TITO 3:13 - Chatino Tataltepec

¹³ Xtyucua nu'u̱ ji'i̱ Zenas, nu yu nu laca tu'ba bi', lo'o ji'i̱ Apolos. Li' cui'ya nu'u̱ cuentya cha' nga'aa ntsu'u na nu lyiji ji'i̱ ngu' lo'o tya tsaa la ngu' tyucui̱i̱.

TITO 3:13 Referans Kwoze

LOS HECHOS 18:24

La cui' tyempo ndyalaa sca nu qui'yu ngu' judío nde quichi̱ Efeso. Apolos naa yu bi', lo'o Alejandría naa quichi̱ tyi yu. Jlo tsa ti' yu lcaa cha' ji'i̱ ycui' Ndyosi nu nscua lo quityi tya sa'ni la, lo'o jua'a̱ tso'o tsa nchcui' yu cha' ji'i̱ ycui' Ndyosi lo'o ñati̱.

SAN MATEO 22:35

Lo'o jua'a̱ nga'a̱ sca ngu' fariseo nu jlo tsa ti' lcaa cha' ji'i̱ ycui' Ndyosi nu nguscua jyo'o Moisés. Li' nchcuane yu ji'i̱ Jesús cha' chcui' cuayá' yu lo'o:

LOS HECHOS 28:10

Quiña'a̱ tsa cha' tso'o nda ngu' ji'i̱ ya li', lo'o jua'a̱ lye tsa ngua'ni chi̱ ngu' loo ya ña'a̱ cuayá' nu ndu'u ya ndyaa ya. La cui' tsa̱ bi', ñaa lo'o ngu' ji'i̱ lcaa na nu lyiji ji'i̱ ya, ngusu'ba ngu' ji'i̱ ne' yaca ni'i̱ cha' tsaa ya lo'o.

1 CORINTIOS 16:11

Ni tsaca ma̱, ná cña'a̱ ti'í ma̱ ji'i̱ yu; tso'o la si xtyucua ma̱ ji'i̱ yu cha' quiñi tyucui̱i̱ ji'i̱ yu cha' tyalaa yu ca slo na'. Ntajatya tsa ya ji'i̱ yu, na' lo'o lcaa tya'a ngusñi na cha' ji'i̱ Cristo ca nde.

ROMANOS 15:24

bi' cha' cua nti' na' cha' ca̱a̱ na' tyi'i̱ na' xi ca su ndi'i̱ ma̱, tyucui̱i̱ su tsa'a̱ nde España. Li' taca ta na' xi cha' lo'o ma̱. Nu lo'o ngua chaa xi ti' na lo'o tya'a na, li' taca chcui' salya' ma̱ lo'o na', cha' xtyucua ma̱ jna' tyucui̱i̱ su tsa'a̱ nde loo la.

LOS HECHOS 21:5

Lo'o ndye cati tsa̱, li' ndu'u ya ndyaa ya. Nguxtyucua lcaa tya'a ngu' ji'i̱ ya tyucui̱i̱ su ndyaa ya to' tyujo'o; lo'o jua'a̱ lcaa nu cuna'a̱ lo'o nu sube ji'i̱ ngu', ndyaa ngu' lo'o ya. Li' ngutu̱ sti̱' lcaa ya ca to' tyujo'o cha' stu'ba ti chcui' ya lo'o ycui' Ndyosi.

SAN LUCAS 14:3

Li' nchcuane Jesús ji'i̱ ngu' mstru cha' jo'ó lo'o ji'i̱ ngu' fariseo bi': ―¿Ha ntsu'u chacuayá' cha' cua'ni na jo'o ji'i̱ sca nu quicha tsa̱ ta'a, nti' ma̱? ―nacui̱ Jesús ji'i̱ ngu' bi'―. ¿Ha ná ntsu'u chacuayá' cha' cua'ni na jo'o ji'i̱ ngu' li'?

SAN LUCAS 11:52

’Tya'na tsa cu'ma̱, mstru cha' jo'ó. Cua nquijeloo ji'i̱ ma̱ ñi'ya̱ nu ca tsa'a̱ ma̱ lcaa lo cha' nquicha', pana ná ntaja'a̱ ycui' ca ma̱ ca tsa'a̱ ma̱ cha' bi' tsiya' ti; jua'a̱ ndacu̱' ma̱ cha' ji'i̱ xa' ñati̱ nu lo'o ngua ti' ngu' ca tsa'a̱ ngu'.

SAN LUCAS 11:45

Li' nchcui' sca mstru cha' jo'ó lo'o Jesús: ―Mstru ―nacui̱―, lo'o nchcui' nu'u̱ jua'a̱, lo'o ji'i̱ cuare nsta nu'u̱ qui'ya.

SAN LUCAS 10:25

Li' ndatu̱ sca mstru cha' jo'ó cha' chcui' cuayá' yu lo'o Jesús. Lo'o li' nchcuane yu ji'i̱ Jesús: ―Mstru ―nacui̱―, ¿ñi'ya̱ cua'ni na' cha' caja chalyuu nu ná nga'a̱ cha' tye tsiya' ti jna'?

SAN LUCAS 7:30

Pana nu ngu' fariseo lo'o ngu' mstru cha' jo'ó nu ná ntaja'a̱ cha' tyucuatya Juan ji'i̱ ngu' nu ngua li', ná ngua'ni ngu' cuentya ji'i̱ cña nu ndyu'ni ycui' Ndyosi cha' nguxtyucua Ni ji'i̱ ñati̱. Li' xa' nchcui' Jesús lo'o ngu':

LOS HECHOS 15:3

Li' nchcui' salya' ngu' lo'o tya'a ngu', lcaa ngu' taju ñati̱ ji'i̱ Jesucristo quichi̱ Antioquía ngusalya' lo'o Pablo, lo'o Bernabé, lo'o tya'a ndya'a̱ ngu'. Li' ndu'u ngu' ndyaa ngu' tyucui̱i̱ nu tsaa nde Jerusalén. Nteje tacui ngu' loyuu su cuentya Fenicia, lo'o loyuu su cuentya Samaria, nchcui' ngu' lo'o lcaa taju ñati̱ ji'i̱ Jesucristo nu ndi'i̱ quichi̱ tyucui̱i̱ su nteje tacui ngu'. Ndacha' ngu' ñi'ya̱ nu ngua'ni ycui' Ndyosi, cha' nguxcutsa'a̱ Ni cresiya ji'i̱ ngu' xa' tsu', cha' juani cua ngusñi ngu' xa' tsu' cha' ji'i̱ ycui' Ndyosi. Lo'o ndyuna ngu' quichi̱ bi' cha' bi', tso'o tsa ntsu'u tyiquee ngu' li', cha' lo'o ñati̱ xa' tsu' ngusñi ngu' cha' ji'i̱ Jesucristo; nga'aa si'i ngu' judío ti nu ngusñi cha' bi'.

LOS HECHOS 19:1

Laja lo'o ndi'i̱ Apolos quichi̱ Corinto, la cui' tyempo bi' ndyaa Pablo nde ca'ya, ña'a̱ cuayá' nu ndyalaa yu nde quichi̱ Efeso. Ca bi' ndyacua tya'a yu lo'o xi ñati̱ nu ndyu'ni tlyu ji'i̱ ycui' Ndyosi.

1 CORINTIOS 16:12

Cua nchcui' tsa na' lo'o Apolos tya'a tso'o ma̱, cha' ca̱a̱ na'a̱ yu xi ji'i̱ ma̱; ca̱a̱ yu lo'o xa' la ngu' tya'a na re. Pana ná ntaja'a̱ yu ca̱a̱ yu yala ti; ca lo'o laja ji'i̱ yu, ca li' ca̱a̱ yu su ndi'i̱ ma̱.