TITO 2:11 - Chatino Tataltepec

¹¹ Tso'o tsa ndu'ni ycui' Ndyosi lo'o ñati̱ chalyuu cha' cua nti' Ni cha' clyaá ngu' ji'i̱ nu cuxi;

TITO 2:11 Referans Kwoze

1 TIMOTEO 2:4

cha' nti' Ni cha' cua'ni lyaá Ni ji'i̱ lcaa ñati̱ chalyuu, nti' Ni cha' ca cuayá' ti' lcaa ñati̱ ñi'ya̱ nu ntsu'u cha' liñi ji'i̱ ycui' Ndyosi.

EFESIOS 2:8

na cua ngulaá na ji'i̱ nu cuxi, xqui'ya cha' jua'a̱ ti ndu'ni Ni cha' tso'o lo'o na lo'o ngusñi na cha' ji'i̱ Cristo. Ni si'i sca cña nu ngua'ni ycui' ca na laca bi', sca cha' tso'o nu ngua'ni ycui' Ndyosi cuentya ji'na jua'a̱ ti laca bi'.

HEBREOS 2:9

Pana cua jlo ti' na ñi'ya̱ ngua ji'i̱ Jesús nu ngua li', cha' xti ti tyempo ngua lcaa xca̱ ji'i̱ ycui' Ndyosi loo la ji'i̱ ycui' Jesús. Ngujuii yu lo crusi cuentya ji'i̱ lcaa ñati̱ chalyuu, xqui'ya cha' xcui' tso'o tsa ndu'ni ycui' Ndyosi lo'o na. Lo'o jua'a̱ ndube tsa ti' na ñi'ya̱ ndyaca ji'i̱ yu juani, cha' tso'o tsa ndyu'ni chi̱ ngu' loo yu; ndyu'ni tlyu ngu' ji'i̱ yu xqui'ya cha' cua ngujuii yu, xqui'ya cha' ti'í tsa ngua ti' yu cuentya ji'na.

EFESIOS 2:5

bi' cha' nda ycui' Ndyosi chalyuu ji'na chaca quiya', xqui'ya cha' cua ndyu'ú Cristo chaca quiya'. Cua ndye chalyuu ji'na ngua ti' na nquicha', xqui'ya cha' ná ndaquiya' na ji'i̱ cha' nu nchcui' ycui' Ndyosi; pana xqui'ya cha' xcui' tya'na tsa ti' Ni ña'a̱ Ni ji'na, bi' cha' cua ngulaá na ji'i̱ nu cuxi, cha' cua ngüityi̱ Ni qui'ya nu ntsu'u ji'na.

2 TESALONICENSES 2:16

Ndi'ya̱ nti' na' cha' cua'ni Ni lo'o ma̱, masi Jesucristo nu Xu'na na, masi ycui' Ndyosi Sti na: cua'ni Ni cha' caca nguula ti' tyiquee ma̱, cha' caja juersa ji'i̱ ma̱, cha' taca cua'ni ma̱ cua ña'a̱ ca cha' tso'o, cha' xcui' cha' tso'o chcui' ma̱ lo'o tya'a ma̱. Ntsu'u tsa tyiquee ycui' Ni ña'a̱ Ni ji'na, bi' cha' tso'o tsa ndu'ni Ni lo'o na, cha' ti̱ ti tyi'i̱ tyiquee na lcaa hora laja lo'o ntajatya na ji'i̱ ycui' Jesús cha' ca̱a̱ Ni.

ROMANOS 5:15

Nu jyo'o Adán ni, nguxtyanu yu yabe' hichu̱' na xqui'ya cha' cuxi nu ngua'ni ycui' ca yu; xqui'ya sca ti nu qui'yu bi' ngua cuxi chalyuu tya li', bi' cha' quiña'a̱ tsa ñati̱ ndyijii. Pana juani ni, xqui'ya sca ti ñati̱ nu naa Jesucristo, chaca lo cha' nda ycui' Ndyosi lo'o na, sca cha' tso'o tsa laca bi'; tlyu tsa cha' tso'o nu ngua'ni ycui' Ndyosi cuentya ji'na li'. Nacui̱ Ni cha' laja ti taca cua'ni lyaá Ni ji'na ji'i̱ lcaa cha' cuxi nu ntsu'u ji'na. Lo'o jua'a̱ quiña'a̱ tsa ñati̱ laca nu ndyu'ni Ni cha' ndyaca lubii cresiya ji'i̱ ngu'.

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

LOS HECHOS 11:23

Li' ndu'u Bernabé ndyaa yu, ndyalaa yu ca quichi̱ bi', na'a̱ yu ñi'ya̱ laca cha' tso'o nu ngua'ni ycui' Ndyosi lo'o ngu' bi'. Tso'o tsa ntsu'u tyiquee Bernabé li'. Nda yu sca cui̱i̱ lo'o taju ñati̱ ji'i̱ Jesucristo ca bi', cha' tyucui tyiquee ngu' cua'ni ngu' cña lcaa tsa̱, lcaa ña'a̱ cña nu nti' ycui' nu Xu'na na cha' cua'ni na.

LOS HECHOS 20:24

Pana ná ntsi̱i̱ na' xqui'ya cha' nu nchcui' ngu' bi', ná ndu'ni cha' jna' masi cujuii ngu' jna'. Sca ti cha' nti' na', cha' tso'o ti tye cña nu nda ycui' Jesús jna', cha' ta na' cha' tso'o ji'i̱ ycui' Ndyosi lo'o xa' ñati̱, cha' ntsu'u tsa tyiquee Ni ña'a̱ Ni ji'i̱ ñati̱ chalyuu.

SAN LUCAS 3:6

“Cua ngulala ti cha' ña'a̱ ngu' tyucui ña'a̱ chalyuu, cha' taca cua'ni lyaá ycui' Ndyosi ji'i̱ ñati̱.” Jua'a̱ nguscua jyo'o Isaías lo quityi bi'.

1 TIMOTEO 1:14

Ntsu'u tsa tyiquee nu Xu'na na ña'a̱ Ni 'na, bi' cha' ngusñi na' cha' ji'i̱ ycui' Jesucristo li'; lo'o nu juani ntsu'u tyiquee na' ña'a̱ na' ji'i̱ Jesús, lo'o jua'a̱ ntsu'u tyiquee na' ña'a̱ na' ji'i̱ tya'a ñati̱ na'.

ROMANOS 5:2

Tso'o tsa ndyu'ni ycui' Ndyosi lo'o na chacuayá' ji'i̱ Cristo, nu lo'o ngusñi na cha' ji'i̱ nu Cristo bi'. Ngua'ni Ni cha' ntsu'u cha' ji'na lo'o ycui' Ni, bi' cha' nga'aa ntsu'u cha' tya'a̱chu̱' na ji'i̱ Ni; tso'o tsa ntsu'u tyiquee na, cha' jlo ti' na cha' ca tiya' la caja sca se'i̱ nu tso'o tsa su tyi'i̱ na ca su ntucua ycui' Ndyosi, cha' jua'a̱ tso'o ti ndu'ni Ni lo'o na.

COLOSENSES 1:6

Cua lijya̱ ngañi la cha' tso'o ji'i̱ Jesús bi' tyucui ña'a̱ chalyuu, lo'o jua'a̱ lijya̱ ndyaca tso'o la cresiya ji'i̱ ñati̱ macala su nduna ngu' cha' bi'. La cui' jua'a̱ ndyaca tya lo'o ndyuna ma̱ cha' bi' tya clyo; tya li' cua ndyuna ma̱ cha' ndu'ni tsa ycui' Ndyosi cha' xlya'be lo'o ñati̱, li' ngua cuayá' ti' ma̱ cha' chañi tsa laca cha' bi'.

GÁLATAS 2:21

Si'i cha' ná ndube ti' na' ji'i̱ lcaa cha' tso'o nu ngua'ni ycui' Ndyosi lo'o ngu' judío tya'a ya; laca cha' ndube tsa ti' na' cha' ná taca ca tso'o cresiya ji'na cuentya ji'i̱ ycui' Ndyosi, masi tso'o tsa ndaquiya' na ji'i̱ cña nu nclyo cha' cusu' bi' ji'na. Ndube tsa ti' na' cha' ná ngujuii Jesús jua'a̱ ti; ntsu'u cña nu ngua'ni yu lo'o ngujuii yu lo crusi bi', na cua ngua'ni tso'o yu ji'i̱ cresiya ji'na cuentya ji'i̱ ycui' Ndyosi nu ngua li'.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

LOS HECHOS 13:47

Jua'a̱ cña ngulo ycui' nu Xu'na na ji'i̱ ya nu nchcui' quityi cusu' bi' ndi'ya̱: Ñi'ya̱ nti' sca xee ndubi nu nclyu'u xee tyijyu', jua'a̱ nga'a̱ cha' ta ma̱ cha' jna' lo'o ngu' xa' tsu', nacui̱ ycui' Ndyosi, cha' ca cuayá' ti' lcaa ñati̱ chalyuu tilaca laca nu cua'ni lyaá ji'i̱ ngu'.

LOS HECHOS 13:43

Jua'a̱ lo'o ndye ndyu'u ti'i̱ ngu' ne' laa bi', li' ndyaa ngu' lo'o Pablo lo'o Bernabé. Tyu̱u̱ tya'a ngu' judío ndyaa ngu' lo'o ngu' bi', lo'o jua'a̱ xa' ñati̱ nu ndu'ni tlyu ji'i̱ ycui' Ndyosi stu'ba ti lo'o nu ngu' judío bi', la cui' ti ndyaa ngu' lo'o ngu' bi' li'. Ngulu'u la ngu' bi' ji'i̱ nu quiña'a̱ ngu' bi' li', cha' tso'o ti tyanu cha' ji'i̱ Jesús tyiquee ngu', cha' ca cuayá' tso'o ti' ngu' cha' ntsu'u tsa tyiquee ycui' Ndyosi ña'a̱ Ni ji'i̱ lcaa ñati̱ chalyuu.

SAN JUAN 1:9

Nu laca xee nu chañi ca, cua lijya̱ yu bi' lo yuu cha' ta xee nu caca tyu'ú ne' cresiya ji'i̱ cua ña'a̱ ca ñati̱.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

SAN MARCOS 16:15

―Tsaa ma̱ tyucui ña'a̱ chalyuu ―nacui̱ Jesús ji'i̱ ngu' bi' li'―. Ta ma̱ cha' lo'o lcaa ñati̱ cuentya jna'. Chcui' ma̱ lo'o ngu' cha' taca clyaá ngu' ji'i̱ nu cuxi xqui'ya na'.

SAN MATEO 28:19

Yaa ma̱ lcaa quichi̱ nde chalyuu cha' ca tsa'a̱ lcaa ñati̱ cha' jna'. Li' tyucuatya ma̱ ji'i̱ ngu' chacuayá' ji'i̱ ycui' Ndyosi Sti na', jua'a̱ chacuayá' jna' nu laca̱ Sñi' ycui' Ndyosi, jua'a̱ chacuayá' ji'i̱ Xtyi'i ycui' Ndyosi.

HEBREOS 12:15

Cui'ya ma̱ cuentya cha' ni tsaca ngu' tya'a ma̱ ná xtyanu jua'a̱ ti lcaa cha' tso'o nu ndu'ni ycui' Ndyosi lo'o na. Lo'o jua'a̱ cui'ya ma̱ cuentya cha' ná cua'ni ñu'u̱ ma̱ ji'i̱ tyiquee xa' la ngu' tya'a ngusñi na cha' ji'i̱ Jesús. Ñi'ya̱ laca sca quixi̱' tyaala nu cua'ni ñu'u̱ ji'i̱ ñati̱ lo'o co'o ngu' hitya bi', jua'a̱ caca na ji'i̱ tya'a na lo'o ntsu'u sca cha' cuxi ji'na.

2 TIMOTEO 4:17

Nguxtyucua ycui' nu Xu'na na jna' li', cua nda Ni juersa 'na cha' tya ngulu'u la na' cha' tso'o ji'i̱ Jesucristo ña'a̱ cuayá' ndyuna lcaa ñati̱ xa' tsu' nu ndi'i̱ ca nde. Cua ngua'a ycui' Ni 'na ji'i̱ cuichi tyaala bi'.

COLOSENSES 1:23

Pana juani ña'a̱ ti ndulo tsa cha' ji'i̱ ma̱ cha' tyanu tachaa la cha' ji'i̱ Cristo ne' cresiya ji'i̱ ma̱, cha' ycui' yu bi' laca su̱u̱ lcaa cha' bi'. Ná ta ma̱ chacuayá' cha' cñilo'o ngu' ji'i̱ ma̱, cha' si jua'a̱, nga'aa culacua ti' ma̱ ji'i̱ cha' tso'o nu tyacua ji'i̱ ma̱ nde loo la, la cui' cha' nu cua ndyuna ma̱ ji'i̱ tya clyo. Xqui'ya cha' tso'o ji'i̱ Cristo bi', bi' cha' ndya'a̱ ngu' tyucui ña'a̱ chalyuu nchcui' ngu' cha' bi' lo'o ñati̱. Lo'o jua'a̱ na', Pablo, ndya'a̱ tsa na' lo cña bi'.

ROMANOS 10:18

Nti' na' xcuane na' sca cha' ji'i̱ cu'ma̱: ¿Ha bilya cuna ngu' judío cha' ji'i̱ Cristo lacua? Cua ndyuna ngu', cha' cua nscua sca cha' lo quityi cusu' nu nchcui' ndi'ya̱: Tyucui ña'a̱ chalyuu nguañi cha' nu nda ngu' lo'o; lcaa se'i̱ ndyalaa cha' nu nchcui' ngu', masi ca su cua tyijyu' la cua ndyalaa cha' bi'. Jua'a̱ nchcui' quityi.

LOS HECHOS 17:30

Cua ndalo tsa tyiquee ycui' Ndyosi ji'i̱ ñati̱ chalyuu tyempo sa'ni lo'o bilya ca jlo ti' ngu' lcaa cha' bi', pana juani cua ngulo Ni cña ji'i̱ lcaa ñati̱ chalyuu cha' culochu̱' ngu' lcaa cha' cuxi nu ntsu'u ji'i̱ ngu'.

2 TIMOTEO 1:10

Cua nchca cuayá' ti' na cha' bi' juani, xqui'ya cha' cua ya̱a̱ Jesucristo chalyuu, cha' bi' laca nu ngua'ni lyaá ji'na; ntiji̱loo Jesús tsiya' ti ji'i̱ nu xña'a̱ nu lo'o ndyu'ú yu chaca quiya' lo'o cua ngujuii yu, bi' cha' ná nga'a̱ cha' tye chalyuu ji'i̱ lcaa na nu xñi na cha' ji'i̱ Ni, cha' ngua'ni lyaá Jesús ji'na.