1 Падишалар 15:3 - Мукъаддес Китап

³ Энди бар да, амалеклилерге уджюм эт, онынъ эр бир шейини ёкъ эт. Оларны аджыма. Акъаймы, апаймы, генчми, къундакътаки баламы, бугъамы, къоймы, девеми, эшекми, – эписини ольдюр».

1 Падишалар 15:3 Referans Kwoze

Сайылар 24:20

Сонъ о, Амалекке тараф бакъты ве кинаели икяесини айтып берди: – Амалек халкълар арасында биринджидир, амма сонъу – ёкъ этилювидир.

1 Падишалар 22:19

Руханийлер яшагъан Нов шеэрини де къылычнен тар-мар этти. Акъайларны, апайларны, йигитлерни, балаларны, бугъа, эшек ве къой-эчкилерни – эписини къылычнен сойып чыкъты.

Сайылар 31:17

Шимди бутюн огълан балачыкъларны ве акъайнен яткъан къадынларны ольдюринъиз.

Чыкъыш 20:5

Оларгъа седждеге къапанып ибадет этме. Мен – РАББИм, сенинъ Алланъдырым, куньджю Аллам. Мени кореджек козю олмагъан бабаларнынъ къабаатлары ичюн балаларыны учюнджи ве дёртюнджи несильгедже джезалайым.

Башланув 36:12

Тимна Исавнынъ огълу Элифазнынъ джариеси эди, онъа Амалекни догъды. Бу – Исавнынъ апайы Аданынъ огъуллары.

Чыкъыш 17:14

Сонъ РАББИ Мусагъа: – Буны акъылда тутмакъ ичюн, эльязмада язып, Ехошуанынъ къулагъына мытлакъа къой ки, Мен ер юзюнде амалеклилернинъ изини биле къалдырмам, – деди.

1 Падишалар 14:48

Шаул джесаретли дженклешти, амалеклилерни енъди ве Исраильни дарма-дагъын эткен адамлардан къуртарды.

1 Падишалар 15:9

Амма Шаул ве халкъы Агъагъны ве къой-эчкилернинъ, туварларнынъ, семиз бузав-таналарнынъ ве къозуларнынъ энъ яхшысыны ве шейлернинъ яхшысыны бутюнлей ёкъ этмеге истемедилер. Тек ярамай ве керекмеген эписи шейлерни бутюнлей ёкъ эттилер.

1 Падишалар 15:18

РАББИ сени ёллап: «Бар да, гуналы амалеклилернинъ джанларыны РАББИге къурбан эт, оларны тамамынен къыргъандже, оларгъа къаршы дженк эт», – деди.

1 Падишалар 27:9

Давут шу улькени дарма-дагъын эткенде, эр кесни – апай олсун, акъай олсун – къалдырмай ольдюрди, къой-эчки ве туварларыны, эшек ве девелерини, ве кийимлерини алды да, Акишке къайтып кельди.

1 Падишалар 30:17

Давут оларны акъшам устюнден башлап экинджи кунюнинъ акъшамынадже урды, девелерге отурып къачкъан 400 йигиттен гъайры, кимсе къуртарылып оламады.

2 Падишалар 1:8

О: «Сен кимсинъ?» – деп сорады. Мен: «Мен – амалеклилерденим», – деп джевап бердим.

Нун огълу Ехошуа 10:39

Оны ве эписи шеэрлерини запт этип, шеэрнинъ падишасыны ве шеэрлер сакинлерини къылычнен ольдюрди, андаки эр бир тири джанны бутюнлей ёкъ эттилер. Кимсени сагъ къалдырмадылар. Хевроннен ве Ливна ве онынъ падишасынен япкъан шейлерни Девир шеэрине ве онынъ падишасына да яптылар.