1 Падишалар 4:10 - Мукъаддес Китап

¹⁰ Фелестинлилер дженк эттилер ве исраиллилерни енъдилер. Эр исраилли озь чадырына къачты. Магълюбиет пек буюк олды, исраиллилернинъ 30 000 пияде аскерлери ольдюрильди.

1 Падишалар 4:10 Referans Kwoze

4 Падишалар 14:12

Исраиллилер ехудалыларны урып енъдилер, ве ехудалылар озь эвлерине къачыштылар.

1 Падишалар 4:2

Фелестинлилер исраиллилернинъ къаршысында сырагъа тизильдилер. Сонъ дженк олды. Фелестинлилер исраиллилерни енъип, уруш мейданында дёрт бинъге якъын адам ольдюрдилер.

Къануннынъ текрары 28:25

РАББИ душманларынъа сени енъмеге ёл ачаджакъ. Оларгъа къаршы бир ёлнен чыкъсанъ, олардан еди ёлнен къачаджакъсынъ, ве ер юзюндеки бутюн падишалыкъларда сенинъ алынъ дешет догъураджакъ.

Левийлилер 26:17

Сизге къаршы чыкъаджагъым, ве сиз душманларынъызнынъ къолундан оледжексинъиз. Сизни кореджек козьлери олмагъанлар сизге эфендилик этеджеклер. Артынъыздан кимсе къуваламагъан вакътында къачаджакъсынъыз.

2 Падишалар 18:17

Авишаломны алып, дагъдаки терен чукъургъа аттылар, устюни бир оба ташнен къапаттылар. Бутюн исраиллилер исе эр кес озь чадырына къачты.

Зебур 78:9

Эй, Алла, Къуртарыджымыз, Намынъ шуретли олсун деп, бизге ярдым эт, Озь Адынънынъ хатири ичюн бизни къуртар, гуналарымызны багъышла!

2 Тарих вакъиалары 25:22

Исраиллилер ехудалыларны енъдилер, ве ехудалылар озь чадырларына къачып кеттилер.

2 Тарих вакъиалары 13:17

Авия ве онынъ халкъы исраиллилерни дарма-дагъын эттилер. Исраильнинъ 500 000 энъ яхшы аскери ольдюрильди.

3 Падишалар 22:36

Кунеш баткъан вакътында бутюн ордугъа: – Эр кес озь шеэрине, озь ерлерине къайтсын! – къычырып беян этильди.

3 Падишалар 12:16

Бутюн исраиллилер, падиша оларны динълемегенини корип, падишагъа джевап берип: – Давуттан бизге не файда? Йишай огълунда бир пайымыз ёкъ. Эй, Исраиль! Эвлеринъизге къайт! Сен де, Давут, озь сюляленъе озюнъ бакъ! – дедилер, ве бутюн Исраиль озь чадырларына къайтты.

2 Падишалар 20:1

Шу ерде ярамай бир биньяминли адам – Бикрийнинъ огълу Шева бар эди. О, бору чалып: – Давутта бизим пайымыз ёкъ! Йишай огълунда мирасымыз ёкъ! Эй, исраиллилер, эр биринъиз озь чадырынъызгъа къайтынъыз! – деди.

2 Падишалар 19:8

Падиша барып, шеэр араба къапусы огюнде отурды. Халкъкъа падишанынъ араба къапусы янында отургъаныны хабер эттилер. Бутюн халкъ падишанынъ огюне кельди. Исраиллилер исе озь чадырларына къачкъанлар.

2 Падишалар 18:7

Давутнынъ аскерлери исраиллилерни енъди. О куню буюк дженк олып кечти – 20 000 адам ольдюрильди.

Къануннынъ текрары 28:15

Лякин эгер сен Алланъ олгъан РАББИни динълемесенъ ве мен санъа бугунь буюргъан эмирлерни ве низамнамелерни беджермесенъ, башынъа къаргъышлар тюшеджек, олар сени къаплап аладжакълар.

Йирмея 7:12

– Башында Адымны ерлештирген ериме Шилогъа кетинъиз, Исраиль халкъымнынъ яманлыгъы ичюн онъа не япкъанымны корюнъиз.

1 Падишалар 3:11

РАББИ Смаилге: – Мен Исраильде ойле иш япарым ки, шу иш акъкъында эшиткенлернинъ эр бири къоркъусындан къалтырап башлар.