1 Падишалар 14:12 - Мукъаддес Китап

¹² Отряддакилер Ёнатан ве силя ташыйыджысына: – Бизге котерилинъиз, сизге бир шей айтаджакъмыз, – деп къычырдылар. Ёнатан силя ташыйыджысына: – Айды, кеттик, РАББИ оларны Исраиль къолуна теслим этти, – деди.

1 Падишалар 14:12 Referans Kwoze

2 Падишалар 5:24

Бака тереклерининъ тёпесинден бир кимсенинъ юргенини эшитсенъ, тез къыбырда. О вакъыт РАББИ, фелестинли ордусыны ёкъ этмек ичюн, сенинъ огюнъде кетеджек, – деди.

4 Падишалар 14:8

Сонъра Амацья, Исраиль падишасы олгъан Еху огълу Ехоахазнынъ огълу Ёашкъа эльчилер йиберип: – Чыкъ, юзьме-юзь корюшейик, – деди.

1 Падишалар 14:10

Эгер де олар: «Бизге котерилинъиз», – деселер, биз котерилирмиз. Бу – РАББИ оларны бизим къолумызгъа теслим эткенининъ алямети олур, – деди.

Къадылар 7:15

Гидон бу тюшнинъ тарифини ве манасыны эшиткен сонъ, тизлерине йыкъылды. Сонъ исраиллилернинъ ордусына къайтты ве: – Турунъыз! РАББИ мидьянлыларнынъ ордусыны бизим элимизге берди! – деп илян этти.

Къадылар 4:14

Девора Баракъкъа: – Айды, илери бас! РАББИ Сисераны сенинъ къолунъа берген кунь кельди. Сенинъ огюнъде РАББИ Озю кете! – деди. Баракъ 10 000 аскеринен Тавор дагъындан энди.

Башланув 24:48

Озюм исе РАББИге седждеге къапанып ибадет эттим ве РАББИге, Ибраим-эфендимнинъ Алласына бинъ шукюрлер эттим. О, мени эфендимнинъ огълуна эфендимнинъ къардашынынъ къызыны алмакъ ичюн дос-догъру ёлнен кетирген эди.

Башланув 24:42

Бугунь чокъракъ янына келип, мен дедим: «Я РАББИ, Ибраим-эфендимнинъ Алласы! Япмагъа ниетленген ишимни онъундан кетирсе!

Къадылар 9:54

Авимелек аман озь силя ташыгъан хызметчисини чагъырып, онъа эмир этти: – Къылычынъны чыкъар да, мени ольдюр. Меним акъкъымда: «Оны апай ольдюрди», – демесинлер. Хызметчиси къылычыны онъа саплады, ве Авимелек ольди.

1 Падишалар 14:13

Сонъ Ёнатан тырмашып башлады, силя ташыйыджысы да онынъ артындан тырмашты. Ёнатан фелестинлилерни йыкъып башлады, силя ташыйыджысы да оларны ольдюре башлады.

Къадылар 7:14

Экинджиси: – Бу исраилли Ёаш огълу Гидоннынъ къылычы! – деди. – Алла мидьянлыларны ве бутюн бу ордуны онынъ къолуна берди.