TITO 2:8 - Chatino Tataltepec

⁸ Xcui' cha' liñi culu'u nu'u̱ ji'i̱ ngu', cha' ná tucui taca ñacui̱ cha' cuiñi nu'u̱. Ca tyuju'u ti' ngu' nu cuxi tyiquee li', cha' ná caja ñi'ya̱ chcui' ngu' cha' cuxi ji'na li'.

TITO 2:8 Referans Kwoze

1 PEDRO 2:12

Xcui' cha' liñi cua'ni ma̱ lacua; xcui' cha' tso'o cua'ni ma̱, xqui'ya nu ñati̱ nu ná jlya ti' ji'i̱ ycui' Ndyosi tsiya' ti, cha' lo'o ngu' bi' taca ca cuayá' ti' ngu' cha' ñati̱ tso'o laca ma̱. Nu juani nti' ngu' bi' cha' cuxi tsa ñati̱ laca ma̱, bi' cha tso'o la si cua'ni ma̱ xcui' cha' tso'o ti cha' ña'a̱ ñati̱ bi' ji'i̱ ma̱; li' ta ngu' bi' cuentya cha' chañi cha' ñati̱ tso'o laca ma̱. Lo'o ñati̱ bi' cua'ni tlyu ji'i̱ ycui' Ndyosi tsa̱ nu cua'ni cuayá' Ni ji'i̱ ñati̱ li'.

1 PEDRO 2:15

Pana nti' ycui' Ndyosi cha' cua'ni ma̱ xcui' cña tso'o, nga'aa caca chcui' ngu' cha' cuxi ji'i̱ ma̱ li'; masi nu ngu' nu ná nti' ca cuayá' ti', masi nu ngu' nu ná jlo ti' tsiya' ti, ni sca quiya' ná ntsu'u cha' sta ngu' bi' qui'ya ji'i̱ ma̱ li'.

1 PEDRO 3:16

Xcui' cha' tso'o cua'ni ma̱ lo'o ngu' lacua, cha' taca tyanu lubii cresiya ji'i̱ ma̱; li' caca tyuju'u ti' nu ngu' cuiñi bi', ngu' nu nchcui' cuentyu ji'i̱ ma̱ xqui'ya cha' tso'o nu ndyu'ni ma̱ cuentya ji'i̱ Cristo.

1 TIMOTEO 6:3

Liñi tsa cha' ji'i̱ ycui' Jesucristo nu Xu'na na; cua ña'a̱ ca ñati̱ nu nclu'u xi xa' la cha' ji'i̱ ma̱, ná liñi ndyu'ni nu ñati̱ bi', ná ntaja'a̱ ngu' tsiya' ti taquiya' ngu' ji'i̱ cha' liñi bi'.

2 TESALONICENSES 3:14

Ñati̱ nu ná ntaja'a̱ taquiya' ji'i̱ lcaa cha' nu nscua ya lo quityi re ni, cui'ya ma̱ cuentya tilaca laca ngu' bi'; li' nga'aa tya'a̱ ma̱ stu'ba ti lo'o ngu' bi', cha' jua'a̱ caca tyuju'u ti' ngu'.

1 TIMOTEO 5:14

Bi' cha' tso'o la si xa' caja clyo'o nu cuna'a̱ cuañi' nu ndyanu ti'i, nti' na'; caja sñi' ngu' li', ña'a̱si̱i̱ ngu' to' tyi ycui' ngu', cha' ná caja ñi'ya̱ nu sta ngu' qui'ya ji'na xqui'ya nu cuna'a̱ bi'.

SAN LUCAS 13:17

Nguju'u tsa ti' ngu' tya'a cusu̱u̱ Jesús cha' nguxacui̱ yu cha' ji'i̱ nu laca loo bi' jua'a̱. Pana tso'o tsa ntsu'u tyiquee nu xa' la ñati̱ nu ndu̱ ca bi', cha' na'a̱ ngu' lcaa cña tonu nu ngua'ni Jesús.

SAN MARCOS 12:34

Ngua cuayá' tso'o ti' nu qui'yu bi', ngua ti' Jesús. ―Ná quiña'a̱ tsa lyiji jinu'u̱ cha' tyatí̱ nu'u̱ cha' ji'i̱ ycui' Ndyosi cha' caca Ni loo ne' cresiya jinu'u̱ ―nacui̱ Jesús ji'i̱ mstru bi'. Lo'o ndye nchcui' Jesús cha' bi', nga'aa nchcui' ngu' xi xa' la cha' lo'o, cha' ntsi̱i̱ ngu' xi ji'i̱.

SAN MARCOS 12:32

―Cha' liñi laca cha' nu nchcui' nu'u̱, mstru ―nacui̱ mstru bi' ji'i̱ Jesús―, chañi cha' nu nchcui' nu'u̱ cha' sca ti ycui' Ndyosi nu chañi cha' laca Ni Xu'na na; nga'aa ntsu'u chaca.

SAN MARCOS 12:28

Ndu̱ sca mstru cha' jo'ó slo Jesús li'. Ndyuna mstru bi' ñi'ya̱ nu nguxacui̱ ngu' cha' ji'i̱ Jesús, ñi'ya̱ ngua cha' tso'o tsa nchcui' Jesús lo'o ngu'. Lo'o li' nchcuane mstru bi' sca cha' ji'i̱ Jesús: ―Ca ta'a cña nu ngulo ycui' Ndyosi ji'na cha' cua'ni na ni, ¿ñi'ya̱ cña laca nu ndulo la cha' cua'ni na ji'i̱? ―nacui̱ ji'i̱ Jesús.

SAN MARCOS 12:17

―Tso'o ―nacui̱ Jesús li'―, ji'i̱ rey tlyu bi' tya ma̱ lcaa na nu nga'a̱ cha' ta ma̱ ji'i̱ lacua, lo'o jua'a̱ ji'i̱ ycui' Ndyosi tya ma̱ lcaa na nu ntsu'u cha' tya ma̱ ji'i̱ Ni. Ndube tsa ti' ngu' cha' nchca tsa ji'i̱ Jesús xtyacui cha' lo'o ngu' bi'.

TITO 3:14

Ntsu'u cha' ca tsa'a̱ ca ta'a ñati̱ ji'i̱ Jesucristo tya'a na cha' cua'ni ngu' lcaa lo cha' tso'o, cha' taca xtyucua ngu' ji'i̱ tya'a ñati̱ ngu' nu lyiji xi ji'i̱; ná tso'o si taja ti ndi'i̱ ngu' chalyuu.