TITO 3:15 - Chatino Tataltepec

¹⁵ Lcaa ngu' ca nde lo'o na' nchcui' ya xlyo ni'i̱ jinu'u̱. Tso'o ti chcui' nu'u̱ lo'o lcaa ngu' nu tso'o ti ntsu'u tyiquee ña'a̱ ngu' ji'i̱ cua cha' laca ngu' tya'a ngusñi na cha' ji'i̱ Jesús. Ña'a̱ ti cua'ni ycui' Ndyosi cha' tso'o lo'o lcaa cu'ma̱. Jua'a̱ caca cha' lacua.

TITO 3:15 Referans Kwoze

HEBREOS 13:25

Cua nti' na' cha' tyi'u ti' ma̱ lcaa tyempo cha' xcui' tso'o ti ndu'ni ycui' Ndyosi lo'o lcaa na.

1 TIMOTEO 1:5

Culo nu'u̱ cña ji'i̱ ngu' cha' tso'o tsa tyu'u tyiquee ngu' ña'a̱ ngu' ji'i̱ tya'a ngu', cha' bi' laca cña nu ndu'ni ñati̱ nu ngua lubii cresiya ji'i̱ cuentya ji'i̱ ycui' Ndyosi; jlo ti' ñati̱ bi' ñi'ya̱ laca cña tso'o, lo'o jua'a̱ ndyu'ni ngu' bi' cña tso'o bi' li'. Chañi cha' ngusñi ngu' bi' cha' ji'i̱ ycui' Ndyosi si ntsu'u tyiquee ngu' ña'a̱ ngu' ji'i̱ tya'a ngu'.

COLOSENSES 4:18

Su cua ndye quityi re, nde laca sca cha' nu cua nscua na' lo'o ya' ycui' ti na': Pablo laca na', nda na' xlyo ni'i̱ ji'i̱ ma̱; tyi'u ti' ma̱ jna' cha' ntsu'u na' ne' chcua̱ juani. Lo'o jua'a̱ tya cua'ni la ycui' Ndyosi cha' xlya'be lo'o ma̱ tyucui tyempo nu lijya̱ nde loo la. Jua'a̱ caca cha' lacua.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

3 JUAN 1:1

La cui' nu cusu' Juan laca na'. Nscua na' quityi re cha' ca̱a̱ ca slo nu'u̱, Gayo; jlya ti' nu'u̱ lcaa cha' nu laca ji'i̱ Jesucristo, bi' cha' tso'o tsa ntsu'u tyiquee na' cha' chcui' na' lo'o nu'u̱.

FILEMÓN 1:5

Hasta ca su ndi'i̱ na' re, cua ndañi cha' tso'o tsa ngusñi nu'u̱ cha' ji'i̱ Jesús nu Xu'na na, jua'a̱ ntsu'u tsa tyiquee nu'u̱ ña'a̱ nu'u̱ ji'i̱ Jesús lo'o ji'i̱ lcaa ñati̱ ji'i̱ Cristo cajua. Lcaa cha' bi' cua ndyuna na' ji'i̱;

2 TIMOTEO 4:22

Tyanu Xtyi'i ycui' Jesucristo lo'o nu'u̱, cha' taca caca nguula la ti' tyiquee nu'u̱. Ña'a̱ ti cua'ni ycui' Ndyosi cha' tso'o lo'o lcaa cu'ma̱. Jua'a̱ caca cha' lacua.

1 TIMOTEO 1:2

Nscua na' quityi re cha' ca̱a̱ slo nu'u̱, Timoteo, cha' ñi'ya̱ si laca nu'u̱ sñi' na', jua'a̱ nti' na' ña'a̱ na' jinu'u̱, cha' ngusñi nu'u̱ cha' ji'i̱ Jesucristo tya lo'o ngulu'u na' cha' bi' jinu'u̱. Ndi'ya̱ nti' na', cha' ña'a̱ ti cua'ni ycui' Ndyosi Sti na cha' tso'o lo'o nu'u̱, cha' cua'ni tya'na ti' Ni jinu'u̱, cha' jua'a̱ cua'ni Ni cha' ti̱ ti tyi'i̱ cresiya jinu'u̱ xqui'ya Jesucristo nu Xu'na na.

1 CORINTIOS 16:23

Xtyucua Jesucristo nu Xu'na na ji'i̱ ma̱.

SAN MATEO 5:47

Lo'o chcui' ma̱ cha' tso'o sca ti lo'o tya'a tso'o ma̱, ná tso'o bi', cha' la cui' jua'a̱ ndu'ni cua ña'a̱ ca ñati̱; masi ngu' nu ná ntsu'u cha' ji'i̱ lo'o ycui' Ndyosi tsiya' ti, lo'o ngu' bi' nchcui' tso'o lo'o tya'a tso'o ngu'. Quiña'a̱ la cha' tso'o cua'ni ma̱ nti' ycui' Ndyosi.

LOS HECHOS 20:34

Jlo ti' ma̱ cha' ycui' na' ngua'ni na' cña lo'o ya' ti na' cha' caja cñi cha' tyiji̱ yu'u jna' chalyuu. Lo'o jua'a̱ tya nda na' xlya'be ji'i̱ ngu' nu ndya'a̱ lo'o na'.