TITO 3:9 - Chatino Tataltepec

⁹ pana ná tso'o chcui' ma̱ cha' laja ti, jua'a̱ ná tso'o si xlyú ma̱ cha' hichu̱' tya'a ma̱ xqui'ya jyo'o cusu' ji'na, masi xqui'ya sca cha' nu nguscua jyo'o Moisés nu ngua sa'ni la. Ná sca cha' tso'o ná taca cua'ni ma̱ jua'a̱. Chcuna' tyempo ji'i̱ ma̱ jua'a̱, cha' xcui' cha' nu ndacui lo cui'i̱ ti nchcui' ma̱ li'.

TITO 3:9 Referans Kwoze

2 TIMOTEO 2:14

Lu'ba ti chcui' nu'u̱ lo'o ngu' cha' taquiya' ngu' lcaa cha' nu nscua na' re. Cua jlo ti' ycui' nu Xu'na na lcaa ña'a̱ nu ndyu'ni scaa ngu', bi' cha' culo nu'u̱ cña cha' nga'aa xtyacui ngu' cha' lo'o tya'a ngu' cuentya ji'i̱ cua ña'a̱ ca cuentyu nu nchcui' ñati̱. Ná tso'o tsiya' ti jua'a̱, cha' lye tsa quichi̱ cha' hique ngu' nu ndyuna cha' bi'.

2 TIMOTEO 2:23

Nga'aa xacui̱ nu'u̱ cha' ji'i̱ ñati̱ nu ná jlo ti' tsiya' ti ñi'ya̱ laca sca cha' liñi; ná sca cha' jlo ti' ngu' bi', pana nti' ngu' xu̱u̱ tya'a ngu' lo'o nu'u̱ xqui'ya sca cha' laja ti.

1 TIMOTEO 4:7

Ná taquiya' nu'u̱ ji'i̱ cuentyu nu ná nchcui' cha' liñi ji'i̱ ycui' Ndyosi, cha' cuxi tsa laca cha' bi'. Pana nu'u̱ ni, ntsu'u cha' qui'i̱ nu'u̱ cha' cua'ni nu'u̱ xcui' cña nu ndiya ti' ycui' Ndyosi.

2 TIMOTEO 2:16

Ná cua'a̱ jyaca̱ nu'u̱ tsiya' ti ji'i̱ cha' cuxi nu nchcui' nu ngu' cuiñi bi', cha' tyijyu' tsa ndya'a̱chu̱' ngu' bi' ji'i̱ ycui' Ndyosi; nga'aa ndya'a̱ ngu' bi' tyucui̱i̱ ji'i̱ ycui' Ndyosi tsiya' ti.

TITO 1:14

cha' nga'aa cua'a̱ jyaca̱ ngu' ji'i̱ cuentyu nu nchcui' ngu' judío, cha' nga'aa taquiya' ngu' ji'i̱ cha' nu nchcui' ñati̱ chalyuu ti nu cua ngulochu̱' ji'i̱ lcaa cha' liñi.

1 CORINTIOS 8:1

Nde scua na' chaca cha' nu tsaa slo ma̱, cha' ca cuayá' ti' ma̱ ni cha' ndyu'ni ma̱ lo'o ndacu ma̱ msta̱ nu cua ngusta ngu' slo jo'ó tya clyo. Ntsu'u cu'ma̱ nu ñacui̱ ma̱: “Cua jlo ti' ya, cua nda ya cuentya cha' ná ntsu'u cha' tacati ji'i̱ jo'ó jua; taca cacu ya msta̱ bi'”, ñacui̱ ma̱. Chañi tsa cha' bi'. Pana tyixi cua'ni na lo'o tya'a ñati̱ na nu lo'o chcui' na jua'a̱. Sca ti si ntsu'u tyiquee na ña'a̱ na ji'i̱ tya'a ñati̱ na, si cube ti' na ji'i̱ ngu' bi', ca li' taca xtyucua na ji'i̱ ngu'.

1 CORINTIOS 13:2

Ná ndu'ni cha' masi cacha' na lcaa cha' nu nda ycui' Ndyosi lo'o ñati̱, si ná ntsu'u tyiquee na ña'a̱ na ji'i̱ ngu'. Ná ndu'ni cha' masi jlo ti' na lcaa cha' ji'i̱ ycui' Ndyosi, masi tso'o tsa nchca cuayá' ti' na sca cha' nu ná ngujui ñi'ya̱ nu caca cuayá' ti' ñati̱ nu ngua sa'ni la; ná sca na laca na cuentya ji'i̱ ycui' Ndyosi si ná ntsu'u tyiquee na ña'a̱ na ji'i̱ ñati̱. La cui' ti masi jlya tsa ti' na ji'i̱ ycui' Ndyosi ñi'ya̱ nti' si caca cuityi̱ na ji'i̱ sca ca'ya cua̱, pana si ná ntsu'u tyiquee na ña'a̱ na ji'i̱ ñati̱, ná sca na laca na li'.

SANTIAGO 4:1

¿Ni cha' laca lye tsa nxu̱u̱ tya'a ma̱? ¿Ni cha' laca lya' tsa ti' ma̱ ji'i̱ tya'a ñati̱ ma̱? ¿Ha si'i na ndacui tsa ti' ma̱ ji'i̱ scaa na nu ntsu'u ji'i̱ tya'a ñati̱ ma̱? Ná nchca ji'i̱ ma̱ cha' ti̱ ti tyi'i̱ tyiquee ma̱ lo'o tya'a ma̱ xqui'ya lcaa lo cha' cuxi nu ndiya tsa ti' ma̱ ji'i̱.