TITO 3:12 - Chatino Tataltepec

¹² Nu lo'o tyalaa ti masi Artemas, masi Tíquico, nu cua nda na' ji'i̱ cha' ca̱a̱ slo nu'u̱, li' yala ti tsaa nu'u̱ ca quichi̱ Nicópolis si caca jinu'u̱; tyacua tya'a na cajua li', cha' tyi'i̱ na' ca quichi̱ bi' tyempo tlya' nta̱'.

TITO 3:12 Referans Kwoze

2 TIMOTEO 4:9

Quiñi clya tyucui̱i̱ jinu'u̱ cha' ca̱a̱ ca nde slo na' yala ti.

LOS HECHOS 20:4

Ndya'a̱ Sópater ngu' Berea lo'o ya, lo'o jua'a̱ Aristarco lo'o Segundo ngu' Tesalónica, lo'o jua'a̱ Gayo ngu' Derbe, lo'o Timoteo bi', lo'o jua'a̱ Tíquico lo'o Trófimo ngu' Asia; ca ta'a ya ndya'a̱ ya lo'o yu li'.

2 TIMOTEO 4:21

Quiñi clya tyucui̱i̱ jinu'u̱ cha' tyalaa nu'u̱ ca nde lo'o bilya xana tyempo tlya'. Lcaa ngu' re nda ngu' xlyo ni'i̱ jinu'u̱, lo'o Eubulo, lo'o Pudente, lo'o Lino, lo'o Claudia, lo'o lcaa tya'a ñati̱ ji'i̱ Jesucristo quichi̱ re.

2 TIMOTEO 4:12

Ngulo na' cña ji'i̱ Tíquico cha' tsaa yu ca quichi̱ Efeso.

1 CORINTIOS 16:6

tyanu na' xi lo'o ma̱ li'. Ná tyiquee' tyanu na' lo'o ma̱ tyucui tyempo tlya'. Laja lo'o tyi'i̱ na' lo'o cu'ma̱, li' taca xtyucua ma̱ xi 'na cha' quiñi la tyucui̱i̱ 'na cha' tsa'a̱ tyijyu' la, macala su ntsu'u cha' tsa'a̱.

EFESIOS 6:21

Cua nda na' ji'i̱ yu Tíquico cha' ca̱a̱ slo ma̱. Tso'o tsa ntsu'u tyiquee ya cha' stu'ba tsa ndu'ni ya cña ji'i̱ ycui' nu Xu'na na lo'o yu. Cacha' lyiji yu ji'i̱ ma̱ lcaa cha' ñi'ya̱ nu ndyaca 'na ca nde, ñi'ya̱ cña nu ndyu'ni na'.

COLOSENSES 4:7

Yu Tíquico tya'a na ni, ta yu cha' lo'o ma̱, lcaa cha' ñi'ya̱ nu ndyaca jna' ca nde. Ntsu'u tsa tyiquee na ña'a̱ na ji'i̱ yu bi', lo'o la cui' jua'a̱ tya'a ndyu'ni ya cña ji'i̱ nu Xu'na na laca yu; lcaa tsa̱ ndyu'ni yu cña bi', ná nchca taja ti' yu ji'i̱.