Biblia Todo Logo
Bib sou entènèt

- Piblisite -




TITO 1:4 - Chatino Tataltepec

4 Nscua na' quityi re cha' ca̱a̱ slo nu'u̱, Tito, cha' ñi'ya̱ si laca nu'u̱ sñi' na', jua'a̱ nti' na' ña'a̱ na' jinu'u̱, cha' stu'ba ti ngusñi na cha' ji'i̱ ycui' Ndyosi. Ndi'ya̱ nti' na' cha' ña'a̱ ti cua'ni ycui' Ndyosi Sti na cha' tso'o lo'o nu'u̱, jua'a̱ Jesucristo nu ngua'ni lyaá ji'na; cua'ni Ni cha' ti̱ ti tyi'i̱ tyiquee nu'u̱ li'.

Gade chapit la Kopi




TITO 1:4
31 Referans Kwoze  

Nscua na' quityi re cha' ca̱a̱ slo nu'u̱, Timoteo, cha' sñi' na' laca nu'u̱ nti' na', jua'a̱ ntsu'u tsa tyiquee na' ña'a̱ na' jinu'u̱. Ndi'ya̱ nti' na', cha' ña'a̱ ti cua'ni ycui' Ndyosi cha' tso'o lo'o nu'u̱, cha' cua'ni tya'na ti' Ni jinu'u̱, cha' jua'a̱ cua'ni Ni cha' ti̱ ti tyi'i̱ cresiya jinu'u̱ xqui'ya Jesucristo nu Xu'na na.


Cu'ma̱ ngu' tya'a tso'o na nu tyaca'a tsa ma̱ 'na, nti' tsa na' scua na' quityi cha' tsaa ca slo ma̱, sca quityi nu chcui' ji'i̱ cha' tlyu nu ngua'ni Jesús cha' taca clyaá na ji'i̱ nu cuxi; pana ná ngua scua na' ji'i̱ yala ti. Lo'o nu juani nga'a̱ cha' scua na' quityi re cha' tsaa ca slo ma̱, cha' ta na' sca cui̱i̱ lo'o ma̱; nga'a̱ cha' cua'a ma̱ ji'i̱ cua ña'a̱ ca ngu' cuiñi, xqui'ya cha' ná jlya ti' ngu' ji'i̱ cha' liñi nu cua nda ycui' Ndyosi nu Xu'na na lo'o na, lcaa na nu ntsu'u cha' ji'na lo'o Jesucristo. Ná cua'a̱ jyaca̱ ma̱ tsiya' ti ji'i̱ cha' nu nchcui' ngu' cuiñi bi'.


ndya'a̱ ma̱ lo tyucui̱i̱ ji'i̱ ycui' Ndyosi li'. Jua'a̱ caca ycui' Jesucristo nu Xu'na na loo ji'i̱ ma̱, bi' laca nu ndyu'ni lyaá ji'na; ná nga'a̱ cha' tye tsa̱ cha' laca ycui' Ni loo, lo'o li' tso'o ti tyatí̱ na ca su ntucua ycui' Ni.


Simón Pedro laca na'; ndyu'ni na' cña ji'i̱ Jesucristo, cha' cua ngusubi Ni 'na cha' tsa'a na' ta na' cha' tso'o ji'i̱ Cristo lo'o ngu' xa' quichi̱. Lo'o nu juani nscua na' quityi re cha' tsaa slo lcaa ñati̱ nu ngusñi cha' ji'i̱ ycui' Ndyosi ñi'ya̱ nu ngusñi na ji'i̱. Xcui' cha' liñi ndu'ni ycui' Ndyosi nu Xu'na na, la cui' Jesucristo nu ndyu'ni lyaá ji'na ji'i̱ nu cuxi laca bi'; bi' cha' stu'ba ti laca lcaa na cuentya ji'i̱ ycui' Ndyosi, tso'o tsa ndyaca ji'i̱ lcaa na cuentya ji'i̱ Ni.


Pana ná ndalo na' ca bi', cha' ngulacua tsa ti' na' ni cha' laca bilya tyalaa Tito tya'a ndya'a̱ ya cña slo na'; bi' cha' yala ti ngusalya' na' lo'o ngu' quichi̱ bi'. Li' tya ndyaa la na' nde loyuu su cuentya Macedonia.


Pana tso'o la ca tsa'a̱ la ma̱ cha' tso'o ji'i̱ Jesucristo nu Xu'na na, nu cua ngua'ni lyaá ji'na; li' taca tyi'i̱ tso'o la tyiquee ma̱ cuentya ji'i̱ ycui' nu Xu'na na. Cua'ni tlyu na ji'i̱ ycui' Ni nde chalyuu, lo'o jua'a̱ ná nga'a̱ cha' tye tsa̱ nu cua'ni tlyu na ji'i̱ Ni ca slo ycui' Ni. Jua'a̱ caca cha' lacua.


Bi' cha' juani si xcuane ngu' ji'i̱ ma̱ ni cña laca ndya'a̱ Tito, ndi'ya̱ ñacui̱ ma̱ ji'i̱ ngu': Tya'a ndya'a̱ na cña laca yu re. Lo'o jua'a̱ xacui̱ ma̱ cha' ji'i̱ ngu' cha' stu'ba ndyu'ni yu cña lo'o cua cuentya ji'i̱ cu'ma̱. La cui' jua'a̱ si xcuane ngu' ji'i̱ ma̱, ni cña laca nu ndya'a̱ xa' la tya'a ndya'a̱ Tito bi', ndi'ya̱ xacui̱ ma̱ cha' ji'i̱ ngu' li': Ndya'a̱ ngu' bi' cuentya ji'i̱ lcaa latya ngu' xa' quichi̱ nu ndyu'ni tlyu ji'i̱ Cristo, cha' ndu'ni chi̱ ngu' loo Cristo.


Tso'o si caca cua'ni na cha' caca tyatí̱ la ti' tyiquee tya'a na, cha' stu'ba ti xñi tso'o la na cha' ji'i̱ Jesús li'.


Li' nacui̱ ngu' bi' ji'i̱ nu cuna'a̱ bi': ―Si'i xqui'ya nu'u̱ ngusñi ya cha' ji'i̱ yu juani. Na cua nchcui' ycui' yu lo'o ya, bi' cha' jlya ti' ya cha' nu nchcui' yu; cua nda ya cuentya cha' chañi cha' laca nu cusu' re Cristo, nu ñati̱ tlyu nu cua ca̱a̱ ti cha' cua'ni lyaá ji'i̱ lcaa ñati̱ chalyuu.


Tyucui tyiquee na taca chcui' na lo'o ycui' Ndyosi lacua. Lo'o jña na sca cha' ji'i̱ ycui' Ndyosi nu stu'ba nti' lo'o sca cha' nu nti' ycui' Ni, li' taca jlo ti' na cha' taquiya' Ni ji'i̱ cha' nu chcui' na lo'o Ni.


Ntsu'u cha' tyi'u ti' ma̱ cha' nu cua nchcui' ngu' nu ngua tu'ba ji'i̱ ycui' Ndyosi cua sa'ni la; tso'o si tyi'u ti' ma̱ cha' bi' lu'ba ti, lo'o jua'a̱ ji'i̱ cha' nu cua nchcui' ycui' nu Xu'na na nu ngua'ni lyaá ji'na. Cua ngusubi ycui' nu Xu'na na ji'i̱ ya cha' culu'u ya cha' ji'i̱ ycui' Ni ji'i̱ cu'ma̱, bi' cha' tso'o si taquiya' ma̱ ji'i̱ lcaa cha' nu cua ndyuna ma̱ lo'o ngulu'u ya ji'i̱ ma̱.


Cuxi la caca ji'i̱ ñati̱ nu cua nguxtyanu ji'i̱ cha' cuxi tsaca quiya', lo'o li' ta chacuayá' ji'i̱ nu cuxi cha' tyiji̱loo ji'i̱ chaca quiya'; na cua ngulaá ñati̱ bi' ji'i̱ lcaa cha' cuxi nu ntsu'u nde chalyuu nquicha', na cua ngua tsa'a̱ ji'i̱ Jesucristo nu Xu'na na, cha' bi' laca nu ngua'ni lyaá ji'na.


Lo'o juani cua nti' Ni cha' tso'o tsa tyempo cha' cañi tyijyu' cha' ji'i̱ ycui' Ndyosi nu ndyu'ni lyaá ji'na, lo'o jua'a̱ cua ngulo Ni cña jna' cha' culu'u na' cha' tso'o bi' ji'i̱ xa' ñati̱.


Nda na' quityi re cha' ca̱a̱ ca slo cu'ma̱ ca quichi̱ Colosas jua, cu'ma̱ ngu' nu ntsu'u cha' ji'i̱ ma̱ lo'o ycui' Ndyosi, cu'ma̱ nu laca ma̱ ngu' tya'a na xqui'ya cha' cua ngusñi tso'o ma̱ cha' ji'i̱ Cristo. Ndi'ya̱ nti' na', cha' ña'a̱ ti cua'ni ycui' Ndyosi Sti na cha' tso'o lo'o ma̱, cha' cua'ni Ni cha' ti̱ ti tyi'i̱ tyiquee ma̱, ca su ndi'i̱ ma̱ ca jua.


Ndi'ya̱ nti' na', cha' ña'a̱ ti cua'ni Ni cha' tso'o lo'o ma̱, cha' cua'ni ycui' Ndyosi Sti na cha' ti̱ ti tyi'i̱ tyiquee ma̱ si xñi ma̱ cha' ji'i̱ Jesucristo nu Xu'na na.


Lo'o jua'a̱ yu Tito tya'a ndya'a̱ na' ni, ná nchcui' ngu' lo'o yu cha' si'yu quiji̱ yu cha' culacua̱ yu ñi'ya̱ ndu'ni ngu' judío, masi ngu' xa' tsu' laca yu.


Chañi cha' nchcui' na' lo'o yu Tito bi', cha' tsubi' ti tsaa yu ca su ndi'i̱ ma̱; ndyaa yu lo'o chaca yu tya'a ngusñi na cha' ji'i̱ Jesús bi' li'. Pana si'i Tito laca nu ngua'ni ngana ji'i̱ ma̱; sca ti cuayá' ndyu'ni yu cña ñi'ya̱ nu ndyu'ni na' cña, sca ti cha' ntsu'u tyiquee tyucuaa ya.


Tso'o tsa nti' ya lo'o nchcui' ya lo'o ycui' Ndyosi, cha' nu Tito, tya'a ndya'a̱ ya cña bi' ni, nti' tsa yu xtyucua yu ji'i̱ ma̱. Stu'ba ti nti' yu lo'o na' cha' xtyucua ya ji'i̱ cu'ma̱.


Bi' cha' cua nchcui' ya lo'o yu Tito bi', cha' cua'ni lyiji yu cha' xti'i̱ yu msta̱ nu nda cu'ma̱ cha' tso'o ntsu'u tyiquee ma̱, cha' tya tsubi' la cua nguxana nxti'i̱ yu msta̱ bi'.


Pana ycui' Ndyosi ni, nda la Ni juersa ji'i̱ ñati̱ nu xñi'i̱ ti ti' nga'a̱; bi' cha' xa' juersa nda Ni ji'i̱ ya cha' caca nguula la tyiquee ya, xqui'ya cha' cua ndyalaa Tito ca nde.


Ntsu'u sca cha' nu nscua lo quityi cusu' su nchcui' ngu' ndi'ya̱: “Jlya ti' na' cha' chañi laca cha' bi', bi' cha' nchcui' na' cha' liñi bi' lo'o xa' ñati̱”, nacui̱ jyo'o cusu' bi'. Lo'o jua'a̱ cuare, nchcui' ya cha' ji'i̱ Jesús cha' cua ndyatí̱ tyiquee ya ji'i̱ yu, xqui'ya cha' ngusñi ya cha' ji'i̱ yu.


Nscua na' quityi re cha' ca̱a̱ nde quichi̱ Roma ca su ndi'i̱ ma̱. Nda na' xlyo ni'i̱ ji'i̱ ma̱ cuentya ji'i̱ ycui' Ndyosi Sti na, cuentya ji'i̱ Jesucristo nu Xu'na na, cha' ntsu'u tsa tyiquee ycui' Ndyosi ña'a̱ Ni ji'i̱ ma̱. Cua ngusubi Ni ji'i̱ ma̱ cha' tyucui tyiquee ma̱ taca caca ma̱ ñati̱ ji'i̱ Ni. Ndi'ya̱ nti' na', cha' ña'a̱ ti cua'ni ycui' Ndyosi Sti na cha' tso'o lo'o ma̱, cha' cua'ni Ni cha' ti̱ ti tyi'i̱ tyiquee ma̱ xqui'ya Jesucristo nu Xu'na na.


Cua lijya̱ na' cacha' na' ji'i̱ ma̱ cha' juani cua ngula sca cubi' ca quichi̱ tyi ma̱, cha' la cui' quichi̱ tyi jyo'o David laca bi'; cubi' bi' laca nu cuityi̱ qui'ya nu ntsu'u ji'i̱ ma̱. Bi' laca nu Cristo nu laca ycui' nu Xu'na na, nu cua nda ycui' Ndyosi ji'i̱ cha' lijya̱ lo yuu chalyuu ―nacui̱―.


Sñi' ycui' Ndyosi laca lcaa cu'ma̱ juani lo'o ngusñi ma̱ cha' ji'i̱ Jesucristo, xqui'ya cha' cua ntsu'u cha' ji'i̱ ma̱ lo'o Ni.


Nu lo'o cua ngua stu'ba cha' ji'na lo'o Jesucristo, la cui' tyempo bi' ngua stu'ba cha' ji'na lo'o tya'a ñati̱ na; bi' cha' nga'aa chcui' na cha' ngu' judío laca ya, cha' ngu' xa' tsu' laca ma̱; nga'aa chcui' na cha' msu nu ngüi'ya ñati̱ laca ma̱, cha' ñati̱ nu ndi'i̱ tso'o ti laca na; nga'aa chcui' na cha' qui'yu laca na, cha' cuna'a̱ laca ma̱. Lcaa na, stu'ba cha' ji'na lo'o tya'a na juani.


Ndya tsa na' xlya'be ji'i̱ Jesucristo nu Xu'na na cha' ngua'ni Ni cha' caca cua'ni na' cña ji'i̱ Ni; ndya na' xlya'be ji'i̱ Ni cha' ngusubi Ni jna' cha' cua'ni na' cña ji'i̱ Ni, cha' jlo ti' Ni cha' ndaquiya' na' ji'i̱ Ni.


Pablo laca na'. Cua nda ycui' Ndyosi cña 'na cha' lijya̱ na' tyijyu' ca nde quichi̱ tyi ma̱, cha' ta na' cha' ji'i̱ Jesucristo lo'o ma̱. Nacui̱ Ni cha' ná nga'a̱ cha' tye chalyuu ji'i̱ ñati̱ nu xñi cha' ji'i̱ Jesucristo.


Cua nguxtyanu Demas 'na xqui'ya cha' ndiya la ti' yu ji'i̱ cha' cuxi nu ntsu'u chalyuu, ndyaa yu ca quichi̱ Tesalónica. Nda na' ji'i̱ Crescente ndyaa ca Galacia, jua'a̱ nda na' ji'i̱ Tito ndyaa ca Dalmacia;


Jua'a̱ ti ngulu'u Ni ji'na, cha' taca ca tso'o tyiquee na laja lo'o ntajatya na ji'i̱ ycui' Ndyosi nu tlyu tsa cha' nu ntsu'u ji'i̱ Ni, ni jacua' ca̱a̱ Ni chaca quiya'. Ndubi tsa xee ntsu'u ji'i̱ Ni li', nu lo'o tyu'u tucua Jesucristo nu ngua'ni lyaá ji'na.


Swiv nou:

Piblisite


Piblisite