1 Падишалар 16:4 - Мукъаддес Китап

⁴ Смаил РАББИ айткъаны киби япты. Вифлеемге кельген сонъ, онынъ огюне шеэрнинъ акъсакъаллары къалтырап чыкътылар ве: – Сенинъ кельгенинъ хайырлымы? – деп сорадылар.

1 Падишалар 16:4 Referans Kwoze

3 Падишалар 2:13

Сулейманнынъ анасы Бат-Шевагъа Хаггит огълу Адонья кельди. Бат-Шева ондан: – Кельгенинъ хайырлымы? – деп сорады. – Хайырлы, – деп джевап берди о.

Лука 5:8

Симон Пётр буны корьди де, Исанынъ алдында тиз чёкип: – Раббим, менден кет. Мен гуналы адамым, – деди.

4 Падишалар 9:22

Ёрам Ехуны корип: – Еху, эписи яхшымы? – деп сорады. Еху исе: – Сенинъ ананъ Изевель ороспулыкъ ве чокътан-чокъ этне япып юргенде, неси яхшы оладжакъ? – деди.

1 Падишалар 21:1

Давут Нов шеэрине руханий Ахимелекке кельди. Ахимелек Давутны корип, къоркъты ве Давуттан: – Не ичюн бир озюнъсинъ? Янынъда не ичюн кимсе ёкъ? – деп сорады.

3 Падишалар 17:18

Къадын Ильяскъа: – Эй, Алланынъ адамы! Манъа не ичюн кельдинъ? Гуналарымны хатырлатмагъа ве огълумны ольдюрмеге кельдинъми? – деди.

Лука 8:37

Герасалыларнынъ виляетинде яшагъанларнынъ эписини буюк къоркъу басты. Шунынъ ичюн олар Исадан шу ерлерден кетмесини истедилер. Сонъ Иса къайыкъкъа минип, къайтып кетти.

Лука 2:4

Юсуф да, Галилея виляетининъ Назарет шеэринден чыкъып, Еудиедеки Давут Шеэрине Вифлеемге ёл алды, чюнки о, Давутнынъ союндан олып, онынъ эвлятларындан бири эди.

Хошеа 11:10

Олар РАББИнинъ артындан кетеджеклер. Арслан киби, О, ырылдайджакъ. О, сесини береджек, ве огъуллары титреп, гъарптан келеджек.

Хошеа 6:5

Бунынъ ичюн Мен оларны пейгъамберлер ярдымынен парчалай эдим, агъзымдан чыкъкъан сёзлернен ольдюре эдим. Меним къарарларым – саба ярыгъыдыр.

2 Падишалар 6:9

Давут шу куню РАББИден пек къоркъты ве: – РАББИнинъ Сандыгъыны насыл этип озюме кетирейим? – деди.

Башланув 48:7

Мен Паддандан кельгенимде, Рахелим Ханаан топрагъында, Эфраткъа етмезден ёл бою кечинди. Мен оны Эфраткъа, я да Вифлеемге алып кеткен ёлнынъ янында дефн эттим.

Башланув 35:19

Рахель кечинди. Оны Эфрат шеэрине, я да Вифлеем шеэрине кеткен ёлнынъ боюнда дефн эттилер.