, ве сизлер Рух ярдымынен азиз олдынъыз ве акъикъаткъа инандынъыз.

1 Пётр 1:22

Акъикъаткъа бойсунып, сиз джанларынъызны элялладынъыз ве экиюзьлю олмагъан агъа-къардашлыкъ севгисинен севмеге башладынъыз. Шунынъ ичюн бир-биринъизни гъайретнен темиз юректен севинъиз.

Еудийлерге 12:24

эм де янъы васиетни алып кетирген Исагъа ве Онынъ септирильген къанына кельдинъиз. Шу къан Хабильнинъ къанындан даа яхшы шейлерни илян эте.

Римлилерге 11:2

Алла эвельден бильген Озь халкъыны ред этмеди. Исраильге къаршы чыкъып, Языда Ильяс не айткъаныны бильмейсинъизми?

2 Пётр 1:2

Алланы ве Раббимиз Исаны бильгенинъиз сайын, Алланынъ эйилиги ве тынчлыкъ-аманлыкъ сизде чокълашсын!

Фаалиет 2:23

Алла эвельден къарар чыкъаргъаны ве эвельден бильгени киби, Иса сатылгъан эди, ве сиз адалетсиз адамларнынъ къолунен Оны хачкъа мыхлап ольдюрдинъиз.

2 Тимотейге 2:10

Шу себептен, сайлагъан адамлар ичюн эр шейге даянам, олар да Иса Месихте олгъан къуртулышны ве эбедий шуретни алсынлар.

1 Коринтлилерге 6:11

Базыларынъыз бойле эдинъиз, амма ювундынъыз, азиз олдынъыз, Рабби Иса Месихнинъ Адынен ве Алламызнынъ Рухунен акъландынъыз.

Марк 13:27

Сонъ О, мелеклерни ёллап, дюньянынъ дёрт тарафындан, кокнинъ четинден ернинъ четинедже олгъан, Озю сайлагъан адамларыны топлайджакъ.

Марк 13:20

Эгер Рабби о куньлернинъ сайысыны азлаштырмагъан олса, ич бир джан къуртулып оламаз эди. Лякин О, сайлагъан адамларнынъ хатири ичюн, шу куньлерни азлаштырды.

Еудийлерге 10:22

Шунынъ ичюн толу иманнен ве чин юрекнен Аллагъа якъынлашайыкъ, юреклеримизни яман видждандан темизлейик, беденимизни темиз сувнен ювайыкъ.

Римлилерге 16:19

Сизинъ ишанчлыгъынъызны эр кес биле. Мен бунъа къуванам, амма сизлер акъылнен яхшылыкъ япынъыз ве эр бир яманлыкътан вазгечинъиз.

Римлилерге 8:33

Алла сайлагъан адамларны ич кимсе къабаатлап олмаз, чюнки оларны Алла Озю акълай.

Лука 18:7

– Аджеба Алла да Озю сайлагъан ве Онъа гедже-куньдюз ялварып отургъанларны къорчаламазмы? Оларны чокъ беклеттиреджекми?

Матта 24:24

Ялан месихлер ве ялан пейгъамберлер пейда олып, имкяны олса, сайлангъанларны биле ёлдан урмакъ ичюн, буюк аджайип шейлер япаджакълар ве бельгилер косьтереджеклер.

Матта 24:22

Эгер о куньлернинъ сайысы азлаштырылмагъан олса, ич бир джан къуртулып оламаз эди. Лякин сайлангъан адамлар ичюн о куньлернинъ сайысы азлаштырыладжакъ.

Къануннынъ текрары 7:6

Сен – Алланъ олгъан РАББИнинъ азиз халкъысынъ. Алланъ олгъан РАББИ сени, Озюнинъ шахсий халкъы япмакъ ичюн, ер юзюндеки бутюн халкълардан сайлап алды.

1 Пётр 2:9

Амма сизлер – сайлангъан бир сой, падишалыкъ япкъан руханийлер, азиз миллет, Алла Озюнинъ халкъысынъыз. Сизлер Онынъ энъ гузель чизгилерини бильдиринъиз деп, Алла сизлерни къаранлыкътан Озюнинъ аджайип ярыгъына чагъырды.

Еудийлерге 11:28

О, иман ярдымынен Песах къурбаныны чалды ве къапуларгъа къаныны сюртти. Шунынъ ичюн биринджи догъгъанларны ольдюрген мелек исраиллилерни тиймеди.

Римлилерге 15:16

Алланынъ эйилигинен Иса Месих мени халкъларгъа хызмет этмеге ёллады, ве, Мукъаддес Рух халкъларны азиз этсин ве Алла оларны, истегенине бахшыш киби, къабул этсин деп, мен руханийге ошап, Алланынъ Къуванчлы Хаберини бильдирем.

Римлилерге 8:13

Эгер беден истеклерине коре яшасанъыз, оледжексиз. Амма беден истеклерини Рухнынъ кучюнен ольдюрсенъиз, яшайджакъсыз.

Римлилерге 1:7

Алла севген ве азиз олмагъа чагъыргъан, бутюн Рим шеэринде яшагъан иманлыларгъа: Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

Римлилерге 1:5

Алла бизге Иса аркъалы эйилик япып, эльчилик багъышлады, эписи халкъларнынъ адамлары имангъа келип, Онынъ Адынен Аллагъа бойсунсынлар;

Даниял 4:1

– Мен, Невукъаднеццар, озь эвимде – раатлыкъ ве тынчлыкъта, сарайымда – боллукъта яшай эдим.

Ешая 65:22

Олар къургъан эвлеринде башкъалар яшамайджакъ, сачкъанларынынъ берекетини башкъалар ашамайджакъ. Халкънынъ куньлери терекнинъ куньлери киби узун оладжакъ, сайлагъанларым япкъанларынен узун вакъыт къулланаджакълар.

Иуда 1:2

Мерамет, тынчлыкъ-аманлыкъ ве севги сизде чокълашсын!

Еудийлерге 5:9

ве эр тарафтан къусурсыз олды. Алла Исаны, Мелкиседекни киби, баш руханий этип къойды ве Исагъа Оны динълеген эр кеске эбедий къуртулышны багъышламагъа имкян берди.

Колоссайлыларгъа 3:12

Шунынъ ичюн, Алланынъ азиз ве севимли сайлангъан адамлары олып, шефкъат, мераметлик, эйилик, алчакъгонъюллик, йымшакълыкъ ве сабыргъа кийининъиз.

2 Коринтлилерге 10:5

Алланынъ бильгисине къаршы баш котерген эр бир къопайлыкъны ёкъ этемиз, эр бир ниетни эсирге аламыз ве Месихке бойсундырамыз.

Римлилерге 11:28

Олар Къуванчлы Хаберни къабул этмедилер ве Аллагъа сиз ичюн душман олдылар. Амма олар Алла тарафындан сечильгенлер, ве Алла оларны баба-деделери ичюн севе.

Фаалиет 20:32

Энди сизлерни Аллагъа ве Онынъ Хайыр Сёзюне авале этем. Бу Сёзнинъ сизлерни къавийлештирмеге ве Алланынъ эписи азизлеринен берабер сизлерге мирасны бермеге кучю бар.

Титке 1:1

Павел, Алланынъ къулу ве Иса Месихнинъ эльчиси, – Алла мени Онынъ сайлагъан адамларыны имангъа чагъырмагъа ве оларгъа диндар яшайыш акъкъында акъикъатны огретмеге ёллады. Бу акъикъат

1 Коринтлилерге 1:30

Сиз Алланынъ арекети ичюн Иса Месихнен бирлештинъиз. Иса бизим ичюн Алланынъ икмети олды, бизни акълады, азиз этти ве къуртарды.

Марк 13:22

Ялан месихлер ве ялан пейгъамберлер пейда олып, имкяны олса, сайлангъанларны биле ёлдан урмакъ ичюн, аджайип шейлер япаджакълар ве бельгилер косьтереджеклер.

Матта 24:31

О, Озюнинъ мелеклерини ёллайджакъ. Олар, кучьлю бору чалдырып, сайлагъан адамларыны кокнинъ бир четинден башкъа четинедже, дюньянынъ дёрт тарафындан топлап келеджеклер.

Ешая 55:7

Яман адам – озь ёлуны, беля кетирген киши – озь къара ниетлерини ташласын ве РАББИге, Алламызгъа, къайтсын. Рабби мераметли олып, оны багъышлайджакъ.

2 Юхан 1:13

Сайлангъан къызкъардашынънынъ балалары санъа селям ёллайлар.

2 Юхан 1:1

Акъсакъал – Сайлангъан ханымгъа ве онынъ балаларына (мен оларны акъикъатта севем, эм ялынъыз мен дегиль де, акъикъатны бильгенлернинъ эписи оларны севелер,

Даниял 6:25

Ондан сонъ Дарьявеш падиша бутюн ер юзюнде яшагъан эписи халкъларгъа, миллетлерге ве тиллерге бойле деп язды: «Сизге буюк тынчлыкъ-аманлыкъ олсун! Мен бойле эмир берем:

Ешая 65:9

Якъуптан – эвлятны, Ехудадан – дагъларымнынъ сабысыны асыл этеджегим. Сайлагъанларым топракънынъ сабылары оладжакъ, анда къулларым яшайджакъ.

Левийлилер 1:5

Сонъ адам бузавны РАББИнинъ огюнде сойсун. Харуннынъ огъуллары исе, руханийлер, бираз къаныны алып, Корюшюв Чадырынынъ кириши огюнде тургъан къурбан ерининъ чевре-четине сепсинлер.

1 Пётр 1:14

Сёз динълеген балалар олып, бильгисиз олгъан вакъыттаки, эвельки бозукъ истеклерге къайтманъыз.

1 Пётр 1:19

лякин Месихнинъ къыйметли къанына, яни къабаатсыз ве темиз-пак къозунынъ къанына сатын алындынъыз.

1 Пётр 1:20

О, дюньянынъ яратылмасындан эвель сайлангъан эди, лякин тек заманнынъ сонъунда сизлер ичюн пейда олды.