1 Падишалар 22:10 - Мукъаддес Китап

¹⁰ Ахимелек РАББИден онынъ акъкъында сорап, онъа аш ве фелестинли Гольятнынъ къылычыны берди, – деди.

1 Падишалар 22:10 Referans Kwoze

Сайылар 27:21

О, руханий Элазарнынъ огюнде турсун ве Ур алетлери ярдымынен РАББИнинъ огюнде чыкъкъан къарар акъкъында сорасын. Онынъ сёзюне коре о ве Исраиль огъулларынынъ эписи, бутюн джемаат эр бир шейни башласынлар ве эр бир шейни битирсинлер.

1 Падишалар 30:8

Давут, РАББИге мураджаат этип: – Бу айдутлар сюрюси пешинден къувалайыммы? Оларны къувып етеримми? – деп сорады. РАББИ онъа: – Къувала. Мытлакъа оларгъа етип олурсынъ ве эписини къуртарырсынъ, – деди.

1 Падишалар 23:4

Давут кене РАББИге мураджаат этти, ве РАББИ онъа: – Тур, Кеилагъа кет. Мен фелестинлилерни сенинъ къолунъа теслим этеджегим, – деди.

1 Падишалар 23:2

Давут РАББИге мураджаат этип: – Анда барайыммы, фелестинлилерни енъеримми? – деп сорады. РАББИ Давуткъа: – Бар, фелестинлилерни енъеджексинъ ве Кеиланы азат этеджексинъ, – деп джевап берди.

1 Падишалар 23:12

Давут: – Кеила сакинлери мени ве адамларымны Шаулнынъ къолуна теслим этеджеклерми? – деп сорады. – Этеджеклер, – деди РАББИ.

1 Падишалар 22:15

Алладан онынъ акъкъында шу куню биринджи кере дегиль, эвель де сорай эдим. Ёкъ, падишам, мени, къулунъны ве къулунънынъ эвини къабаатлама. Бу иш акъкъында мен бир шей бильмей эдим, – деди.

1 Падишалар 22:13

Шаул онъа: – Не ичюн сен Йишай огълунен берабер манъа къаршы анълаштынъ, не ичюн сен онъа отьмек ве къылыч бердинъ, манъа къаршы чыкъып, бугунь къапкъан къойсун деп, не ичюн Алладан онынъ акъкъында сорадынъ? – деди.

1 Падишалар 10:22

РАББИден: – О мында энди кельгенми? – деп сорадылар. РАББИ: – Мына, о керваннынъ алетлери арасында сакълана, – деди.

1 Падишалар 22:11

Падиша, Ахитув огълу руханий Ахимелекни ве Новдаки бабасынынъ бутюн союны – Нов шеэринде руханийлик япкъан эписини – чагъыртмакъ ичюн адам ёллады. Олар эписи падишагъа кельдилер.

1 Падишалар 21:10

Давут шу куню Шаулдан къачып, Гъат падишасы Акишке кельди.