TITO 1:11 - Chatino Tataltepec

¹¹ Nga'a̱ cha' tacu̱' ma̱ tu'ba ngu' cuiñi bi', cha' ná tacu̱' ngu' cha' ji'i̱ quiña'a̱ ñati̱, ña'a̱ tya'a nga'a̱ ni'i̱ ti ngu' nu cua ngusñi cha' liñi bi'. Nclyu'u ngu' cuiñi bi' cha' ji'i̱ tya'a na; pana na cuiñi ngu' bi', cha' cua nti' ngu' caja cñi ji'i̱ ngu'.

TITO 1:11 Referans Kwoze

2 TIMOTEO 3:6

Lo'o jua'a̱ ntsu'u xi ngu' cuxi bi' nu nñilo'o ji'i̱ ñati̱, nu ndya'a̱ ne' ni'i̱ ji'i̱ ñati̱ cha' culu'u ngu' cha' cuiñi ti ji'i̱ ngu' cuna'a̱ nu ná nclyacua tso'o ti'. Na tonto tsa ngu' cuna'a̱ bi', cha' ntsu'u tsa qui'ya ji'i̱ ngu', cha' nti' tsa ngu' xñi ngu' ji'i̱ cua ña'a̱ ca cha' cuxi.

1 TIMOTEO 6:5

Lye tsa nchcui' ngu' bi', xqui'ya cha' ná ngusñi tso'o ngu' cha' liñi ji'i̱ ycui' Ndyosi, jua'a̱ nga'aa nclyacua tso'o ti' ngu' bi'; cha' cuiñi ti ndu'ni tlyu ngu' bi' ji'i̱ ycui' Ndyosi cha' caja cñi ji'i̱ ngu', nti' ngu'. Ná tya'a̱ nu'u̱ stu'ba ti lo'o ngu' bi'.

ROMANOS 3:19

Cua jlo ti' na cha' cua nscua lcaa cha' cusu' bi', cha' cube ti' ngu' judío nu ntsu'u cha' ji'i̱ lo'o cha' bi'; jua'a̱ nguscua jyo'o cusu', cha' cua nti' ycui' Ndyosi cha' caca cuayá' ti' lcaa ñati̱ tyucui ña'a̱ chalyuu cha' ná caja ñi'ya̱ nu cua'ni lyaá ngu' ji'i̱ ycui' ca ngu' lo'o Ni, cha' nga'a̱ cha' cua'ni cuayá' Ni ji'i̱ ngu'.

TITO 3:10

Tucua quiya' chcui' nu'u̱ lo'o ngu' cha' cua'a nu'u̱ ji'i̱ ngu' nu nti' xu'ba cha' cusu̱u̱ laja cu'ma̱ nu laca ma̱ ñati̱ ji'i̱ Jesucristo. Si ná cuna ngu' bi', li' xtyanu ma̱ ji'i̱ ngu' bi'.

TITO 1:9

Tso'o tsa ñati̱ nu cua ngui'i̱ tsa ji'i̱ cha' liñi nu ngulu'u na ji'i̱, ñati̱ nu nchca ji'i̱ culu'u cha' liñi bi' ji'i̱ tya'a ñati̱, ñati̱ nu nchca ji'i̱ tacu̱' tsiya' ti cha' ji'i̱ ngu' cuiñi.

TITO 1:7

Lo'o jua'a̱ ngu' nu caca loo ji'i̱ taju ñati̱ tya'a na ni, ná tso'o si ntsu'u cha' sta ñati̱ qui'ya ji'i̱ ngu' bi', cha' cña ji'i̱ ycui' Ndyosi ndyu'ni ngu' bi'. Bi' cha' clyana nu'u̱ ji'i̱ ngu' nu ná ndu'ni tyucuaa ti' ji'i̱ tya'a ngu', ngu' nu ná ñasi̱', ngu' nu ná cu'bi, ngu' nu ná ntsu'u cha' cusu̱u̱ lo'o tya'a ñati̱, ngu' nu ná ndacui tsa ti' ji'i̱ cñi;

2 CORINTIOS 11:10

Tso'o la nti' na' cha' ndyaca jna' jua'a̱. Bi' cha' juani macala su tya'a̱ na' tyucui loyuu su cuentya Grecia, nga'aa nti' na' cha' ta ngu' caya' 'na; cua jlo ti' ma̱ cha' chañi tsa cha' nu nchcui' na' re, xqui'ya cha' laca na' ñati̱ ji'i̱ Cristo.

SAN LUCAS 20:40

Ndyutsi̱i̱ ngu' li'. Nga'aa ngua'ni tyiquee ngu' cha' chcui' ngu' xi xa' la cha' lo'o Jesús.

SAN JUAN 10:12

Sca msu ti ni, ná ña'a̱si̱i̱ tso'o ji'i̱ xlya', xna yu lo'o ña'a̱ yu cha' lijya̱ bo'o. Si'i ycui' yu nu laca loo ji'i̱ xlya', si'i ycui' yu nu ca ji'i̱ ni', nti' yu. Bi' cha' caca lya' ti' bo'o ji'i̱ taju xlya' bi', li' tyijyu' cañi xlya' xna ni' ―nacui̱ Jesús―.

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.

1 TIMOTEO 5:4

Si ntsu'u sñi' nu cuna'a̱ ti'i, masi sca sñi' ste', ntsu'u cha' ña'a̱si̱i̱ ngu' bi' ji'i̱ xtya'a̱ ngu' li'; nga'a̱ cha' ca tsa'a̱ sñi' ngu' cha' ña'a̱si̱i̱ ngu' ji'i̱ ngu' cusu' ji'i̱, ñi'ya̱ lo'o nguna'a̱si̱i̱ ngu' cusu' bi' ji'i̱ sñi' ngu' lo'o ngua cuañi' ngu'. Bi' laca cña nu ndacui ji'i̱ ngu' cuañi' cha' cua'ni ngu' cuentya ji'i̱ ngu' cusu' ji'i̱, cha' tso'o ntsu'u tyiquee ycui' Ndyosi lo'o ña'a̱ Ni ji'i̱ ngu' cuañi' nu ña'a̱si̱i̱ tso'o ji'i̱ ngu' cusu' ji'i̱.

1 TIMOTEO 5:13

Bi' cha' tso'o la si ná scua ngu' tsiya' ti xtañi nu cuna'a̱ cuañi' nu ndyanu ti'i. Ná tyiquee' xcui' paseya ti tya'a̱ ngu' cuañi' bi' slo ñati̱; pana si jua'a̱ cua'ni ngu', caca taja ngu' cuna'a̱ bi', chcui' tsa ngu' cuentyu ji'i̱ xa' ñati̱ li', masi ji'i̱ tya'a ngu', masi ji'i̱ xa' la ñati̱. Ni si'i sca ti cha' taja nu cuna'a̱ ti'i nu ndu'ni jua'a̱, masi lo'o chcui' tsa ngu' cuna'a̱ bi' lo'o tya'a ngu' lcua ti lo cha' nu ná tso'o cha' chcui' na.

2 TIMOTEO 2:18

Nguxtyanu ngu' bi' cha' liñi ji'i̱ ycui' Ndyosi, lo'o nu juani nacui̱ ngu' bi' cha' nga'aa tyu'ú na chaca quiya': “Na cua ndyu'ú ngu' chaca quiya', lcaa ngu' nu ntsu'u cha' tyu'ú”, nacui̱ ngu' cuiñi bi'. Pana ntsu'u xi ngu' tya'a na nu cua ngusñi cha' nu nchcui' ngu' bi', lo'o juani nga'aa jlo tso'o ti' ngu' ni cha' nu jlya ti' ngu' tya clyo.