TITO 2:6 - Chatino Tataltepec

⁶ La cui' jua'a̱, ta nu'u̱ cui̱i̱ lo'o nu ngu' qui'yu cuañi' cha' cua'a ngu' ji'i̱ ycui' ca ngu', cha' xcui' cha' tso'o cua'ni ngu'.

TITO 2:6 Referans Kwoze

1 PEDRO 5:5

Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.

1 JUAN 2:13

Nscua na' quityi re cha' ca̱a̱ slo cu'ma̱ ngu' cusu', cha' cua ngujui ñi'ya̱ nu tyu'u cha' ji'i̱ ma̱ lo'o Jesucristo nu stu'ba ti ntucua lo'o ycui' Ndyosi Sti yu tya lo'o nguxana chalyuu. Lo'o jua'a̱ nscua na' quityi re cha' ca̱a̱ slo cu'ma̱ ngu' cuañi', cha' cua ntiji̱loo ma̱ ji'i̱ nu xña'a̱. Cu'ma̱ sñi' na', cua ngujui ñi'ya̱ nu tyu'u cha' ji'i̱ ma̱ lo'o ycui' Ndyosi Sti na, bi' cha' nscua na' quityi re cha' ca̱a̱ slo ma̱.

1 TIMOTEO 5:1

Ná cua'ni tyaala nu'u̱ ji'i̱ sca ngu' cusu' si ngua'ni cuxi yu; ta nu'u̱ sca cui̱i̱ lo'o yu ñi'ya̱ lo'o nchcui' na lo'o sti na. La cui' ti cha' lo'o nu ngu' qui'yu cuañi' ni, ta sca cui̱i̱ lo'o ngu' ñi'ya̱ lo'o nclu'u na ji'i̱ tya'a na.

1 TESALONICENSES 5:6

Bi' cha' tii ti ti' na tyi'i̱ na chalyuu; si'i ñi'ya̱ nti' si xcui' na laja' ti na tyi'i̱ na chalyuu, masi jua'a̱ ndu'ni xa' la ñati̱ nu ná ndaquiya' ji'i̱ Jesucristo tsiya' ti. Lo'o jua'a̱ ña'a̱si̱i̱ na ji'i̱ ycui' ca na cha' ná caca cu'bi na.