TITO 1:15 - Chatino Tataltepec

¹⁵ Lubii tsa laca lcaa lo na, jua'a̱ nti' sca ngu' nu lubii cresiya ji'i̱ cuentya ji'i̱ ycui' Ndyosi; pana ná ntsu'u na lubii tsiya' ti nti' ngu' nu cuxi tyiquee, cha' ná jlya ti' ngu' bi' ji'i̱ cha' liñi. Lo'o cua'ni ngu' nu cuxi tyiquee cha' cuxi, li' nga'aa nda ngu' bi' cuentya cha' xcui' cha' cuxi laca nu ndu'ni ngu'.

TITO 1:15 Referans Kwoze

ROMANOS 14:14

Cua nchcui' Cristo lo'o na', cua jlo ti' na' cha' ni sca na cuxi ná nda ycui' Ndyosi cha' cacu ñati̱; lcaa na nu ndacu ñati̱ chalyuu, na tso'o laca bi'. Pana ntsu'u ñati̱ nu ná nchca cacu sca na, xqui'ya cha' nti' ti ngu' cha' na cuxi laca bi'; cuxi tsa laca na bi' cuentya ji'i̱ ngu' bi' si cacu ngu' ji'i̱ li'.

ROMANOS 14:20

ná cua'ni ñu'u̱ ma̱ ji'i̱ cña nu ndyu'ni ycui' Ndyosi xqui'ya sca na nu ndacu ma̱. Chañi cha' tso'o tsa laca lcaa na nu nda Ni cha' cacu ñati̱, pana caca cuxi na bi' cuentya ji'i̱ ma̱, si ntsu'u ngu' nu xtyanu cha' ji'i̱ Jesús xqui'ya cha' ndacu ma̱ ji'i̱.

1 CORINTIOS 10:23

Chañi tsa cha' nu nchcui' ñati̱: “Ntsu'u chacuayá' cua'ni na cua ña'a̱ ca cha' nu nti' ti na cua'ni na”, nacui̱ ngu'. Pana ntsu'u xi cha' nu ndu'ni na nu ná taca xtyucua ji'na tsiya' ti. Chañi cha' taca cua'ni na ñi'ya̱ nu nti' ti na, pana si'i lcaa cha' bi' ndu'ni cha' xñi tso'o na cha' ji'i̱ ycui' Ndyosi.

SAN MATEO 15:18

Pana sca cha' nu nchcui' ngu' ni, stu'ba laca bi' lo'o cha' nu ntsu'u ne' cresiya ji'i̱ ngu'; xqui'ya cha' nu nchcui' ngu', bi' cha' nchca cuayá' ti' xa' la ñati̱ si cua ngunu'u̱ tyiquee ngu' bi'.

ROMANOS 14:23

Pana ná tso'o ndyu'ni ñati̱ lo'o ndyacu cuaña' si nti' ngu' cha' cuxi laca cha' bi' cuentya ji'i̱ ycui' Ni; qui'ya laca ji'i̱ ngu' bi', cha' si'i na tyucui tyiquee ngu' ndyacu ngu' cuaña' bi' li'. Lcaa cña nu ndyu'ni na cha' siya' ti tyiquee na, qui'ya ji'na laca bi'.

1 CORINTIOS 10:31

Tso'o lacua masi cacu ma̱, masi co'o ma̱, masi cua'ni ma̱ lcua ti lo cña nu ndyu'ni ma̱, pana tyi'u ti' ma̱ ji'i̱ ycui' Ndyosi laja lo'o cua'ni ma̱ lcaa cña bi', cha' caca cuayá' ti' ngu' li' cha' tso'o tsa laca cha' ji'i̱ ycui' Ndyosi, la cui' cha' nu cua ngusñi ma̱.

LOS HECHOS 10:15

Xa' nchcui' ycui' Ndyosi lo'o yu li': ―Ná tso'o ñacui̱ nu'u̱ cha' na'ni cuxi laca jua, si cua nacui̱ ycui' Ndyosi cha' lubii ni'.

1 CORINTIOS 8:7

Pana ná lcaa ñati̱ nchca cuayá' ti' cha' bi'. Ntsu'u ngu' tya'a ngusñi na cha' ji'i̱ Jesús nu ná nchca cacu sca na nu cua nscua slo jo'ó tya clyo. Nu ngua tya sa'ni la, cua ngui'i̱ tsa ngu' bi' ji'i̱ jo'ó bi'; lo'o juani ña'a̱ ti tya ntsu'u ti' ngu' bi' cha' na cacu jo'ó laca na nu cacu ngu' bi'. Bi' cha' ná ndalo ngu' bi' tsiya' ti cha' cacu ngu' cuaña' nu ngua msta̱ bi'; cha' cuxi laca cha' bi' cuentya ji'i̱ ngu' bi'.

HEBREOS 10:22

Tya̱a̱ na ca slo ycui' Ndyosi lacua; tyucui tyiquee na cua'ni na cha' caca stu'ba cha' ji'na lo'o ycui' Ndyosi Sti na, cha' taca xñi tso'o na cha' ji'i̱ Ni li'. Cua ngüityi̱ Ni lcaa cha' cuxi nu ngua'ni cha' ngua tyuju'u ti' na tya tsubi' la; cua ngua lubii cresiya ji'na juani, ñi'ya̱ laca lo'o cua ndyaata na chcu lo'o hitya lubii ti.

1 CORINTIOS 10:25

Taca cacu ma̱ lcaa na ndacu nu nchca caya' ni'i̱ lcaya'; ná sca culacua ti' ma̱ na ca laca bi', si tso'o, si ná tso'o laca bi' cuentya ji'i̱ ma̱.

1 TIMOTEO 6:5

Lye tsa nchcui' ngu' bi', xqui'ya cha' ná ngusñi tso'o ngu' cha' liñi ji'i̱ ycui' Ndyosi, jua'a̱ nga'aa nclyacua tso'o ti' ngu' bi'; cha' cuiñi ti ndu'ni tlyu ngu' bi' ji'i̱ ycui' Ndyosi cha' caja cñi ji'i̱ ngu', nti' ngu'. Ná tya'a̱ nu'u̱ stu'ba ti lo'o ngu' bi'.

HEBREOS 9:14

Masi jua'a̱ ngua'ni ngu' cña nu ngua li', pana tlyu la cña nu ngua'ni Cristo juani, cha' ndyalú tañi ycui' yu lo'o ngujuii yu lo crusi cuentya ji'na. Xqui'ya Xtyi'i ycui' Ni, bi' cha' ngua ji'i̱ Cristo ta yu tyucui ña'a̱ ycui' ca yu, cha' sca ti quiya' cati̱ qui'ya nu ntsu'u ji'na lo'o ycui' Ndyosi; nu ycui' Cristo ni, ná ntsu'u qui'ya ji'i̱ yu tsiya' ti, bi' cha' taca cua'ni lubii Ni cresiya ji'na, nu lo'o tyi'u ti' na ñi'ya̱ nu ngua'ni Ni lo'o ndyalú tañi ycui' Ni. Li' cuityi̱ Ni lcaa cha' cuxi nu ndyu'ni ñu'u̱ tsa ji'na, jua'a̱ taca ji'na cua'ni na cña ji'i̱ ycui' Ndyosi nu lu'ú ca nde chalyuu li'.

HEBREOS 12:15

Cui'ya ma̱ cuentya cha' ni tsaca ngu' tya'a ma̱ ná xtyanu jua'a̱ ti lcaa cha' tso'o nu ndu'ni ycui' Ndyosi lo'o na. Lo'o jua'a̱ cui'ya ma̱ cuentya cha' ná cua'ni ñu'u̱ ma̱ ji'i̱ tyiquee xa' la ngu' tya'a ngusñi na cha' ji'i̱ Jesús. Ñi'ya̱ laca sca quixi̱' tyaala nu cua'ni ñu'u̱ ji'i̱ ñati̱ lo'o co'o ngu' hitya bi', jua'a̱ caca na ji'i̱ tya'a na lo'o ntsu'u sca cha' cuxi ji'na.